Wednesday, October 31, 2012

တင်မောင်မြင့် ဘာသာပြန် မုန်တိုင်းထန်ကမ်းခြေ, အပိုင်း (၁၁)

ပီယာဘိုဒီ
စန်ကာလို
(ငါးရက်မြောက်နေ့)


လက်ထဲကို မတ်ခွက် ရောက်ရောက်ချင်း ကိုင်မြှောက်လိုက်မိသည်။ ဣနြေ္ဒမဆောင်နိုင်တော့။ ကမ္ဘာကျော်ကော်ဖီနံ့ က နှာခေါင်းထဲ တန်းဝင်သွားသည်။ သွားရည်ယိုချင်စရာ။ တင်းထားသမျှ ခွန်အားတွေ ကော်ဖီငွေ့ များနှင့်အတူ လွင့်မျောသွားလေပြီလားမသိ။ ငါးရက်သာ ရှိသေး သည်။ ကော်ဖီခွက် ကိုင်ထားသည့် ကျွန်တော့်လက်တွေ တုန်နေပြီ။ မသောက်ဘဲ ခွက်ကို လွှင့်ပစ်လိုက်ဖို့ စိတ်ကူးသေး၏။ သို့သော် လက်နှင့်ပါးစပ် က စိတ်ကူးကို လက်မခံကြတော့။
သူ စောင့်ကြည့်နေသည်။ မျက်တောင်ကို မှေးစင်းလျက်၊ သည်မျက်လုံးများက အရာရာကို ထိုးဖောက်မြင်နိုင်စွမ်း ရှိနေသည့်အလား၊ ကျွန်တော်၏ အာရုံ လုံရုံကလေး ၀တ်ထားသည့် ခန္ဓာကိုယ်ကို အနူအရွဲ တစ်ယောက်လို စိတ်မှာ ထင်လာ၏။

ကော်ဖီ နှစ်ကျိုက်မော့ပြီး ခွက်ကို ပြန်ချထားလိုက်သည်။ သန့်ရှင်းရေး လုပ်သွားသည့်အခန်းကို စစ်ဆေး သလို သေသေချာချာ သူလိုက်ကြည့်သည်။ ကျွန်တော်က ထိုင်မြဲဆက်ထိုင်နေ၏။ ကျွန်တော်က ထပ်ပြီး တောင်းဆို သည်။ ကျွန်တော့်ကို သုံ့ပန်းတစ်ယောက်လို ချုပ်နှောင်ထားခြင်း နှင့် အမေရိကန် ပြည်ထောင်စု ပိုင် ပိုင်နက်အတွင်း အတင်းဝင်ရောက် ကျူးကျော်နေခြင်းကို အပြင်းအထန် ကန့်ကွက်ပြော ဆိုသည်။

သူက လေအေးကလေးဖြင့် အခြား သံရုံးသူ သံရုံးသားများနှင့် မိသားစုများအား ကောင်းကောင်း မွန်မွန် ထားကြောင်း ပြော သည်။ ကျွန်တော်က ပြင်ပအခြေအနေကို မေးတော့ ...
"မထူးပါဘူး၊ ခါတိုင်းလိုပါပဲ၊ ခင်ဗျားတို့ အစိုးရက ချိန်ထားတယ်၊ ပစ်မယ်၊ ဘာညာ ဘညာနဲ့ ခြိမ်းခြောက်နေ တာပေါ့၊ သူ့နောက်လိုက် နိုင်ငံတွေကလဲ သံပြိုင်အော်ပြီး ၀ိုင်းကန့်ကွက်နေတာပေါ့"
သူပြောသည့် အတိုင်း မဖြစ်နိုင်ပါ။ တစ်ခုသော အတိုင်းအတာထိတော့ ခရီးရောက်နေလောက်ပါပြီ။ တစ်နေ့ တစ်နေ့ မရေမတွက်နိုင်အောင် ဂျက်လေယာဉ်သံတွေ ကျွန်တော် ကြားနေရသည်။ နစ်မစ်ဇ်မှ တက်လာသည့် တိုက်လေယာဉ်သံတွေ၊ သူတို့ ကျဉ်းထကျပ်ထဲ ရောက်နေလောက်ပြီ။ တစ်ဖက်က ဖိအားကို သူတို့ အသေအလဲ ခံနေရလောက်ပြီ။ ကျွန်တော့်ကို သူတစ်ခွန်းတစ်ပါဒမှ ပြောမည် မဟုတ်။ အစားအစာ လာကျွေးသည့် ချာတိတ် များကိုပင် စကားတစ်ခွန်းမှ မပြောရ အမိန့်ထုတ်ထားသည်။

သူတို့ တိုက်ကွက် အောင်မြင်ပါသည်။ တစ်ကိုယ်တည်း အထီးကျန်ဘ၀ကို တောင့်တသည့် အချိန် များ ကျွန်တော့်ဘ၀ တွင် ကြိမ်ဖန်များစွာ ရှိခဲ့ပါ၏။ သို့သော် သည်ဘ၀မျိုးကို အတင်းအကျပ် ဓားမိုး ပြီး အပို့ခံရသော အခါ လူ့စိတ်ဓာတ် ပြောင်းသွားလိမ့်မည်ဟု ကျွန်တော် တစ်ခါမှ မစဉ်းစားမိခဲ့။ သုံးရက်မြောက်နေ့တွင် အကျဉ်းသား ဘ၀ အနိဋ္ဌာရုံများကို တွေးပြီး ကြောက်စပြုလာသည်။
သြော် ... အင်ပါရို၊ အင်ပါရို၊ သူ့ကြောင့်လည်း ကျွန်တော် ခံနိုင်ရည်တွေ လျော့ကျလာခြင်း ဖြစ်နိုင် ၏။ စိတ်ဓာတ်တွေ ပျက်ပြားလာခြင်း ဖြစ်နိုင်၏။ သူ့နှုတ်မှ သည်နာမည် ထွက်လာခြင်း၊ စပိန်သံ ပါပါနှင့် ပြုံးရွှင်စွာ ထွက်ခြင်း မျိုး။ ရူးသွပ်သွားမတတ် ခံစားလိုက်ရ၏။

ပြီးတော့ အခန်းထဲကကြွက်။ ပြီးတော့ သူကိုယ်တိုင် ကြွက်ကြောက်သည့် ဇာတ်လမ်း။ ကျွန်တော် ယုံလိုက် မိသည်။ ဘာကြောင့် ယုံလိုက်မည်လဲ။ သည်မကောင်းဆိုးဝါးသည် အရာရာကို တီထွင် နိုင်သူပဲ။ သို့သော် ကျွန်တော် သူ့ကိုယုံသည်။ အန္တရာယ်ကို ခုမှ ပိုသဘောပေါက်လာ၏။ ကျွန်တော့် ရှေ့မှသည် သူငယ်သည် ပါးနပ်လိမ္မာ ရုံမက အလွန့်အလွန် ထက်မြက်သူလည်း ဖြစ်သည်။ သူ့တွင် ခွန်အားတစ်မျိုး ရှိသည်ဟု ကျွန်တော် ခံစားရ၏။ လွန်ခဲ့သည့် နာရီပိုင်းလောက်က သည်ချာတိတ် ကျွန်တော့်လိုကောင်ထံမှ သတင်း နှိုက်ယူနိုင် လိမ့်မည်ဟု တစ်ယောက်ယောက်က ပြောလျှင် ကျွန်တော် ရယ်ပစ်မိမည်။ ယခုမှ ကျွန်တော် သဘောပေါက် လာခြင်း ဖြစ်၏။ တစ်ပြိုင်တည်းတွင် အန္တရာယ်ကို စိတ်ထဲက သိလာ၏။ ကျွန်တော့်ခန္ဓာကိုယ်ကိုသာ အစောင့်ချ ထားခြင်း မဟုတ်ဘဲ စိတ်ကိုပါ တစ်ရံမလပ် အကဲခတ်နေခြင်းပါတကား။ ကော်ဖီကို ထပ်မော့လိုက်သည်။ သူ ခပ်ဖြည်းဖြည်း ဆက်ပြောသည်။

"ခင်ဗျားဟာ အလုပ်တာဝန်အပေါ်မှာ သိပ်သစ္စာရှိတဲ့ လူပဲ၊ ခင်ဗျားဘ၀ တစ်လျှောက် လုံး တောင်အမေရိကန် တိုက် ကွန်မြူနစ်ဆန့်ကျင်ရေးကို စိုက်လိုက်မတ်တတ် လုပ်ခဲ့တယ်။ အထူးသဖြင့် ကတော့ ကျူးဘားပေါ့လေ၊ အဲဒီလို လုပ်ရင် လုပ်ရင်း အလုပ်ကလွဲပြီး ဘာမှ စိတ်ဝင်စားစရာ မရှိ သလို ဖြစ်လာတယ်၊ အပေါင်းအသင်း မရှိဘူး၊ ကွန်မြူနစ်ဝါဒ ဆန့်ကျင်ရေး ကို အပြင်းအထန် လေ့လာတယ်၊ စာအုပ်တွေ ရေးတယ်၊ အရင်းရှင်ဝါဒ အသိုင်းအ၀ိုင်းက ခင်ဗျား စာအုပ်တွေကို သောင်းသောင်းဖျဖျ ကြိုကြတယ်၊ သံတမန်လောကမှ ခင်ဗျားရဲ့ အရည်အသွေးလဲ တက်လာတယ်၊ ကျွန်တော့်ကို တစ်ခု ပြောပြပါလား၊ ခင်ဗျား မိန်းမတစ်ယောက်နဲ့ နောက်ဆုံး အိပ်ခဲ့တာ ဘယ်လောက် ကြာပြီလဲ"
"မင်း ဘာဖြစ်လို့ ဆံပင်မဆိုးသလဲ၊ မင်းနောက်ဆုံး မှန်ကြည့်တာ ဘယ်တုန်းကလဲ၊ မင်း အမြဲတမ်း မှန်ဆောင် ထား သလား"
သူ ခပ်ရွှင်ရွှင် ပြုံးသည်။ သူ့အကြောင်းသာ သိမထားလျှင် သူ့ကို လူချောတစ်ယောက်ဟု မြင်မိမှာ မုချ။

"ကျွန်တော် ဆံပင်ဆိုးလေ့ မရှိပါဘူး၊ သံပရာသီး ညှစ်ပြီး နေလှန်းတာတော့ လုပ်တယ်"
"ဘာဖြစ်လို့လဲ"
"မသိဘူးဗျ ... ကောင်းတော့ ကောင်းတယ်၊ ဆံပင် သိပ်သန်တာပဲလ
"ငါပြောတာ မင်းနားလည်ပါတယ်၊ ဘာဖြစ်လို့ မင်း ဒီဆံပင်ကြီးကို ထားတာလဲ"
"ကျွန်တော်နဲ့ လိုက်တယ် ထင်လို့ပေါ့ဗျာ"
"မလိုက်ဘူးကွ၊ မိန်းမနဲ့ တူနေတာပေါ့"
သူက ပခုံးတွန့်ပြီး ပြန်မေးသည်။ နှုတ်ခမ်းက ပြုံးလျက်ပင်။
"ကျွန်တော့် ကို စွဲမက်စရာ မကောင်းဘူး ထင်လို့လားဗျာ"
ကျွန်တော့် ကျောထဲ စိမ့်သွားသည်။ ကျွန်တော့်ကို မေးထားသည့် မေးခွန်းနှင့် ဆက်စပ်ပြီး ကျွန်တော် အတွေးခေါင် သွားပြီး ဖြစ်ပါ၏။

"မင်းဟာ သိပ်ရွံ့စရာကောင်းတဲ့ ကောင်းမျိုးပဲ၊ ကဲပါ အိပ်ချင်ပြီ၊ ညဥ့်နက်ပြီ"
သူက နာရီ ကို ငုံ့ကြည့်ပြီး အံ့သြသည့် အမူအရာဖြင့် ခေါင်းညိတ်သည်။
"ကောင်းပါပြီ၊ ဒါပေမယ့် မေးခွန်းကလေးတစ်ခု ထပ်မေးပါရစေဦး၊ လွန်ခဲ့တဲ့ သုံးလေးနှစ် ကာလတစ်လျှောက်မှာ ခင်ဗျား ၀ါရှင်တန် ကို ပြန်တိုင်း ဒါးလက်စ် လေဆိပ်ကို ခဏခဏ သွားတယ်၊ တစ်ပတ်တစ်ခါလောက် သွားတယ်၊ ကွင်းထဲရောက်တော့ ဘယ်ခရီးမှ မသွားဘဲ ဘယ်သူနဲ့မှလဲ စကားမပြောဘဲ အ၀င်ခန်းမကြီးထဲမှာ တစ်ယောက် တည်း ထိုင်တယ်၊ တစ်ခါတလေ ကော်ဖီသောက်တယ်၊ တစ်ခါတစ်ခါလဲ ဘီယာသောက်တယ်၊ ပြီးတော့ အိမ်ကို တန်းပြန် တယ်၊ ကျွန်တော်တို့ သုတေသီတွေ အဲဒါကို အဖြေမထုတ်တတ် ဖြစ်နေတယ်၊ အဲဒါ ဘာလုပ်တာ လဲဟင်" သည်နေ့ အဖို့ နောက်ဆုံး ချောက်ချားစရာ မေးခွန်းတစ်ခု ယိုင်မသွားအောင် မနည်း ကြိုးစား ထိန်းထား လိုက်ရ၏။ အတွင်းခန်းဆီ လျှောက်သွားရင် ပြန်ပြောလိုက်သည်။

"မင်းမေးခွန်းတွေက ပျင်းစရာကြီးတွေကွာ၊ တစ်ယောက်တည်း နေရတာကမှ ပျော်စရာ ကောင်းသေးတယ်"
အခန်းတံခါးဝမှ သူ့ကို ပြန်ကြည့်လိုက်သ်ည။ စားပွဲပေါ်လက်ထောက်ပြီး မေးစေ့ကို လက်ဝါးနှစ်ဖက် ပေါ်တင် ထားသည်။ မျက်လုံးအစုံကို မှေးစင်းပြီး ကျွန်တော့်ကို စိုက်ကြည့်နေ၏။
အခန်းထဲ သို့ ကျွန်တော် ၀င်လာခဲ့သည်။ ထုံးနံ့ကို ရှူရှိုက်မိလိုက်၏။ သူရိပ်မိသွားပြီလား၊ မဖြစ်နိုင် ပါဘူးလေ။ ငါ့ခေါင်းထဲ ကို သူဝင်ကြည့်နိုင်လို့လား။ သူကုလားထိုင်မှ အသံ ကြားရ၏။ ၀င်မလာပါစေ နဲ့ဟု ကျိတ်ပြီး ဆုတောင်းလိုက်မိသည်။ ခုလို အခြေအနေမျိုးနှင့် သူ့ကို ရင်မဆိုင်ချင်ပါ။
တံခါးမောင်းချပြီး သော့ခတ်သံ ကြားမှ ကျွန်တော် ဟင်းချနိုင်တော့၏။ ပြီးတော့ သူ့အသံ ကြားရသည်။
"မနက်ဖြန်မှ တွေ့ကြသေးတာပေါ့ဗျာ၊ ဒါမှမဟုတ်လဲ သန်ဘက်ခါ၊ ဖိန်းနွှဲခါပေါ့"

ကောက်ရိုး မွေ့ရာပေါ်သို့ ပစ်လှဲချလိုက်သည်။ ကျွန်တော့် ခြေထောက်တွေ မလှုပ်ချင်တော့။ အခန်းကျဉ်း ကလေးထဲတွင် ပူအိုက်လှသည်။ သို့သော် ဒူးဒေါင်းကို စမ်းကြည့်တော့ အေးစက်နေ သည်။ နှစ်ပေါင်းများစွာ ကျွန်တော့် ကို ပစ်မှတ်ထားပြီး သူတို့ စောင့်ကြည့်နေခြင်းပါတကား။ ဖြစ်နိုင် ပါလိမ့်မည်။ ကျွန်တော်က အမေရိကန်၏ သံမဏိအရှည်ဆုံး ကျူးဘားရေးရာ လေ့လာသူ မဟုတ်ပါလား။ စီအိုင်အေကို အကြံပေးရသည့် ကျူးဘား ဆိုင်ရာ နိုင်ငံရေး အကြံပေး အရာရှိလေ။
ရုရှားတွေ ကလည်း ကျွန်တော်နှင့် ပတ်သက်၍ ရသည့်သတင်းကို သူတို့ဆီ ပို့ပေးမည်မုချ။ ပူစရာ မရှိပါ။ ကျွန်တော့် ဘက်က အရှင်းကြီးပဲ။ ကျွန်တော် ဘယ်လောက်အထိ သန့်ရှင်းတယ်ဆိုတာ ဘုရားသခင်သခင် အသိဆုံး ဖြစ်ပါသည်။ သို့သော် သူတို့ ကျွန်တော့်ကို စောင့်ကြည့်နေသည့် ကာလ ကြာရှည်နေပြီ။ ဤသည် ကို တွေးမိပြန်တော့လည်း စိတ်ထဲ မသိုးမသန့်ဖြစ်လာပြန်၏။ ပိန်ချည့်ချည့် ကျွန်တော့်ခြေထောက်တွေကို ငုံ့ကြည့် လိုက်သည်။ သန့်ရှင်းမှု အလျဉ်းမရှိတော့။ သည်အခန်းတွင် မည်မျှကြာကြာ ကျွန်တော် နေရဦးမှာလဲ။ တိရစ္ဆာန်အစာ ကို စားနေရ၏။ မျက်နှာသစ်ရေကလွဲပြီး သုံးရေမရ ပုံးတစ်ပုံးထဲတွင် ကျင်ကြီးကျင်ငယ် စွန့်ရသည်။ သည်ပုံးဖြင့် သူ့မျက်နှာကို ပက်လိုက်သည့် မြင်ကွင်းကို ပြန်မြင်လိုက်၏။

သို့သော် သူက မဖြုံသလို နေသည်။ ဖမ်ဘိုနာ ဆိုလျှင် ကျွန်တော့်ကို သတ်မည် မုချ။ ဤအချိန်က ကျွန်တော့်ကို သတ်လျှင်လည်း ကျွန်တော် မှုမည်မဟုတ်။ ကြွက်တစ်ကောင်နှင့် တစ်ခန်းတည်း နေရ ခြင်း ထက် သေရသည် ကမှ ကျွန်တော့်အဖို့ခံသာဦးမည်။
သည်နေ့အတွေ့အကြုံများမှ လူရောစိတ်ပါ ထိခိုက်သည်။ နှစ်ပေါင်းသုံးဆယ်ကျော်အတွင်း အပြင်းထန် ဆုံး ခံစားချက် များ၊ ရှိသမျှ အင်အားတွေ ကုန်ခန်းသွားသလို ခံစားရ၏။ စိတ်ကို တည်ငြိမ်အောင် မနည်းကြိုးစား ထိန်းနေရ၏။
လွန်ခဲ့သည့်နှစ် က ကားပေါ့ဗ်နှင့် ကက်စပါရောဗ် စစ်တုရင်ပွဲ အရှည်ကြီးအကြောင်းစာအုပ်ကို ကျွန်တော် ဖတ်သည်။ သုံးဆယ့်ငါးကြိမ်မြောက်ပွဲကို စိတ်ရှုပ်ထွေးစွာ ကျွန်တော် ဖတ်သည်။ ကက်စပါ ရော့ဗ်က ခံစစ်ကို ကြိုးကြိုး စားစား ကစားနေ၏။ ကားပေါ့ဗ် က ပုံသေနည်းများဖြင့် အေးစက်စွာ ကစား နေသည်။ ကျားကွက်ရွှေ့ပုံ အသေးစိတ် ကို ကျွန်တော် ပြန်စဉ်းစားသည်။ သို့သော် ခေါင်းထဲတွင် မပေါ် တော့။

အင်ပါရိုသည် စစ်တုရင်ကစားခြင်း၌ ဝါသနာထုံသူ မိန်းကလေးဖြစ်သည်။ သို့သော် သူက စွန့်စားလွန်း သည်။ ကားပေါ့ဗ် ရုပ်ပုံလွှာ ကျွန်တော့်အာရုံမှ ပျောက်ကွယ်သွားပြီး သူ့နေရာတွင် အင်ပါရိုအစား ဝင် လာသည်။ စစ်တုရင် ခုံတွင်ထိုင်၍ နှာခေါင်းကလေးရှုံ့ကာရှုံ့ကာ အလေးအနက် စဉ်းစားနေပုံ၊ သူ ကျွန်တော့် ကို ခေါင်းထောင်ကြည့်ပုံ။
သံလွင်ဆီရောင် အသားညက်ညက်နှင့် သူ့မျက်နှာ လှလှလေးကို ကျွန်တော် ငေးကြည့်နေမိသည်။ ပိုး သား လို နုညက်သည့် သည်မျက်နှာကလေးသည် ကျွန်တော့် အာရုံတွင် တစ်ရံတစ်ဆစ် မျှ မှေးမှိန် ပျောက်ကွယ် သွားခြင်း မရှိခဲ့။ ကယ်လ်ဒီရွန်ဆိုသည့် သတ္တဝါ မည်သို့ နားလည်နိုင်ပါမည်လဲ။ ကျူးဘား ကို ထွက်မလာမီအထိ ကျွန်တော် သည် မည်သည့် မိန်းကလေးနှင့်မျှ မချစ်ဖူးခဲ့။ မလွန်ကျူးခဲ့။
ကျွန်တော်နှင့် အင်ပါရိုတို့၏အချစ်ဇာတ်လမ်းသည် အပေါစား အချစ်ဇာတ်လမ်းမျိုး မဟုတ်ခဲ့ပါ။ ထို့ ကြောင့် အပေါစား စကားလုံး များဖြင့် သိမ်ဖျင်းစွာ မဆွေးနွေးနိုင်ပါ။ လွမ်းမောအောက်မေ့ဖွယ် အဖြစ်ဖြင့်သာ ရင်ထဲမှာ သိမ်းဆည်း ထားပြီး ဖြစ်ပါသည်။ သည်မျှပူလောင် အိုက်စပ်လှသည့် အခန်း ကျဉ်းကလေး ထဲ တွင် စောစောပိုင်းက စိတ်လှုပ်ရှားမှုများ၏အရှိန်မသေသေးသဖြင့် တစ်ကိုယ်လုံး အေးစက်နေဆဲ။ ဒါးလက်စ် လေယာဉ်ကွင်း အကြောင်း ကယ်လ်ဒီရွန် အစဖော်တော့ မနည်းဣနြေ္ဒ ဆည်ထားလိုက်ရ သည်။

သူက သည်ကိစ္စ ကို သာမန်ကိစ္စဖြင့် အမှတ်မထင် မေးသော်လည်း သူ့မျက်လုံးတွေက ကျွန်တော့် ကို စူးစူးရှရှ စိုက်ကြည့်နေခဲ့သည်။ ရုံးတင် စစ်ဆေးခံရသည့် ကလေးသူငယ်တစ်ယောက်လို အရှက်ကြီး ရှက်သွားသည်။ သည် သတ္တဝါတစ်ဦးသာ ကျွန်တော်၏ စိတ်တံခါးဝသို့ တွားသွား သတ္တ၀ါတစ်ကောင်လို ရောက်လာပြီး သည်မေးခွန်းကို မေးခြင်း ဖြစ်သည်။ အင်ပါရိုသေဆုံးပြီးချိန် မှစ၍ ပထမဆုံးအကြိမ်အဖြစ် ရန်သူကို မြင်ရခြင်း၊ အတိတ်ကို တူးဖော်ခံခဲ့ရခြင်း၊ ယင်းအတွက် တစ်ဖက်က အောင်ပွဲတစ်ခလို ခံယူနေခြင်း။
စိတ်လှုပ်ရှားမှုက ပြင်းထန်လွန်း၏။ ဘယ်သူမှ ဖေးကူလို့ ရသည့်ကိစ္စမျိုး မဟုတ်၊ ဘယ်သူမှ နှစ်သိမ့်၍ ရသည့် ကိစ္စမျိုး မဟုတ်။ ဘယ်လိုအချစ်မျိုးနှင့်မျှ အစားထိုး၍ ရမည် မဟုတ်။
သို့သော် ကျွန်တော့် ဦးနှောက်က သည်ကိစ္စနှင့် ပတ်သက်၍ ခြိမ်းခြောက်ခံနေရသည်ဆိုသည့် အချက်ကို လက်မခံ၊ ခေါင်းမာစွာ ငြင်းပယ်နေ၏။
သည်ငြင်းပယ်မှု က ဒါးလက်စ်လေဆိပ်သို့ တွန်းပို့ခဲ့ခြင်း ဖြစ်လေသည်။ အချိန်များစွာ ကြာပြီး နောက်ပိုင်းမှ ကျွန်တော့် အားနည်းချက်ကို ပြန်မြင်လာခြင်း ဖြစ်သည်။ ကျော်လွှားဖို့ အမျိုးမျိုး ကြိုးစားသော်လည်း သည်ကိစ္စ တွင်တော့ မအောင်မြင်ခဲ့ပါ။ ခုတော့ ခေါင်းထဲတွင် သံသယတွေဝင် လာပြီ။ ကျွန်တော်သည် ပန်းတိုင်မရှိဘဲ တစ်ယောက်တည်း ပြေးနေသည့် တာဝေးအပြေးသမားလို ဖြစ်နေပြီလား။

သည်အခန်းကျဉ်းကလေးထဲမှ ငါးရက် ရှိခဲ့ပြီ။ ကြိုးတိုက်ဟု ခေါ်နိုင်သည့် အခန်းမျိုး၊ ကျောထဲ စိမ့်သွားသည်။ ငရဲ ဆိုတာ ဒါမျိုးပဲ ဖြစ်မည်။ ခြေထောက်တွေကို ငုံ့ကြည့်လိုက်၏။ ကြေး(ဂျီး)တွေ ထူတက်နေပြီ။ ကိုယ်ပေါ် တွင်လည်း နေရာ အနှံ့ ရောက်နေပြီ။
သည်ကြေးညှော်တွေ ကို စင်အောင် ရေမချိုးရလျှင် ဘာလုပ်ရမည်လဲ။ အမှန်က မေ့ထားနိုင်ရမည်။ ကျွန်တော် က မေ့မထားနိုင်။ ဒါကပင်လျှင် အားနည်းချက်တစ်မျိုး ဖြစ်နေသည်။ သည်အကျင့်ကို ရော ကယ်လ်ဒီရွန် ဘယ်လောက် သိနေပြီလဲ။

တစ်ကိုယ်ရေသန့်ရှင်းမှု မလုပ်နိုင်၍ ကျွန်တော့်ခန္ဓာကိုယ် ပေရေ ညစ်ပတ်လာလေလေ ရှက်စိတ်၊ သိမ်ငယ်စိတ် က လွှမ်းမိုး လာလေလေ၊ ငါးရက်ရှိခဲ့ပြီ။ နောက်ဘယ်နှစ်ရက် နေရဦးမည်လဲ။
သုံးဆယ့်ငါးကြိမ်မြောက် စစ်တုရင်ပွဲကို ပြန်ပြီး အာရုံပြုသည်။ သို့သော် ပြန်ဖော်မရတော့။ ကယ်လ်ဒီရွန်ဆိုသည့် ငနဲကော စစ်တုရင်ကစားသလား မသိ။ သူပြောသည့်အတိုင်း တစ်ရက် နှစ်ရက် အတွင်း ရောက်လာပါ့မလား။

ဆက်ရန်
.
>>>ဆက်ဖတ်ရန်>>> >>

ခါးရှားဒင်းအောင် ၏ ခရီးသွားဖော်, အပိုင်း (၁၁)

ထိုဒေသ ထိုကာလ ထိုသူတို့၏ဘဝ

ခေါ်ဘူဒဲ မြို့သူမြို့သားများသည် နေမင်း၏ ရောင်ခြည်ကို မမြင်ရသည်မှာ လနှင့်ချီရှိပြီ။ တိမ်သလ္လာများသည် မြို့ ကို ဖုံးအုပ်ထားပြီး မိုးစက်ကလေးများအဖြစ် ဘ၀ပြောင်းကာ မြေကြီးပေါ်သို့ ကြွေ ကျနေသည်။ မိုးသည် အဆက်မပြတ် ရွာချနေသော်လည်း ''ရွာသော်လည်းမိုးမသည်း'' အစားထဲကဖြစ်၏။ မိုးရေဒလဟော သွန်ချလျှင် ခဏချင်း ကုန်ခမ်းသွားမည်စိုးသည့်အလား ဖြည်းဖြည်းချင်း ဇိမ်ဆွဲ၍ ယိုကျနေ သည်။ ယနေ့ မြို့လမ်းများပေါ် လူသူ သွားလာမှု ကင်းမဲ့နေသည်။ မြို့သည် ပကတိငြိမ်သက်လျက် ရှိ၏။ သို့သော် နားအာရုံဆန့်လိုက်လျှင် မနီးမဝေး အိမ်များဆီမှ ရယ်မောသံလေးများ၊ ၀ိုင်းဖွဲကတွတ်ထိုးသံလေးများကြားရသည်။

သို့ဖြစ်လျှင် မြို့သူမြို့သားများ ဘယ်သွား ဘာတွေများလုပ်နေကြပါသနည်း။ ရုံးပိတ်ရက်များတွင် ၀န်ထမ်း များ က အသိမိတ်ဆွေချင်း ၀ိုင်းဖွဲ့ကြမည်။ ယမကာ တတ်နိုင်လျှင် ယမကာဝိုင်းဖွဲ့မည်။ ယမကာ မတတ် နိုင်လျှင် မီးဖို ပတ်ကာ ၀ိုင်းထိုင်၍ ပြောင်းဖူးပေါက်ပေါက်ဆုပ် လုပ်စားကြမည်။
ပြောင်းဖူးပေါက်ပေါက်ဆုပ် လုပ်စားသည့် နည်းကလည်း ပျော်ဖို့ကောင်းပါသည်။ မီးဖိုပတ်လည် ၀ိုင်းထိုင် ကြမည်။ ပထမပြောင်းဖူးခြောက်ကို အစေ့ချွေပြီး ဘယ်လက်ဝါးဆန့်သလောက် ဆုပ်ကိုင်ထားပါ။ ညာလက် ဖြင့် အထူးပြုလုပ် ထားသော ၀ါးမီးညှပ်ကိုင်ထားပါ။ ပြီးလျှင် မိမိရှေ့တည့်တည့် မီးဖိုထင်းချောင်းကြား လက်ဝါးလောက် ပြာပူ ကို ညီအောင် မီးညှပ်ဖြင့်ညှိထားပါ။ ပြီးလျှင် ပြောင်းစေ့ ၂၀ လုံးခန့် အသာချပြး မီး အပူပေး ထားပါ။ ခဏကြာလျှင် မီးညှပ်ဖျားဖြင့် မီးဖိုအလယ်မှ ပြာပူညှပ်ယူပြီး ပြောင်းစေ့များပေါ် အုပ်လိုက် ပါ။ ထိုအခါ မီးဖိုပတ်လည် တိုက်ပွဲငယ်အလား၊ တဖောင်းဖောင်း ပေါက်ကွဲသံနှင့် အတူ ဖြူဖြူဖွေးဖွေး ပေါက် ပေါက်ဆုပ် များခုန်ထွက်လာပါလိမ့်မည်။

ဤအချိန်တွင် လက်လျင်ဖို့ လိုသည်။ လျင်မြန်စွာ မီးညပ်ဖြင့် ကောက်ယူရမည်။ သို့မဟုတ် လျှင် ပေါက်ပေါက်ဆုပ် များ မီးကျွမ်းသွားမည်။ တချို့ ပေါက်ပေါက်ဆုပ်များက တော့တစ်ဖက်သား ဧ၇ိယာသို့ ခုန်ကူး တတ်ပြီး တချို့ကျတော့ မီးဖိုအလယ် ဗဟိုသို့ ခုန်ချပြီး ခဏချင်း ပြာဘ၀သို့ လျင်မြန်စွာ ကူးပြောင်း သွားကြသည်။
အကယ်၍ သင့်ဘေးတွင် ကညာပျိုရှိနေ၍ သင့် ပေါက်ပေါက်ဆုပ်သည် သူမ၏ဧရိယာသို့ ခုန်ထွက်သွားလျှင် ဒါငါ့ဟာဟု လျင်မြန်စွာ ညှပ်ယူပြီး သူ၏ မျက်နှာကို ကြည့်လိုက်လျှင် သူမ၏ တုန့်ပြန်လာသည့် အပြုံးသို့မဟုတ် စကားလုံးများသည် သင့်အား ထိုတစ်နေ့တာ၏ ပျော်ရွှင်ကြည်နူးမှုရရှိစေမည်ဖြစ်ပါသည်။
ဤသို့ ၀ိုင်းဖွဲ့ ပေါက်ပေါက် ဆုပ်လုပ်စားလျှင် လက်လည်းလှုပ်၊ ပါးစပ်လည်း လှုပ်၊ မီးလည်းလုံပြီးသားဖြစ်၍ မည်မျှပင် ခိုက်ခိုက်တုန်ပါစေ ခဏချင်း နွေးထွေးလာစေပါသည်။
ဂင်ရန်လီ သည် ရုံးပိတ်ရက်ဖြစ်၍ အိမ်တွင်အောင်းနေသည်။ တစ်မြို့လုံးမြူတွေ အုပ်ဆိုင်းနေသည်။ မှန်ပြူတင်း တံခါးမအပြင်ဘက် လှမ်းကြည့်တော့ သိပ်သည်းလွန်းသည့် မြူနှင်းတွေကြောင့် မည်သည့်အရာမျှ မမြင်ရ။

တစ်နေကုန် တစ်ယောက်တည်းနေရ၍ ပျင်းရိလာပြီ။ သူသည် မည်သူ့အိမ် ဘယ်သူ့ထံ သွားလည်ရလျှင် ကောင်းမည်နည်းဟု ဦးနှောက်ကစားလိုက်သည်။ ဟုတ်ပြီ၊ သူ့ဆီသွားမည်ဟု ဆုံးဖြတ်ကာ အနွေးထည်ဝတ်၊ ထီးဆောင်း၍ ထွက်လာ၏။
အပြင်ထွက်ာကည့်တော့ ရှေ့တစ်လံကျော်လျှင် ဘာမျှ မမြင်ရ။ တစ်မြို့လုံးကို ဖြူညစ်ညစ်အရာတွေက လွှမ်းခြုံ ထားသည်။ အကယ်၍သာ ခုမှ ထိုနေရာ၌ ရောက်နေသော လူတစ်ယောက်ဖြစ်ပါက မည်သည့် ဘက်သို့ ခြေလှမ်းရမည်ကို ပင် သိမည်မဟုတ်။ သို့သော် ဂင်ရန်လီက မည်သည့်ဘက်တွင် မည်သူ့အိမ် ရှိသည်ကို သိထားပြီ။ မြူနှင်း ဘယ်လောက်ထူပါစေ။ မြူနှင်းတို့၏ သဘောမှာ မိမိရွေ့လျှင် သူတို့ရွှေ့သွားတယ် ထင်ပါရဲ့။ ကြည့် ဘာမှ မမြင်ရသည့်နေရာသို့ တိုးသွားရာ ရှေ့တစ်လှမ်းတော့မြင်ရပြီ။
ဤသို့ တရွေ့ရွေ့နှင့်သွားရာ သူ့အိမ်သို့ ရောက်သွား၏။ အိမ်သည် တိတ်ဆိတ်၍နေ၏။ သူ ရှိများရှိနေပါ့ မလား ဟု ဂင်ရန်လီ ရင်ထိတ်နေသည်။ အိမ်မကြီးတံခါးအသာဖွင့်ပြီး မီးဖိုဆောင်ဘက်သွားရာ သူ့အား မီးဖိုဘေးတွင် ထိုင်နေသည် ကိုတွေ့ရသည်။ ဟန်ကျပြီ၊ ဂင်ရန်လီဝင်လာသည်ကိုတွေ့၍ သူက " လာ လာ ငါ့ညီ၊ ငါ့ညီလာတာ နဲ့အတော်ပဲ" ဟုဆိုကာ မီးဖိုဘေးတစ်နေရာ၌ နေရာပြပေး၏။ သူ့ရှေ့မီးနားတွင်ကား ပုလင်း တစ်လုံးထောင်ထားသည်။

" သိပ်အေးတယ် ငါ့ညီရယ်၊ ဒီတော့ နည်းနည်းပါးပါး လုပ်ရအောင်၊ ဒီမှာ အေးလွန်းလို့ မီးကင်ထားတယ်" ဟု ဆိုကာ ပုလင်း ကို ပြလေ၏။ အင်း ပုလင်းဟာ အရက်နဲ့ တူပါရဲ့၊ဘယ်နှယ့်ဗျာ၊ အရက်ကို မီးကင်သောက် ရတယ်လို့ ဟု စိတ်ထဲတွင် ဘ၀င်မကျဖြစ်နေ၏။ " အောက်အရပ်မှာတော့၊ အရက်သောက်ရင် ရေခဲရှာရတယ် မဟုတ်လား ငါ့ညီ ရဲ့၊ ဒီမှာတော့ ရေခဲဖိုးသက် သာတယ် ဟီးဟီး" ဟု ရယ်လေသည်။ သူ့တပည့်သည် သူတို့ အား အမြည်းလုပ်ပေး၏။ ဟင်၊ လတ်လတ်ဆတ်ဆတ် အသားပါလား"အစ်ကိုကြီး အဲဒါက ဘာအသားလဲ" ဟု အံ့သြစွာမေးလေ၏ ဤမြို့၌ အသားစိမ်းစားရသည်မှာ အထူးအဆန်းတစ်ခုဖြစ် သည်။ သုံးလေးလတစ်ကြိမ် အသားစား ရဖို့မလွယ်၊ မင်္ဂလာဆောင်ရှိပါမှ၊ အိမ်သစ်တက်ရှိပါမှ အိမ်မွေးတိရစ္ဆာန် ၀က်သား၊ နွားနောက်သား စားရသည်။ ထိုပွဲများသည် လည်း တစ်နှစ်တစ်ကြိမ် ကြုံဖို့မလွယ်၊ ငါးဆို ရှားမှရှား။

မိုးတိမ်ကင်းစင်သောနေ့ များတွင် ခေါ်ဘူဒဲမြို့မှ အရှေ့တောင်ဘက်ငုံ့ကြည့်လိုက်လျှင် "အင်မိုင်ခ" မြစ်ကို မြို့၏ အောက်ချိုင့်နှစ်မိုင် ခန့်မှာ ပြာမှိုင်းမှိုင်းအရောင်ဖြင့် လဲလျောင်းနေသည်ကို မြင်ရမည်။ သေချာ ဂရုစိုက် နားထောင် ပါက ရေလုံးများ ကျောက်ဆောင်ကျောက်ကမ်းပါးများကို ပွတ်တိုက်စီးဆင်းသံကို သဲ့သဲ့ကြားရ မည်။ သို့သော် ထိုမြစ် မှ ငါး တစ်နှစ် တစ်ကြိမ် မစားရပါ။ တချို့ ကလေးများ ငါး ပင်မမြင်ဖူး။ ဟိုတရားသူကြီး ဦးအဆင် လာပေးတဲ့ချေသားလေ၊ မနေ့ည သူ့အိမ်က အသံတစ်ချက် တစ်ချက် ကြားရတယ်။ ကျုပ် လည်း တောကောင် ရလာပြီလို့တော့ ထင်ပေမယ့် ချမ်းလွန်းလို့ မသွားဖြစ်ဖူး" ဟု ဦးအဖူးက ပြောပြ၏။ ဂင်ရန်လီ ၏ အစ်ကိုကြီးဆိုသူမှာ အခြားသူမဟုတ်။ သူ၏ရုံးအကြီးအကဲလည်းဟုတ်၊ ကျောင်းနေဘက် သူငယ်ချင်း လည်း ဟုတ်သူ ဦးအဖူးဖြစ်သည်။ သူတို့သည် မီးကင်ထားသော ပြောင်းဖူးအရက်နှင့် ချေသားကို မီးလှုံရင်း ဇီမ်ခံ၍ စားသောက်ကြ၏။ ထိုအချိန်တွင် -
" ဥက္ကဋ္ဌကြီး၊ ဥက္ကဋ္ဌကြီး" ဟုခေါ်သည့် မိန်းမအသံကိုကြားရသည်။ ခဏတွင်းပင် အသံနှင့်အတူ၊ ဆေးရုံမှ ဆရာမနှစ်ဦး ၀င်လာကြသည်။

" ဥက္ကဋ္ဌကြီးတို့ ဘာတွေစားသောက်နေကြလဲ၊ ကျွန်မတို့တော့ လျှာမြက်ပေါက်တော့မယ် အသားမစားရတာ လနဲ့ချီပြီ" ဟု ဆိုကြ၏။
" ထိုင်ကြပါ ဆရာမကြီးတို့၊ ဟဲ့ ငါ့တပည့် အိုးထဲက မင်းအတွက် နည်းနည်းချန်ထားပြီး ဆရာမကြီး တို့ကို ကျွေးလိုက်" ဟု အမိန့်ပေးလေသည်။ ဦးအဖူးသည် အရေးအကြောင်းရှိက ပြဿနာဖြေရှင်းရန် ဆိတ်မွေး ထား သည်။ ကြက်လည်း မွေး၏။ " ကဲ ကဲ ဆရာမတို့ ဒီလောက်တောင် တောင်းဆိုမှာတော့မနက်ဖြန် ဆိတ် တစ်ကောင် ပေါ်မယ်" ဟု ဆို လိုက်ရာ ဆရာမနှစ်ဦးက " ဒါမှ ငါတို့ဥက္ကဋ္ဌကြီးကွ" ဟု ပြိုင်တူဆိုကြ၏။ သူတို့ သည် ချေသား ကို ရေနွေးကြမ်းဖာ့ခါးနှင့် မြည်းပြီး ထိုအိမ် မှ ပျော်ရွှင်စွာ ထွက်ခွာသွားကြသည်။ ဦးအာဖူးနှင့် ဂင်ရန်လီ သည် မီးကင်အရက်နှင့် ချေသားစည်းစိမ်ကို ဆက် ခံစားနေကြသည်။ ဟိုအကြောင်း ဒီအကြောင်း ပြောကြသည်။ ဦးအာဖူး သည် စကားဖြတ်ပြီး ဂင်ရန်လီအား " ငါ့ညီ ဦးအဆင အကြောင်း ပြောပြ မယ်" ဟု ဆိုကာ အောက်ပါအတိုင်း ပြောပြ လေသည်။

ဦးအဆင် သည် ခေါ်ဘူဒဲမြို့ ၏ အရှေ့တောင်ယွန်းယွန်းအင်မိုင်စမြစ်၏ အရှေ့ဘက်ကမ်းရှိရွာတွင် မွေးဖွား လာသူဖြစ် ၍ ပတ်ဝန်းကျင်တစ်ဝိုက်တွင် တောကျွမ်းသည်။ မည်သည့်လျှိုမြောင်တွင်၊ တောင်စောင်း များ တွင် မည်သည့် သတ္တ၀ါရှိသည်ကို သိသည်။ ထို့ကြောင့် ရုံးပိတ်ရက်များတွင် တောလိုက်ထွက်တတ်သည်။ သူ့တွင် အမဲလိုက်ခွေး လည်း ရှိသည်။ ကံကောင်းထောက်မ၍ ချေတစ်ကောင်လောက် ရလျှင် မြို့ရွာမပြန်။ တောထဲ မိုးချုပ်သည် အထိနေသည်။ မိုးချုပ်၍ လမ်းသွားလမ်းလာမရှိမှ ချေကို ကျောပိုးထမ်း၍ အိမ်ထဲတိတ်တဆိတ် ၀င်လာသည်။ ပြီးတော့ ချေကို မီးဖိုဆောင်သို့ ယူမသွား၊ သူတို့၏ အိပ်ခန်းသို့ယူလာ သည်။ အိပ်ခန်း ဆိုသော်လည်း အေးသည့်ဒေသဖြစ်၍ လေးဒေါင့်ပုံမီးဖိုရှိသည်။ ချက်ပြုတ်၍ရသည်။
သူသည် ကန့်လန့်ကာချ၊ တံခါးပိတ်ပြီး ချေကို ဖျက်တော့သည်။ ချေကိုဖျက်တော့ အရိုးခုတ်ရန် လိုလာ သည်။ အရိုး ကို အဆက်မပြတ်ခုတ်က အသံထွက်မည်။ အသံထွက်က အိမ်နီးနားချင်းများသိကုန်မည်။ ဒီတော့ သူ ဘာလုပ် သနည်း။ အရိုးကို စဉ်းတီတုံးပေါ်တင်၍ တစ်ချက်တည်း ပြတ်အောင်ခုတ်သည်။ ပြီးတော့ ရေနွေးကြမ်းသောက်၊ ဆေးလိပ်ဖွာ ငါးမိနစ်လောက် နားသည်။ နောက်တစ်ချက် ခုတ်သည်။ နား ပြန် သည်။ ဤနည်းဖြင့် အိမ်နီးချင်းတို့ မရိပ်မိတော့။ ထိုညအဖို့ သူ့မိသားစုတစ်စုတည်း အသားကို ၀အောင် စားကြသည်။

နောက်နေ့နံနက် အိမ်နီးချင်းများမိတ်ဆွေရောင်းရင်းများကို ၁၀ သား ၁၅ ကျပ်သားစီ လိုက်ဝေငှပြီး နှုတ်မှ လည်း မနေ့က ခွေးလောက် ချေတစ်ကောင်ရသည်။ တောထဲ ဖျက်ခဲ့သည်။ ညနက်မှ အိမ်ပြန်ရောက်သည် ဟု ယုတ္တိရှိရှိ ပြောပြသည်။ မိတ်ဆွေ သူငယ်ချင်း အိမ်နီးချင်းများကလည်း ရတောင့်ရခဲသည့် ချေသားတစ် ဖဲ့တစ်ဖတ်စားရလည်းမနည်းဟု ကျေနပ်ကြကြောင်း ရှည်လျားစွာ ပြောပြလေသည်။ ဂင်ရန်လီက "ဒီလိုလုပ် တဲ့ အကြောင်း အစ်ကိုကြီး ဘယ်လိုလုပ်သိသလဲ" ဟုမေးရာ " လွန်ခဲ့တဲ့နှစ်က ကျုပ် သူ့အိမ်အလည်သွားရင်း မိသွားတယ်လေ၊ အိပ်ခန်းဆီက ထူးခြားတဲ့ အသံကြား လို့ အိမ်ထဲ မ၀င်ဘဲ ထရံ ပေါက်က ချောင်းကြည့်တော့ လားလား အိပ်ခန်းတံခါးပိတ်ပြီး ချေဖျက်နေတာကိုး၊ ဒါနဲ့ ကျုပ်လည်း သူ့လုပ် ပုံကိုင်ပုံကြည့်ပြီး အသံမပြုဘဲ ထွက်လာခဲ့တယ်။ နောက်နေ့တော့ ခုလိုပဲ တစ်တွဲရတာပေါ့" ဟု ပြောပြလေ သည်။

ဂင်ရန်လီသည် ဦးအဆင်အိမ်ရောက်ဖူးသည်။ သူ့တွင် စုစုပေါင်း သားသမီးရှစ်ယောက်ရှိသည်။ အကြီးဆုံးက ၁၃ နှစ်တဲ့။ လေးဒေါင့်ပုံမီးဖိုဘေးတွင် ၀ိုင်းထိုင်နေကြသည်။ ဦးအဆင်သည် မင်္ဂလာဆောင်ပွဲ မှ ရလာသည့် အသားတုံးများကို လှီးဖြတ်၍ သူ့ကလေးများအား ဝေငှကျွေးမွေးနေသည်။
ဤနေရာတွင် ထိုဒေသ လီဆူများ၏ မင်္ဂလာဆောင်ပွဲအကြောင်း ပြောပြလိုပါသည်။ လက်ထပ်မင်္ဂလာကိစ္စ အထူးပြော၇န်မရှိသော်လည်း ဧည့်ပရိသတ်များအား ထမင်းဟင်း ဝေငှပုံမှာ ထူးခြားသည်။ တစ်ဦးခြင်းမပေး။ တစ်အိမ်ထောင် မိသားစုတစ်ပန်းကန်သာရမည်။ ပန်းကန်ဆို၍ သေးသေးသောသောဟု မမှတ်လိုက်ပါနှင့်။ ဆန်ပြာသည့် စကောလောက်နီးနီးရှိသည်။ ထိုစကော သို့မဟုတ် ကွမ်းကလပ်လို ပုံစံခြင်း ကြီးတွင် ငှက်ပျောရွက် သို့မဟုတ် ဖက်ရွက်ခင်းသည်။ ပြီး ထမင်းပုံမှန် ပန်းကန် ၁၀ လုံးစာ ထည့်သည်။ ထမင်းပေါ်တွင် ၂၀ ကျပ် သားခန့် အသားတုံးလေးတုံးထည့်ပြီး ဝေငှပေးသည်။ ထိုအရာကို "စာဘာ" ဟုခေါ်သည်။ " စားပွဲတော်စကော" ဟုဘာသာပြန်ရမည် ထင်သည်။

မင်္ဂလာပွဲသို့ တစ်အိမ်သားလုံးကြွချီရင်လည်း ထို " စားပွဲတော်စကော" တစ်ခုသာ ရမည်။ တစ်ယောက် တည်း လာလည်း " စာဘာ" တစ်ခုရမည်။ ရပ်ဝေးသို့မဟုတ် အခြားရွာမှ လာသော ဧည့်သည်မျးကို မင်္ဂလာ အိမ်နီးဝန်းကျင် အိမ်များတွင် နေရာချပေးသည်။ တစ်ယောက်တည်းသမားသည် ထို"စားပွဲတော်စကော" တစ်ခုကုန်အောင် မစားနိုင်ပါ။ ဒီတော့ ဘာလုပ်ကြသနည်း။ အိမ်ရှင်က ဧည့်သည်၏ ခေါင်းရင်းတည့်တည့် ထရံတွင် ချိတ်တစ်ခုစီ ပြုလုပ်ထားပေးသည်။ စားမကုန်သော အသားတုံးများ ကို ကြိုးနှင့်သီ၍ ချိတ်ဆွဲထား ရန်ဖြစ် သည်။
အခြားရွာမှလာသော ဧည့်သည်များသည် အနည်းဆုံး နှစ်နပ်စားပွဲတော်စကော ရမည်။ တစ်ခါတစ်ရံ မင်္ဂလာ ရက်နေ့လည်စာ၊ ညနေစာနှင့် နောက်နေ့ နံနက်စာပါရမည်။ ဒီတော့ တစ်ယောက်တည်းလာသူ အဖို့ စားမကုန် သည့်ထမင်းနှင့် အသားတုံးကြီးများထမ်း၍ အိမ်အပြန်ခရီး လှပနေတော့သည်။

အသားတုံးဟင်းချက်ပုံ ပြောရန် ရှိသေးသည်။ ၀က်သို့မဟုတ် နွားနောက်ကိုဖျက်၊ ၁၅ ကျပ်သား ၂၀ ကျပ် သားခန့်ရှိအောင် ခုတ်၊ အူအသည်း ကလီစာမျးကို သန့်စင်ပြီး ခုတ်ဖြတ်။ ပြီးလျှင် ဒယ်အိုးကြီး ထဲတွင်ထည့်၊ ရေနှင့်ပြုတ်။ ကိစ္စပြီးပြီ၊ ဆားမထည့်ပါ။ ဤမျှလွယ်သည်။ ကျက်လောက်ချိန်တွင် ဟင်းပြုတ်ရည် များကို ၀ါးကျည်ထောက်ထဲထည့်ပြီး ဝေငှသောက်ကြသည်။ ဂင်ရန်လီ ထိုဆားမဲ့ စွပ်ပြုတ်ရည် ကို သောက်ဖူးသည်။ ချိုဆိမ့်ဆိမ့် ရှိသည်။ ကမ္ဘာကျော် ငါးမန်းဆူးတောင် စွပ်ပြုတ်မသောက်ဖူးသော်လည်း ထိုအမဲစွပ်ပြုတ် ကို မှီမည်မထင်ပါ။ မည်သည့်အနံ့ထွက်သည်ကိုတော့ သဘောထားတိုက်ဆိုင်မည်မဟုတ်၍ မဖော်ပြတော့ ပါ။
အရည်သောက်ပြီးဖြစ်သည့် ထိုဆားမဲ့အသားတုံး၏ အရသာမည်သို့ရှိမည်ကို ခန့်မှန်းလို့ရပြီ ထင်ပါသည်။ တချို့ အတွေ့အကြုံရှိသူ မြို့ပေါ်က လူလည်ဝန်ထမ်းများသည် ဆားကိုလျှို့ဝှက်၍ ယူလာတတ်ကြသည်။ ထမင်းစားချိန် အသားတုံးကို ပါးပါးလှီးဆားနယ်မီးကင်ပြီး ထမင်းနှင့် လွေးရန် ဖြစ်သည်။ မင်္ဂလာပွဲပြီးလျှင် မကုန်ထမင်း၊ မကုန်ဟင်း အသားတုံးထမ်းပြီး အိမ်ပြန်ကြသည်။ ဤရှားပါးဒေသတွင် ထိုအသားတုံးများ၏ တန်ဖိုး ကား ကြီးမားလှသည်။ အသားက အသားပဲလေ။

ကျောင်းအုပ်ဆရာကြီး ဂျိန်းသည် ၀က်သားတစ်တွဲရလာ၍ပျော်နေသည်။ ဤဒေသမိသားစုတစ်စု တစ်နှစ်  ၀က်တစ်ကောင် ပေါ်ဖို့မလွယ်၊ အေးလွန်းသည့်ပြင် ၀က်စာရှား၍ တစ်နှစ်မွေးမှ ပိဿာ ၂၀ ခန့်သာရှိသည်။ ယခုဆရာကြီးသည် ၀က်သားတစ်ပိဿာကြီးများတောင် ရလာပြီ။ ၀န်ထမ်းတစ်ဦးနှစ်ချီမွေးထားသော ၀က် ပေါ်၍ရသောအသားဖြစ်သည်။ ဆရာကြီးသည် ဤအသားတစ်ပိဿာအား တစ်ခါချက်နှစ်ကျပ်သားခန့် ဆရာတပည့်နှစ်ဦး တစ်လခန့်မျှဉ်း၍ စားမည်။ ၀က်သားဆိုတော့ ဆီလည်းသက်သာမည်ဟု တွေးကာ ပီတိ ဝေဖြာ လျက်ရှိသည်။ အိမ်ရောက်လျှင် သူ့တပည့်ကြီး (၁၆)နှစ်အရွယ် ငါးတန်းကျောင်းသားအား အပ်ထား လေသည်။

သူသည် ကျောင်းပိတ်ရက်ဖြစ်၍ ၀န်ထမ်းမိတ်ဆွေအပေါင်းအသင်းထံ သွားလည်သည်။ ညနေထမင်းစားချိန် ဂင်ရန်လီ အား အလည်ခေါ်ပြီး အိမ်ပြန်သည်။ သူသည် မီးဖိုချောင်ဝင်ပြီး သူ၏ ၀က်သားတွဲကို ဦးစွာရှာ၏။ " ဟိုက် " ၀က်သားတွဲ မတွေ့ပါလား။ ခွေးများဆွဲသွားပြီလားဟု ရင်ထဲက ထိတ်ခနဲ ခံစားလိုက်ရသည်။ ရှာမတွေ့တော့၍ တပည့်အား " ဒီမှာ ငါ့တပည့် ၀က်သားတွဲကော" ဟု မေး လေ၏။ " ဆရာ ကျွန်တော် အားလုံး ချက် လိုက်ပြီ" ဟု ဖြေလေသည်။ ဆရာကြီး၏ နှလုံးအိမ်ထဲ ဒိန်းခနဲ မြည်ဟီးသွားသည်။ ဟင်းအိုးဖွင့်ကြည့်တော့ ဖြစ်သလို ခုတ်ထစ်ပြီး ချက်ထားသည်ကို တွေ့ရ၏။ ငါးဆယ် သားချက်ခန့်သာ ကျန်တေ့သည်။

" ငါ့တပည့်ရာ ဘာဖြစ်လို့အားလုံး ချက်လိုက်သလဲ ငါက အသားနည်းနည်းနဲ့ ဟင်းသီးဟင်းရွက် ရောချက် စား မလို့ ခုတော့ကွာ ... " ဟု စိတ်ပျက်စွာ ညည်းလေသည်။ ထိုအခါ သူ့တပည့်ပြောလိုက်ပုံက " ဆရာကြီး ရှိတစ်ခါစား မရှိတစ်ခါမစား" တဲ့ ဆရာဂျိန်း၏ ပါးစပ်အဟောင်းသားပွင့်သွားပြီး တပည့်ဖြစ်သူအား စေ့စေ့ ကြည့်လေ၏။
" ငါ့တပည့် မင်းပြောလိုက်တဲ့ ဗမာစကား ဆရာ တစ်ခါမှ မကြားဖူးဘူး၊ ဘာတဲ့ ရှိတစ်ခါစား၊ မရှိတစ်ခါမစား၊ ဟုတ်လား " ဟုပြောပြီး " မင်းက ဗမာကိုတောင် ကောင်းကောင်းမြင်ဖူးတာမဟုတ်ဘူး မင်းရဲ့ ဗမာစကားက မှတ်သားလောက်ပေတယ်။ ဆရာ တစ်သက်လုံး မှတ်ထားပါ့မယ်၊ မင်း ဒီနှစ်မြန်မာစာ ဂုဏ်ထူးထွက်မယ်" ဟု မကျေမချမ်းနှင့် ချီးမွမ်းခန်းဖွင့်ဆိုလေသည်။ တပည့်ကြီးကတော့ ရှိတစ်ခါစား ငါးဆယ်သားခန့်ဝါးပြီ။

ဦးဂင်ရန်လီသည် တန၈င်္နွေနံနက်တစ်ခုတွင် ဒေသခံ လူကြီးဦးဖုန်းဇီးခင်ထဲ အလည်သွားလေသည်။ သူသည် မီးဖိုဘေးတွင် ထိုင်ကာ တစ်စုံတစ်ခုလှော်နေသည်။ ဂင်ရန်လီက " ဦးဖုန်ဇီးခင် အဲဒါဘာလဲဗျ" ဟု မေးရာ ဦးဖုန်ဇီးခင်က " အူလိုင် လေ၊ မနက်စာအတွက် လုပ်နေတယ်" ဟု ဖြေလေသည်။
ဤဒေသတွင် အူလိုင် သည် အဒိကအစားအစာတစ်ခုဖြစ်သည်။ တချို့ ဆန်ထမင်းကို ရံဖန်ရံခါမှသာ စားရ သည်။ အူလိုင်၊ ပြောင်း၊ ထုပ်၊ ကွာများကို စားကြ၏။ အူလိုင်ကို အူလိုင်ပင်ခေါ် မင်းဘောပင်မှရသည်။ ဂင် ၇န်လီ " ဒါနဲ့ အူလိုင်ဝယ်တာလား၊ ကိုယ့်ဟာကိုယ် လုပ်ယူသလား" ဟု စပ်စုကြည့်သည်။ " ကျွန်တော် ကိုယ်တိုင် လုပ်တာ ကျွန်တော့် မိဘဘိုးဘေးများ စိုက်ထားတာ တစ်တောလုံး တစ်တောင်လုံး ရှိတယ်။ ခုခေတ် စကားနဲ့ပြောရင် ကျွန်တော့် ဘိုးဘေး များ အမျှော်အမြင်ကြီးတာပေါ့လေ၊ သူတို့ အူလိုင်ပင်စိုက်ထား လို့သာ ကျုပ်မိသားစု ခုလို အသက် ဆက်နေနိုင်တာပေါ့" ဟု မိဘဂုဏ်ကျေးဇူး ကို ထုတ်ဖော်လေသည်။

ဂင်ရန်လီက "ဦးဖုန်ဇီးခင် စပ်စုတယ်လို့တော့ မအောက်မေ့ပါနဲ့၊ အူလိုင် ထုတ်ယူပုံပြောပြပါလား" ဟု စပ်စု ပြန်၏။ " နည်းနည်းတော့ခက်တယ်၊ ဦးစွာ လူတစ်ဖက်စာရှိတဲ့ အူလိုင်ပင်ရဲ့ ပင်စည်ကို ဆောက်နဲ့ အနည်း ငယ်ထွင်းပြီး အထဲကအသားကိုယူ၊ ပြီးတော့ ရေဆွတ်ပြီး လက်ဖ၀ါးပေါ်တင်၊ ပြီးတော့ လက်ညှိုးနဲ့ ပွတ်ကြည့်။ လက်ဖ၀ါးမှာ အူလိုင်မှုန့်ဖွေးဖွေးလေးကပ်နေရင် အဲဒီအပင် အူလိုင်မှုန့်ထုတ်လို့ရပြီ။ ထုတ်လုပ်ပုံကိုတော့ ပါးစပ်နဲ့ပြောပြရင် နားရှုပ်သွားမယ်။ ဒီတော့ တစ်နေ့ အူလိုင်ထုတ်တဲ့နေရာ ခေါ်သွား မယ်" ဟု ဆိုလေသည်။
ဂင်ရန်လီ သည် ယခင်ကလည်း အူလိုင် တွေ့ဖူးစားဖူးသည်။ အူလိုင်မှုန့်သည် ဂျုံမှုန့်ထက် ပိုညက်သည်။ ရေနွေးပူပူနှင့် ရောမွှေလျှင် ပျစ်ပျစ်ကျိုထားသည့် သာကူစေ့ကော်ရည်နှင့်တူသည်။ မီးဖုတ်စား၍ရသည်။ နံပြားလုပ်၍ရသည်။ အူလိုင်မှုန့်အပြင် ထုပ်နှင့် ကွာခေါ်အစားအစာများရှိသည်။ ထုပ်ကို သစ်မင်းပင်မျိုးကွဲ တစ်မျိုးမှ ထုတ်ယူရရှိသည်။ ကွာမှုန့်ကို ပန်းဂျုံပင်မှရသည်။ ကချင်ဘာသာအားဖြင့် ရှရိမမ် (Shari mam) ဟု ခေါ်သည်။ တောချဉ်ပေါင်စပါး ဟု အဓိပ္ပ္ပာယ်ရသည်။

ဂင်ရန်လီသည် ဦးဖုန်ဇီးခင် တည်ခင်းသော အူလိုင်နံပြားနှင့်ဖာ့ခါးခေါ် လက်ဖက်ရေနွေးကြမ်းနှင့် မျိုချလေ သည်။ သူက " ဦးဖုန်ဇီးခင်၊ ခင်ဗျား လှေကားထစ်လယ်မလုပ်ဘူးလားဗျာ၊ ဒီဒေသမှာ လှေကားထစ်လယ်က အသင့်တော်ဆုံးမဟုတ်လား" ဟုမေးသည်။ ဦးဖုန်ဇီးခင်က " တစ်ဝက်လောက်တော့ လုပ်ထားတယ် လက်ဖော်ဖို့က မလွယ်ဘူးလေ။ နိုင်ငံတော်က ဖွံ့ဖြိုးရေးချပေးရင်တော့ တိုးချဲ့ဖို့ စိတ်ကူး ထားတယ်။ တစ်နေ့မှာတော့ ကျုပ်ရဲ့ မိသားစု ကျုပ်ရဲ့ဘ၀ ရည်မှန်းချက်ပါပဲဗျာ" ဟု ဘ၀ရည်မှန်းချက်ကို ပြောပြလေသည်။ ဂင်ရန်လီသည် အူလိုင်နံပြားနှင့် ဖာ့ခါးစားသောက်ပြီး ဦးဖုန်ဇီးခင်၏ အိမ်မှ ထွက်သွား လေသည်။ ထိုမျဆက်၍ ဆရာဝန် ဦးကျော်အိမ်သွား၏။

မီးဖိုချောင်ဘက်မှ အသံဗလံ ကြားရသည်။ ဒီတော့ ဆရာဝန် ထမင်းဟင်းချက်နေပြီဆိုတာ ဂင်ရန်လီ သိ လိုက်ပြီ။ ဆရာကျော်သည် ဆေးပညာသာ ကျွမ်းကျင်သည်မဟုတ်။ ချပ်ပြုတ်ရေးမှာလည်း အိတ်စပတ်ဖြစ် သည်။ လူနာရှားပါးသော ဤဒေသ၏ ပျင်းရိငြီးငွေ့ဖွယ်ကောင်းသော အချိန်တွေကို အိုးခွက်ပန်းကန်များကို အဖော်ပြု၍ ကုန်လွန်စေသည်မှာ အကောင်းဆုံးနည်းလမ်းဖြစ်တော့သည်။
ဂင်ရန်လီသည် ဆးရုံဝန်ထမ်းဇနီးသည်ကို အကြောင်းပြု၍ ဆရာကျော်၏ မီးဖိုနှင့်ကပ်လျက် မီးဖိုတွင် ချက် ပြုတ်စားသောက်ဖူး၏။ ဆရာကျော်သည် ချက်ပြုတ်ပြီဆိုလျှင် ပါးစပ်လည်း အငြိမ်မနေ၊ အမြဲတမ်းသီချင်း ဟစ်လျက်ရှိပြီး ထမင်းစားတူကို ဒရမ်စတစ်လုပ်ကာ အနီးရှိအိုးခွက်ပန်းကန်များကို စည်းဝါးကျကျ ထုနှက် တတ်သည်။ ထိုအခါမျိုးတွင် ဂင်ရန်လီသည်လည်း မိမိအခန်းထဲမှ ကူညီ ထုနှက်ပေးမြဲဖြစ်သည်။ ဆရာကျော် အမြဲသီဆိုသောသီချင်းမှာ လက်သီးဆုပ်မလား လက်ဝါးဖြန့်မလားဖြစ်သည်။ ယခုတော့ ဂင်ရန်လီ၏ ဇနီး ပြောင်းသွားပြီဖြစ်၍ သူသည်လည်း မိခင်ဌာနသို့ ပြောင်းရွှေ့နေရပြီ။

ဂင်ရန်လီ မီးဖိုချောင်သို့ တန်းဝင်ရာ ဆရာကျော်က "ဘယ်ကလှည့်လာသလ ဦးဂင်ရန်လီ" ဟုမေးလေ
 သည်။ " ကျွန်တော်တစ်ယောက်တည်း ပျင်းတာနဲ့ လျှောက်လည်တယ်ဗျာ၊ ခု ဖုန်ဇီးခင်အိမ်က ထွက်လာ တာ သူ့ဆီသွားတော့လည်း ချက်ပြုတ်နေတာ နဲ့ တိုးတယ်။ ဒါပေမယ့် ဆ၇ာ ချက်ပြုတ်တာနဲ့ သူချက်ပြုတ် တာတော့ မတူဘူးပေါ့လေ " ဟု ဖြေလေသည်။ ကြည့်ပါ၊ ဆရာကျော် စတိုခန်းမှာ ရိက္ခာက အပြည့်။ ယခု သူ ကုလားပဲဟင်းနှင့် ပင်လယ်ငါးခြောက်ဆီပြန်ချက်နေလေရဲ့။

နှစ်တွေ ကြာခဲ့ပြီ။ ခေတ်တစ်ခေတ်ပင် ပြောင်းခဲ့ပြီ။ ဂင်ရန်လီသည် နွေဦးရာသီ၏ နေ့တစ်နေ့တွင် အိမ်ရှေ့ သရက်ပင်အောက်တွင် ပက်လက်ကုလားထိုင်ပေါ်ထိုင်၍ မိမိကျင်လည်ခဲ့သော ဒေသများအကြောင်း၊ လုပ်ဖော်ကိုင်ဖက်များ အကြောင်း အတိတ်ကာလ အတွေးကမ္ဘာထဲတွင် လွင့်မျောနေ၏။
ဦးအဖူး၊ ဦးအဆင်၊ ဒေါက်တာကျော်၊ ဆရာဂျိန်း၊ သူတို့တစ်တွေနှင့် ခွဲခွာတာ နှစ်တွေကြာခဲ့ပြီ။ ဦးအဖူး၊ ဦး အဆင်။ ဖုန်ဇီးခင်တို့သည် ခေတ်တစ်ခေတ်နှင့်အတူ ထိုဒေသမှ ပျောက်ကွယ်သွားပြီ။ ဦးအဆင် သည် ဘာ သာရေးဆရာ၊ ဆရာဂျိန်းက တိုင်းအဆင့်၊ ဒေါက်တာကျော်ကတော့ နိုင်ငံတော်အဆင့် ရောက်နေကြပြီ။
သူတို့၏ ပုံရိပ်များသည် ယနေ့ ဂင်ရန်လီ၏ အတွေးကမ္ဘာထဲ တွင် ထူးကဲစွာ ၀င်လာနေသည်။ အထူးသဖြင့် အရက်ပုလင်းမီးကင်နေသော ဦးအဖူး၏ပုံရိပ်သည် သူ့အား ထူးထူးခြားခြား ဆွေးတမြည့်မြည့်ဖြစ်စေသည်။

ထိုစဉ် သရက်ပင်ထက်မှ သရက်ရွက်ဝါ၀ါတစ်ခုသည် သူ၏ နဖူးထိပ်တည့်တည့်ကျလာပြီး တစ်ထောက်နား ကာ ၀မ်းပိုက်ပေါ်သို့ လျှောကျလေ၏။
" အော် မင်းက ငါ့အထက်မှာ စိမ်းမြမြရောင်နဲ့ ငါကို အရိပ်ပေးခဲ့တာခုတော့ ငါ့ဝမ်းဗိုက်ပေါ်မှာ လာတင်နေပြီ ပေါ့" ဟု သံဝေဂသံနှော၍ ရွတ်ဆိုလိုက်၏။
ထိုစဉ် " ဖိတ်စာ၊ ဖိတ်စာဗျို့ အိမ်ရှင်တို့" ဟု ခြံတံခါးဝ အပြင်မှာ အော်သံကြား၍ ပက်လက်ကုလားထိုင်မှ ထကာဖိတ်စာသွားယူ၏။ ပြီးမှ ကုလားထိုင်ပေါ်ပြန်ထိုင်၍ ဖွင့်ဖတ်လေ၏။ " ဦးအဖူး၊ အသုဘရှု" ရင်ထဲ ထိတ်ခနဲ ဖြစ်လာပြီး စိတ်ထဲမှ ဟိုက်၊ ငါ့အစ်ကိုကြီးများလားဟု စိုးရိမ်တကြီး ဆက်ဖတ်လေသည်။ ဟုတ်ပါ သည် ဦးအဖူး ဥက္ကဋ္ဌကြီး ဦးအဖူးအစစ်ပါ။

" သိပ်အေးတယ် ငါ့ညီရယ်၊ ဒီတော့ နည်းနည်းပါးပါး လုပ်ရအောင် ဒီမှာ အေးလွန်းလို့ မီးကင်ထားတယ်" ဟု မီးဖိုနားတွင် ထောင်ထားသည့် ပုလင်းကိုပြသည့် အစ်ကိုကြီး ခုတော့" ဟု စိတ်ထဲရေရွတ်နေ၏။ ဆက်၍ " မနောကောင်း သဘောကောင်း၊ အစဉ်အမြဲ လန်းဆန်းတက်ကြွနေတဲ့ အစ်ကိုကြီးဟာ၊ အရက်မီးကင် သောက်ရန် မလိုတော့သည့် ဘ၀တစ်ပါးဆီ ခြေလှမ်းခဲ့ပြီကော" ဟု ရေရွတ်ကာ အသုဘရှုသွားရန် ပက် လက်ကုလားထိုင်ပေါ်မှ လေးကန်စွာ ထလိုက်လေသည်။

ဆက်ရန်
.
>>>ဆက်ဖတ်ရန်>>> >>

Tuesday, October 30, 2012

စံ-ဇာဏီဘို ၏ အုတ်ရိုးနောက်ကွယ်မှ ဗေဒင်သိုင်းဂိုဏ်းသားများ

အုတ်ရိုးနောက်ကွယ်မှ ဗေဒင်သိုင်းဂိုဏ်းသားများ
စံ-ဇာဏီဘို


ဖြူဖွေးသော နှင်းမှုန်တို့သည် တိုက်ခတ်လာသော လေနှင့်အတူ သံတိုင်ကြားမှ အခန်းတွင်းသို့ ၀င်ရောက် သည်။ အခန်းသမ့တလင်းပေါ်တွင် ရေအသွင်သို့ကျဆင်းကာ သမ့တလင်းတို့သည် စိုစွတ်အေးစိမ့်နေသည်။ မိုးလင်းပြီး အချိန် အတော်ကြာသည့်တိုင် နေမင်းကို မမြင်ရ။ အလင်းပျပျကိုသာ မြင်နေရသည်။
ခေါင်းအုံး မရှိ။ ခြင်ထောင်မရှိဘဲ သမ့တလင်းပေါ်တွင် ခင်းထားသော ဖျာကြမ်းပေါ်တွင် ဖိနပ်ကို ကြွပ်ကြွပ် အိတ်နှင့်ထုပ် ခေါင်းအုံး လုပ်ကာ ပေးထားသော ချည်ကြမ်းထည်စောင်ကို လုံခြုံအောင် ခြုံကွေး၍ အိပ်စက် ရ သော သူတို့အတွက် ဆောင်းရာသီ၏ အအေးဒဏ်သည်ကား ဆိုးဝါးလှသည်။
နံနက် ၄ နာရီဝန်းကျင်မှ စ၍ အအေးဓာတ်သည် ပိုလာကာ အိပ်မရဘဲ စောင်ကိုခြုံ၍ ထိုင်နေရ သည်။ ထောင်ဖွင့်ချိန် မရောက်သေး၍ ၀ါဒါထောင်မှူးများလာက လှဲ၍ အိပ်ချင်ယောင်ဆောင်နေရသည်။ ထိုဒေသ တွင် ထောင့်ဖွင့်ချိန် မတိုင်မီ အိပ်ရာမှ ထခြင်းမပြုရ။ ဆေးလိပ်ပေးမသောက်။

မိုးလင်းခါနီး လိုက်လံကင်းစစ်သော ထောင်မှူးနှင့် ၀ါဒါတို့သည် နှင်းတောအတွင်း အနွေးထည်များ ထူအောင် ၀တ်ထား သည်။ အနွေးထည်တစ်ထပ် ဆွယ်တာတစ်ထပ်နှင့် လည်ပင်းပတ်၊ ခေါင်းဆောင်း၍ ကင်းလိုက်လံ စစ်ဆေး သည်။ " ဆရာ မီးတစ်တို့ " တစ်ဖက်ခန်းမှ ပြုံးချို၏ အသံကြားရသည်။ ၀ါဒါဖြစ်သူထံ လှမ်း၍ မီးတောင်းခြင်းဖြစ် သည်။ ခေါင်းရင်းတွင်ရှိသော နွားမကျင်လှဆေးပေါ့လိပ်ကို လှမ်းကြည့်လိုက်သော် အစီခံ အထက် လက်တစ်ဆစ်စာ ကျန်သေး၍ နှလုံးအေးသွားသည်။ " ထောင်မဖွင့်သေးဘူးလေ " ဟူ သော စကား ကို ရွှေသွားပေါ်အောင် ပြုံးရင်း ၀ါဒါကို စိုးမောင် က ပြော၍ ဆွယ်တာအထပ်တွင် ၀တ်ထားသော အင်္ကျီအောက် မှ မီးခြစ်ကို နှိုက်ကာပေးသည်။ " ဆရာစိုး ဒီဘက်လည်း မီးတစ်တို့" ဟုတ်တယ် ကိုဇာကြီးရာ၊ ချမ်းကလည်း ချမ်း။ ပိုးကောင်တွေလည်း ကျလို့ အိပ်လို့မရဘူး" ပြုံးချိုက လှမ်းပြောသည်။ လက်ကျန်နွား မကျင်လှဆေးပေါ့လိပ် ကို ဖွာရင်း မနက် ဘယ်အခန်းက စ ရေချိုးချမှာလဲ။ အခန်း ၁ ကိုအောင်ဒင်က စမှာ။ အလွန်အေး လှသော ဆောင်းတွင်းတွင် အလှည့်ကျချိုးရန်ဖြစ်သည်။

အကျဉ်းထောင်တစ်ခုလုံး သို့ ပေးပို့သော ရေစင်သည်ကွဲအက်ကာ သိုလှောင်ပေးပို့၍မရဘဲ စက်နှင့်မောင်း ကာ တိုက်ရိုက်ပေးနေရ သည်ဖြစ်ကာ ထောင်တစ်ခုလုံးသုံးရေ သောက်ရေ လွန်စွာရှားပါးနေ၏။ အလှည့်ကျ အချိန်နှင့် ရေပေးဝေမှုအပေး သုံးစွဲရမည်ဖြစ်ပေရာ တိုက်ခန်းများတွင် မနက်ပိုင်းစောစော ရေပေး ကာ ရေချိုးချစေ သည်။

" တောက် ... ရေချိုးရမှာလည်း အစောကြီး၊ သူများတွေ စောင်ခြုံမီးလှုံနေတဲ့အချိန်" ဟု ကိုအာင်ဒင်က ညည်းလေသော် " ချမ်းရင် ရေချိုး နှင်းတောတိုး " မွန်သံဝဲ၀ဲနှင့် မင်းဇေယျာက ထအော်၏။
" ဟုတ်တယ်ဗျာ၊ လူကြီးတွေ မဆိုနဲ့၊ ကျွန်တော်တို့လူငယ်တွေပါ ရေချိုးရမှာ လန့်နေတာ " အလွန်ညစ်ပတ်၍ ၄ ရက် ၅ ရက် မှတစ်ကြိမ် ရေချိုးသော ရန်မျိုးသိန်းက ဆိုသည်။
" အောင်မာ ... ရေမချိုးဘဲ ဒီလောက်နံဟောင်နေတာ မင်းဆရာဝန်ဖြစ်ရင် ငါတို့ လာကို မကုဘူး။ " မင်း သားကြီး ဦးအောင်လွင် က ထ၍ပြောသည်။ အသံတွင် မောဟိုက်သံများပါဝင်နေသည်။ ဘကြီးအောင် ဘာတွေမောနေ တာလဲ။ ဘာမဟုတ်တာ လုပ်နေတာလဲ " " အောင်မာ ... မင်းကများ ငါ့ကို ရေချိုးမလို့၊ Exercise လုပ်နေတာ "
မနက်လင်းလုလု တွင် နှင်းတို့သည် ပိုမိုကျဆင်းလာသည်ရှိ၏။ အချမ်းဓာတ်သည် ပိုမိုဆိုးဝါးလာပေရာ စကားသံ ပင် မကြားရဘဲ တစ်တိုက်လုံးငြိမ်သက်သွား၏။

" စောစောအိပ်လို့ စောစောထလို့ စောစောလမ်းလျှောက်ကြပါစို့။ တိန်း ဒေါင် ... တိန်းဒေါင် "
ထောင်ဝင်း အပြင်မှ လောစပီကာနှင့် ဖွင့်လိုက်သော အသံသည် ဆောင်းလေရူး၏ သယ်ဆောင်မှုနှင့်အတူ ကျယ်လောင်စွာ ၀င် လာသည်။ သြော် ... ဒီနေ့ တနင်္ဂနွေနေ့ ဒီဇင်ဘာလည်း ရောက်နေပြီကိုး။ အဘမန်းဒါဝိတ် ၏ မှတ်ချက်ချသံကို ကြားရ၏။
" ဟုတ်တယ် အဘမန်းရေ၊ ဒီအချိန်ဆိုရင် ကန်တော်ကြီးဘက် ပတ်လမ်းလျှောက် မှာ၊ နှင်းမှုန်ကြား က ပြေးလွှားနေတဲ့ ကောင်မလေးတွေကို ကြည့် ဟီ ... ဟိ ... " တင့်ဆန်းက ထပြီး မှတ်ချက်ပေး၏။ မှတ်ချက် ပေးပြီး အဆုံးတစ်တိုက်လုံး ဒီဇင်ဘာနှင်းများအကြောင်း တစီစီပြောကြကုန်သည်။
" တောက် ... လမ်းမလျှောက်ရင်တောင် အားကစားလုပ်မှ တန်ရုံကျမယ်၊ နို့မဟုတ်ရင် ရေမချိုးဘဲနေရင် ၀ဲပေါက်၊ ရေချိုး ရင်လည်း ဖျားဦးမှာ " ရန်မျိုးသိန်း၏ အပြောအပေါ် အားလုံးက သဘောကျသွားသည်။ အခန်း အတော်များများ တွင် မြွေ ၂ ကောင်ပွေး၊ ၀ဲ၊ နှင်းခူဆေး တရုတ်သံဘူးနှင့် ဆေးများကိုယ်စီနှင့် ပွေးကိုင်းရွက်နှင့် ပွတ်သူ ပွတ်၊ တမာဆပ်ပြာနှင့် ရေချိုးရသူ ချိုးနှင့် တိုက်တွင်း အကျဉ်းစံလူဝဲစားများ၊ မျက်နှာမမြင်ရ တစ်ဦးနှင့် တစ်ဦး အော်ဟစ် စုံညီညီလာခံကျင်းပကာ အားကစားလုပ်ကြရန် တညီတညွတ်တည်း ဆုံးဖြတ်ကြလေတော့ သည်။

တိုက်ဂုဏ်ဆောင်အားကစားသမားများမှ ဒီဇင်ဘာ ပထမပတ် တနင်္ဂနွေနေ့မှ စတင်လိုက်သော တိုက်တွင်း အားကစား စီမံချက်သည် လွန်စွာ အောင်မြင် သည်။ ရက်ပိုင်းအတွင်း ထွန်းထွန်းပေါက်ပေါက် အားကစား သမားများနှင့် နည်းပြများ ပေါ်ထွန်းလာ၏။ မူလအခြေခံအားကစားရင့်ကျက်သော သူတို့သည်ကား ကစားနည်းပြ များ ဆရာများဖြစ်လာကာ တောက်မည့် မီးခဲ အလျှံရဲရဲဆိုသော အာဃအားကစားသမားများသည် ဒီဇင်ဘာနှင်းပွင့်ကြား မှ ပေါ်ထွန်း လာလေသတည်း။

- သိုင်းဆရာကြီး မင်းသိင်္ခ
- ဂေါက်သီးနည်းပြ ဦးရဲထွန်း
- အလေးမနှင့် ကိုယ်ကာယအလှ နည်းပြချုပ် ဦးအောင်လွင် (ရုပ်ရှင်မင်းသားကြီး)
- အလေးမသူက ပိန်တာရိုး စံ-ဇာဏီဘို
- ဘောလုံး၊ ကက်ပီတန် ရန်မျိုးသိန်း
- ခြင်းလုံး မင်းဇေယျာ
- ဘော်လီဘော မောင်မောင်ဦး
- အေရိုးဗစ် တင့်ဆန်း
- ဗယ်လီ ပြုံးချို
- ဒိုက်ထိုး မြအေး
- ကင်းမြီးကောက် အောင်ဒင်
စသဖြင့် ထူးခြားသော အားကစားသမားများ ရက်ပိုင်းအတွင်း ပေါ်ထွန်း၏။

ကြွပ်ကြွပ်အိတ် များ လွန်စွာရှားသွားသည်။ ဤဒေသတွင် ကြွပ်ကြွပ်အိတ်၊ ပလတ်စတစ်တို့သည် စွန့်ပစ် ပစ္စည်း မဟုတ် တန်ဖိုးကြီးလှသည်။ ပလတ်စတစ်ပေါ်တွင် သံချွန်ဖြင့် စာရေးကာ မျတ်တမ်းမှတ်ရာ ထား သည်။ အပြန်အလှန် သင်ကြားသော စာတို့ကို ဖတ်ကြသည်။ ကြွပ်ကြွပ်အိတ်တို့သည်ကား မီးလုံးတွင် စွပ်၍ ပိုးကောင် အန္တရာယ်ကာကွယ်သည်။ ကြွပ်ကြွပ်အိတ်တို့ကို ကြိုးကျစ်၍ ကြိုးတို့ကို လွှဲပစ်ကာ တစ်ခန်းနှင့် တစ်ခန်း ဆေးလိပ်မီးယူ၊ ပစ္စည်းယူ ဆေးလိပ်မီးအဖြစ် သုံးသည်။ ကြွပ်ကြွပ်အိတ်တစ်လုံး မီးရှို့သုံးက ပုံစံခွက်ဖြင့် ဟင်းတစ်ခွက် ကျက်သည်။ ကြွပ်ကြွပ်အိတ်ကြိုး ပုတီးသည်ကား ပြင်ပဈေးကွက်တွင် အရောင်း တွင်ကျယ် ၏။ အိပ်ရာအောက်ခံအဖြစ်လည်းကောင်း၊ မိလ္လာအောက်ခံအဖြစ်လည်းကောင်း၊ အမျိုးမျိုး အသုံး ပြု၍ ရသော ကြွပ်ကြွပ်အိတ် တို့သည် ယခုအခါ ပို၍အသုံးဝင်လာသည်။ ကြွပ်ကြွပ်အိတ်ဘောလုံး၊ ကြွပ်ကြွပ် အိတ်ဂေါက်သီး၊ ကြွပ်ကြွပ်အိတ်ခြင်းလုံး၊ ကြွပ်ကြွပ်အိတ် ဘောလီဘောပိုက်၊ ကြွပ်ကြွပ်အိတ် အလေးမ စိတ်အိတ်၊ ကြွပ်ကြွပ်အိတ် သိုင်းကျမ်း အထိ ကြွပ်ကြွပ်အိတ်သည် လွန်စွာအသုံးဝင်၏။

စာပေရေးသားမှုအရာတွင်လည်းကောင်း၊ ဗေဒင်အတတ်တွင်လည်းကောင်း ကောင်းစွာ ကျွမ်းကျင်သည့် ဆရာကြီးမင်းသိင်္ခ သည် ထူးခြားသော သိုင်းပညာရပ်ကို တတ်မြောက်သည်။ အပြင်လောက ထိုခေတ် ကာလ ဗန္ဓုလပန်းခြံ၊ ကန်တော်ကြီးတစ်ဝိုက်တွင် နေထွက်ရာဘက် မျက်နှာမူကာ လွန်စွာနှေးကွေးသော ကိုယ်လက် လှုပ်ရှားမှုကို သိုင်းကွက်ကသော တရုတ်လူမျိုးတို့၏ သိုင်းအတတ်နှင့် I Ching ရီချင်းလှုပ်ရှား မှု ၆၄ ကွက်ကို အခြေခံ ၍ ဖန်တီးထားသော ဗေဒင်သိုင်းအတတ်ပညာကို ကိုယ်တိုင်လည်း ကစားသည်။ သင်ကြား ပို့ချခြင်းလည်းပြုသည်။ ဖိုမ၊ အပျော့အမာ Yinယင်၊ Yangယန် စုံမကို အခြေခ့သော ထိုက်ကျိ Taiji သိုင်းကွက် မှသည် အလုံးစုံသော အကွက်တ့ကို အစဉ်အတိုင်းမဟုတ်ဘဲ အလျဉ်းသင့်သလို ပြောင်းလဲ၍ အပြောင်း အလဲပေါင်း ၄၀၉၆ ကွက် ၀ူကျိ Wu Chi သိုင်းကွက်တို့ကို သင်ကြားသည်။

နှာခေါင်းမွှေး၊ မုတ်ဆိတ်မွေး ဖားရားနှင့်ဆ့ပင်ကုပ်ဝဲနှင့် အပေါ်အင်္ကျီကိုချွတ်၊ ၀မ်းဗိုက်ပူပူနှင့် ဘောင်းဘီတို ခပ်ပွပွကို ၀တ်၍ ရှေ့မှ သိုင်းကွက်တို့ကို ဖော်ကျူးနေသော သိုင်းဆရာကြီးနောက်မှ အပေါက်အပြဲများကို သားရေကွင်းနှင့် စုကာ ချည်နှောင်ထားသည့် ဘောင်းဘီဖင်ပြဲ၊ နံရိုးအပြိုင်းပြိုင်းနှင့် ဆံပင် လိမ်ကောက် ကောက်နှင့် အချိုးမကျစွာ ဟိုရွှေ့သည်ရွှေ့ လှုပ်ရှားနေသည့်တည့် သိုင်းပညာသင် စံဇာဏီဘိုကို ကြည့် ကာ" ကိုဇာရေ၊ အကွက်ကတာ့ မိုက်နေပြီ၊ ဘော်ဒီဝိတ်ပဲလိုတာ " တစ်နေ့ တစ်နေ့ထောင်မှကျွေးသော ထမင့်း ကို တနင့်တပိုးစားကာ ၀ဖြိုးအ၇ွယ်ရောက်လာသော ရန်မျိုးသိန်း၏ နောက်ပြောင်မှုအား မခံချိ မခံသာဖြစ်နေ ဆဲ။ ရုပ်ရှင်မင်းသားဦးအောင်လွင် က " ကိုဇာနည် မပူနဲ့၊ ဘော်ဒီဘေ့ လုပ်ပေးမယ်။ ၀ိတ်မခိုင်း ရင် ကြွက်သားတွေ တက်လာမှာ " ဟု ဘကြီးအောင်က အားပါးတရပြောသည်။

မိမချက် ခေါင်းတစ်လုံးမက မြင့်သော ဦးအောင်လွင်ကို ကြည့်လေသော် အသက် ၅၀ ကျော်သည့်တိုင် အရပ်အမောင်းနှင့် ခန္ဓာကိုယ် အား အားကျကာ ...
" ဟာ ... ဘကြီးအောင်၊ ၀ိတ်မလို့ဖြစ်ပါ့မလား "
" ဟာ ... ဖြစ်ရမှာပေါ့ "
" ဟာ ... အိုကေပဲ၊ ဆရာချဆီက သိုင်းသင်၊ ဘကြီးအောင်ဆီက နည်းနဲ့ ပေါင်းလိုက်ရင် စပါယ်ရှယ် သိုင်း ဆရာကြီးဖြစ်မှာ၊ ဟီး ... ဟီး ... " ရန်မျိုးသိန်းနှင့် တင့်ဆန်းတို့က ရယ်ပွဲဖွဲက၍ ၀ိတ်မရန် တိုက်တွန်းသည်။
ကိုမြအေးက ကိုဇာကြီး ဒိုက်ထိုးရင် တကယ်တက်တာ၊ ဒိုက်ထိုးရန် မြှူဆွယ်၍ ဒိုက်ထိုးပြန်သည်။ ရေပြင်ညီ ဒိုက်ထိုးလိုက်၊ အမြင့်မှ အောက်သို့ စိုက်ကာ ဒိုက်ထိုးလိုက်၊ အောက်မှ အထက်သို့မြင့်ကာ ဒိုက်ထိုးလိုက် မြအေး စကားနားယောင်၍ လုပ်နေစဉ် ကိုဇာကြီး ဗယ်လီရိုက်မှ ဗိုက်က ကြွက်သားတက်မှာဟု ပြုံးချိုက ပြောလေရာ ပက်လက် တစ်မျိုး၊ ဒူးထောင်၍ တစ်ဖုံ၊ ဘေးတိုက် ဘယ်လှည့်တစ်နည်း ညာလှည့်တစ်နည်းနှင့် ဗယ်လီ ရိုက်ပြန်သည်။ သံတိုင် အလယ်တန်းပေါ် ခြေပစ်၍ ကြမ်းကို အောက် ပြုကာ မှောက်ခုံ ဒိုက်ထိုးရာမှ နဖူးထိပ်နာ၍ မွန်းကာ ထိပ်မှ ဆံပင်တို့ တစ်စစ ကျွတ် ၍ ပြောင်သွားသည်။

ကြွက်သားက တက်မလာ။ ပက်လက်လှန်၍ ဗယ်လီရိုက်ရာမှ နောက်စေ့မှ ဆံပင်တို့ဖျာတွင် ကျွတ် ကျန်ကာ နောက်မှ ဆံပင်များ ပြောင်းသွားသည်။ ကြွက်သားက တက်မလာ။ ရှေ့ ဆံပင် များ ပြောင်၍ နောက်ဆံပင်ပြောင်သော်လည်း ၀ိတ်က တက်မလာ။ " မြင်းတွေ၊ ခိုတွေ ကျွေးတဲ့ ကုလားပဲကို စားရင် ကြွက်သား တက်တာ၊ ကုလားပဲစေ့ အစိမ်းတွေကို ယူ၊ တစ်ညသိပ် ရေစိမ်ထား၊ မနက်ကျတော့ ပဲစိမ်ရည် ကိုသောက်၊ ပဲတွေကို ၀ါးစား၊ ဒါမှ ကြွက်သားတက်မှာ" ဤကား ဦးရဲထွန်း၏ အကြံဥာဏပေးမှု ဖြစ်ပေ ရာ ထောင်ဝင်စာတွ့တွင် အိမ်မှ ကုလားပဲ တို့ကို မှာ ယူကာ ကုလားပဲတို့အား တစ်ညတာ ရေစိမ်၊ စိမ်တဲ့ရေ ကို သောက်၊ ပဲစိမ်းကို စား၊ ၀မ်းသာသွားသည်။

ကြွက်သား က တက်မလာ။ ကြံရည်ဖန်ရည်ကောင်းလျသော ဘကြီးအောင်၏ အစီအမံ ဖြင့် ၀ိတ်မသော ၀ိတ်အိတ် ကို ရရှိသည်။ ပြင်ပလောကတွင် ၀ိတ်မသော အပြားရှိသည်။ ဤဒေသတွင်ကား ကြွပ်ကြွပ်အိတ် ၃ ထပ်ထပ်ကာ မြေကြီးများ။ ခဲလုံး၊ ကျောက်ခဲများ ဖြည့်ကာ စီစဉ်ထားသော အိတ်သည်ကား ၀ိတ်အိတ်ဖြစ်သည်။ လုံးပတ် လက်တစ်ဆုပ် တစ်တောင်ခန့်ရှိသော သရက်ပင်မှ အတိုင်း ကို ချိုး၍ ကြွပ်ကြွပ်အိတ် လက်ကိုင်ကွင်းအလယ်မှ ကြိုးနှင့်ချည်ကာ ၀တ်မစေသည်။ ဟုတ်ပါ့မလား ဘကြီး အောင်ရယ်၊ ဒီဝိတ်အိတ်ကြီး က။ ၀ိတ်မတာကို ရုပ်ရှင်ထဲမှာလည်း ကြည့်ဖူးတယ်။ အပြင်မှာလည်း မြင်ဖူး တယ်။ မြင်ဖူးတာက သံချောင်း အလယ် တစ်ဖက်စီမှာ ၀ိတ်ပြားတပ်၊ အလယ်က မ ရတာ။ အခုတော့ ၀ိတ်က အလယ်က ဟိုဘက်ထိပ် ဒီဘက်ထိပ် လှမ်းကိုင်ပြီး " မ " ရတာ။ အခုတော့ဝိတ်က အလယ်က ဟိုဘက်ထိပ် ဒီဘက်ထိပ် လှမ်းကိုင်ပြီး "မ" ရတာ။ တော်ကြာ ၀ိတ်မတက် ဘဲ မလိုတာတွေ ကြီးလာမှာ။

" ဟာ ... ဒီမှာ ကိုဇာ၊ စနစ်ကျဖို့ အရေးကြီးတာ၊ ကဲ ... ခြေထောက်ကို ကားပြီးရပ်၊ လက်နှစ်ဖက် ဘေးကပ် ထား။ ကားမသွားစေနဲ့။ ကဲ ... ဟိုဘက်ထိပ် ဒီဘက်ထိပ် လက်ကို ပက်လက်ထားပြီး မ၊ အထူး စီစဉ်ထား သောအချိန် ၁၀ ခန့်ရှိခဲ၊ အုတ်၊ သဲမြေ အရောရောသော အိတ်ကြီးကို မ စေသည်။ ရှေ့မှဆွဲယူ၍ တံတောင် ဆစ်အထိ ကိုယ်နှင့် ကပ်ကာ အောက်မှ အထက် လက်ကို ကွေးကာ မလိုက်ချလိုက်ပြုစေသည်။ တစ်ဖန် အိတ်ကို နောက်မှထား၍ အိတ်ကို မလိုက်ချလိုက် အကြိမ်များစွာ ပြုသည်။ နည်းပြ ဘကြီးအောင်နှင့် သင်တန်းသား စံ-ဇာဏီဘိုကို ကြည့်ကာ အားလုံးက ပျော်ရွှင်ရယ်မေကြလေသတည်း။

ဗေဒင်သိုင်းကျမ်းကျက်မှတ်ခြင်း

ဆရာကြီးမင်းသိင်္ခ၏ ဗေဒင်သိုင်းကျမ်း သည်ကား လွန်စွာနက်နဲလှ၏။ သိုင်းအတတ်ကို လွန်စွာစိတ်ဝင်စား သည့် P သုံးလုံးခေါင်းဆောင် ဦးလှရွှေမှပင် လွန်စွာချီးကျူး၏။ ပညာရှင် ဆရာကြီး မင်းသိင်္ခ ပြောသမျှကို ပလတ်စတစ် အိတ် အကြည်ပေါ်တွင် ကြိုးစားပမ်းစား ရေးမှတ်သော ကျမ်းကို လေ့လာကာ " တောက် ... ကျွန်တော် ဖတ်ဖူးသမျှ သိုင်းကျမ်းထဲမှာ ဒီပညာက အထူးဆန်းဆုံးပဲ" ဦးလှရွှေက မှတ်ချက်ချသည်။
ဦးလှရွှေ သည်ကား ၁၉၆၂ တွင် နောက်ဆုံး ကျောင်းသားသမဂ္ဂအဖြစ် တာဝန်ယူခဲ့သည်။ ကွန်မြူနစ်ဝါဒကို ကောင်းစွာနားလည်သူဖြစ်သည်။ သမဂ္ဂ ဖြိုဖျက်သည့်နောက်ပိုင်း တောခိုရာမှ ဖမ်းဆီး ခံထောင်ကျကာ ယခုတစ်ဖန် အတွင်းသို့ ပြန်လည်ဝင်ရောက်သူဖြစ်သည်။ လက်ဝဲ၀ါဒပိုင်းတွင် ကျွမ်းကျင် သူဖြစ်သည်။ ၀ါဒေ၇းရာ ဦးဆောင်သူဖြစ်သည်။ ဦးလှရွှေ၏ ထူးခြားသော ၀ါသနာသည်ကား သိုင်းကျမ်းလေ့လာခြင်းဖြစ် သည်။

မက္ခရာဓား၊ သိုင်းကာတွန်းမှသည် သိုင်းလောက၏ စိန်ခေါ်သံ၊ မောင်မျိုးချစ်၊ မောင်မျိုးသစ်၊ ချောကလျာ။ အရှေ့ကျွန်းထိပ်သီး၊ အနောက်ကျွန်း အဆိပ် ဦးလူကျော်၊ မြောက်ကျွန်း သူတောင်းစားကြီး၊ နဂါးနိုင်ဓား၊ ကျမ်းဟူကျင်း စသည့် စသည့် သိုင်းဇာတ်ကောင်အလုံးစုံတို့ကို အလွတ်နီးပါး ပြောနိုင်သူဖြစ် သည်။ ဖတ်ဖူး၊ မှတ်ဖူး၊ ကြားဖူးသော သိုင်းဝတ္ထု မှ သိုင်းကွက်အသီးသီးသည် ဆရာခ၏ သိုင်းဝတ္ထုသည် ၀ူတန်သိုင်းနှင့်လည်း တိုက်ဆိုင် ၏။ ခွန်လွန်ဂိုဏ်းနှင့်လည်း မကွာလှ။ ရှောင်လင်သိုင်းကွက်ကိုလည်း အခြေ ခံကြောင်းဆိုသည်။ သိုင်းကျမ်း ပါ အကွက်များကို လေ့လာသည်။ ဤသိုင်းကျမ်း၏ အကျိုးပေးလားမသိ။ ယခုထက်တိုင် သက်ရှည် ကျန်းမာနေကြောင်းသိရှိရသည်။ " အရှေ့နဂါးစိမ်း၊ အနောက်ကျားဖြူ၊ တောင်မှာ မီးငှက်၊ မြောက်မှာ လိပ်မည်း၊ စုံမ၊ မစုံ၊ ယင်၊ ယန် သစ်သားကို သတ္တုက နိုင်၊ သတ္တုကို မီးက နိုင်၊ မီးကို ရေကနိုင်၊ ရေကိုမြေကနိုင်။ မြေကို သစ်သားကနိုင်၊ သစ်သားက မီးဖြစ်၊ မိးကမြေဖြစ်၊ မြေက သတ္တုထွက်၊ သတ္တုက ရေထွက်၊ ရေက သစ်သားထွက်၊ သစ်သားက မီးထွက်၊ အော်ကြီးဟစ်ကျယ် ကပေါက်တိကပေါက်ချာ စာကျက်နေသော စံ-ဇာဏီဘို အသံကြားသော ဦးရဲထွန်းက " ဟေ့ကောင် ဇာဏီ၊ ဘာတွေ အော်နေတာလဲ "

" ဆရာခ ပေးထားတဲ့ ဗေဒင်သိုင်းကျမ်း ကျက်နေတာ "
" ဟား .. ဟား ... ဟား ... ဟား ... မောင်ခလုပ်တာနဲ့ မင်းရူးလိမ့်မယ် "
ဦးရဲထွန်း သည် ဆရာမင်းသိင်္ခနှင့် အလွန်ရင်းနှီးရာ မောင်ခဟူ၍ ကျီစယ်ခြင်းပြုကာ ရယ်ပွဲဖွဲ့လေတော့ သည်။
" သွားမလုပ် နဲ့ ဦးရဲထွန်း၊ ဒီသိုင်းကျမ်းက တကယ်မိုက်တာ "
ဦးလှရွှေ မှ ဦးရဲထွန်း၊ ဒီသိုင်းကျမ်းက တကယ်မိုက်တာ "
ဦးလှရွှေမှ သိုင်းကျမ်းအပေါ် ထောမနာပြုသည်။

" ကဲ ... ပြောစမ်းပါဦး၊ မင်း စာအုပ်က ဘာတွေလဲ" ဟုမေး၍ အကွက် ၆၄ ကွက်နှင့် အကွက်ပြောင်း များကို ရေးဆွဲဖော်ပြကာ ပြောဆိုလေသော် ဦးရဲထွန်းက " ဟာ ... ဒါတွေက ဒီလို၊ ၁၉၅၀ က အမေရိကမှာ အလွန် ခေတ်စားခဲ့တဲ့ စာအုပ်ထဲက အကွက်တွေပဲ၊ Princeton University က ထုတ်ပြီး ရေးတဲ့သူကတော့ Richard Wihelim (ရစ်ချက် ၀ယ်လ်ဟယ်လင်)ပေါ့။ စာအုပ်နာမည်က I Ching or Book of Changes။ ဒီရီချင်း လို့ ခေါ်တဲ့ အပြောင်းအလဲတွေအကြောင်း တရုတ်ပညာရှိကြီး ကွန်ဖြူးရှပ်က ချီးကျူး ထားတယ်။ မော်စီတုန်း ကလည်း အတော်သဘောကျတယ်ဆိုတာပဲ။ ၁၉၃၄ အောက်တိုဘာလ ၁၆ ရက်မှာ မော်စီတုန်းက Long March ဆိုတဲ့ ခရီးရှည် ကို လျှောက်ခဲ့တာ ဒီရီချင်းကွက်တွေနဲ့ လျှောက်ခဲ့တာ။ မင်းတို့ ဆရာခက တယ်သိပါလား " ဗဟုသုတ အလွန်ကြွယ်လှသော ဦးရဲထွန်းသည် ဆရာကြီးမင်းသိင်္ခကို မောင် ခ အစား မင်းတို့ဆရာခဟူ၍ အစား ထိုးကာ အခေါ်အဝေါ်များ ပြောင်းလာတော့သည်။
ထိုနေ့မှစ ၍ ဆရာခဗေဒင်ကျမ်း ကို လေ့လာကာ ဟိုလှုပ် သည်လှုပ်၊ ဟိုရွှေ့ သည်ရွှေ့နှင့် ယင်ဟု အော် လိုက်ယန် ဟု အော်လိုက်နှင့် ဦးရဲထွန်းပင်လျှင် ဗေဒင်သိုင်းဂိုဏ်းဝင်တစ်ဦးဖြစ်လေတော့သတည်း။

ချမ်းမြေ့မေတ္တာတုံ့ပြန်ပါသည်။

စံ-ဇာဏီဘို
ရယ်စရာ မဂ္ဂဇင်း ဒီဇင်ဘာ ၂ဝ၁၂
.
>>>ဆက်ဖတ်ရန်>>> >>

တင်မောင်မြင့် ဘာသာပြန် မုန်တိုင်းထန်ကမ်းခြေ, အပိုင်း (၁ဝ)

ပီယာဘိုဒီ
စန်ကာလို
(သုံးရက်မြောက်နေ့)

အခန်းထဲ မှာ ပွတ်တိုက်လှုပ်ရှားသံလိုလို ကြားလိုက်သဖြင့် မျက်လုံးဖွင့်ကြည့်လိုက်သည်။ အခန်းထဲ တွင် မီးလုံးတစ်လုံး သာရှိ၏။ အခန်းအလယ်တည့်တည့်တွင် မျက်နှာကြက်မှ တွဲလောင်းဆွဲချထား သည်။ အုပ်ဆောင်း မပါ။ ဘာသံမှဆက်မကြားတော့။ သို့သော် တစ်စုံတစ်ခု ရွေ့လျားနေသလိုလို၊ အသက်ရှူ ခဏရပ် ထားပြီး နားဆက်စွင့်သည်။ ဟော...တစ်ခုခုရွေ့လျားသံ ကြားရပြန်ပြီ၊ အသံလာရာဆီသို့ ကျွန်တော် စိုက်ကြည့်နေ မိ၏။ တွေ့ပြီ၊ ပုံးပေါ်မှာ တွဲလဲခိုလို့၊ မည်းမည်းကြုတ် ကြုတ်အကောင်တစ်ကောင်၊ အရောင် တလက်လက်နှင့်၊ ကျွန်တော့်နှလုံးခုန်သံကို ကျွန်တော် ပြန်ကြားနေရ၏။
ကျွန်တော့် ပါးစပ်ထဲတွင် ချွဲချွဲတဲတဲ ဖြစ်လာ၏။ မြွေတစ်ကောင်များလား၊ ဖြည်းဖြည်းချင်း လက်ထောက်ပြီး ထထိုင် ဖို့ ကြိုးစားသည်။ ကောက်ရိုးမွေ့ရာကအသံမြည်သွား၏။ မည်းကြုတ် ကြုတ်အရာသည် ပုံးထဲ သို့ လျှောဆင်း သွားသည်။

နံရံကို ကျော်မှီပြီး ကျွန်တော်စဉ်းစားဖို့ကြိုးစားသည်။ စားကြွင်းစားကျန်တွေထည့်ထားသည့် ပုံးထဲက သတ္တ၀ါ သည် ဘာကောင်ဖြစ်နိုင်မည်လဲ။ အခန်းထဲတွင်ပစ္စည်းဆို၍ ကျင်ကြီးနှင့် ကျင်ငယ် တွေမသွန်သေးဘဲ ထည့်ထား သည့် ပုံးတစ်လုံး သာ ရှိ၏။ ပုံးတစ်ဝက်လောက် ရှိနေပြီ။
ကျွန်တော့် မျက်လုံးအစုံက သတ္တ၀ါကောင်ဝင်သွားသည့် ပုံးဆီ သို့ ပြန်ရောက် သွား သည်။ ဟော... ဖြည်းဖြည်းချင်းစောင်းသွားပြီး ပုံးလဲကျသွားသည်။ ပြူတစ်ပြူတစ်လုပ်နေရာမှ သတ္တ၀ါ ထွက်လာပြီ။ နံရံကျော ကို တအားကပ်ထားလိုက်၏။
မျက်လုံးနှစ်လုံး ကို အရင်မြင်ရ၏။ ကြွက်တစ်ကောင်ပါလာ်း။ ဆက်လက်မလောက် ရှည်မည်။ တစ်ဖက်သို့ လှည့်ထွက် သွားပြီး လဲကျနေသောပုံးနှင့် ကွယ်သွားသည်။ ရင်ထဲတွင် ရွံ့ရှာမုန်းတီး စိတ်ဖြင့် အော်ဂလီ ဆန်သွား၏။ ကျွန်တော် အရွံ့ဆုံး၊ အမုန်းဆုံး၊ အကြောက်ဆုံးသတ္တ၀ါ။

လက်သီး ကို ကျစ်ကျစ်ပါအောင် ဆုပ်လိုက်သည်။ လက်သည်းတွေ လက်ဖနောင့်ထဲ နစ်ဝင်သွား ၏။ နာကျင်မှုကြောင့် ကြောက်ရွံ့ ထိတ်လန့်ခြင်း အနည်းငယ်သက်သာသွားသည် ထင်၏။ မျက်လုံး ကပုံးဆီမှ မခွာဘဲ တအားကုန်အော်လိုက်သည်။
"ဟေ့...အစောင့်တွေ၊ ရဲဘော်တွေ လာကြစမ်း၊ မြန်မြန်လာကြစမ်း"
ပုံးနောက် တွင် လှုပ်လှုပ်ရှားရှား အရာဝတ္ထုကို တစ်ပိုင်းတစ်စမြင်နေရ၏။ အခန်းထောင့်ဘက်ကို ရွှေ့သွားပြီး အစောင့်တွေ ကို အော်ခေါ်ပြန်သည်။
"ဟေ့ကောင်တွေ၊ ငါခေါ်နေတာ မကြားဘူးလားကွ" ခြေသံတွေကြားရပြီ။ စိတ်ထဲမှာ အကြာကြီး စောင့်နေရ သည် ထင်၏။ သေ့ဖွင့်သံနှင့်အတူ တံခါးပွင့်သွားသည်။ ၀င်လာသည့်အစောင့် က ခွေးပစ် သည့် တုတ်သာသာ ချာတိတ်တစ်ယောက်၊ စက်သေနတ်ကို အသင့်အနေအထားဖြင့် ကိုင်လျက်။ အခန်းထောင့်တွင် ကပ်နေသည့် ကျွန်တော့် ကို ကြည့်ပြီး အံ့သြနေပုံ၊ ကျွန်တော်က ပုံးဆီကို လက်ညှိုးထိုးပြတော့ သူကသေနတ်ဖြင့် ထိုးချိန် လိုက်သည်။

"ကြွက်ကြီး....ကြွက်ကြီး"
ကျွန်တော် အော်ပြောတော့ သူပို၍ အံ့သြသွားဟန်ဖြင့်....
"ဗျာ...ကြွက် ဟုတ်လား"
သတ္တ၀ါ က ပုံးနံဘေးမှ ထွက်လာပြီး ကျွန်တော့်ဆီသို့ တန်းတန်းမတ်မတ် ပြေးချလာသည်။ တစ်ဖက်ကို ကျွန်တော် လှဲချလိုက်၏။ နားရမှန်းလည်း မသိတော့၊ လက်နှစ်ဖက်နှင့် မျက်နှာကို ပိတ်ထားလိုက်သည်။ သို့သော် မကြည့်ဘဲလည်း မနေနိုင်၊ လက်ချောင်းကြားမှ ခိုးကြည့်မိ၏။ ကြွက်သတ္တ၀ါသည် အခန်းထောင့် အပေါက်ထဲ သို့ ပြေးဝင်သွား၏။
တစ်ကိုယ်လုံးပစ်လှဲချလိုက်ခြင်းဖြစ်၍ ပခုံးစွန်းမှ နာကျင်မှုကို ခုမှခံစားရသည်။ အစောင့်ချာတိတ် က ဟက်ဟက် ပက်ပက်အော်ရယ်နေ သည်။ မနည်းကြိုးစားပြီး ကျွန်တော်ကရပ်လိုက်သည်။ လူ တစ်ကိုယ်လုံး ချွေးတွေ စက်စက် နစ်နေပြီ။

ကြေက်ရွံ့ထိတ်လန့်ခြင်းနေရာသို့ ဒေါသစိတ်တို့အစား ၀င်ရောက် လာချေပြီ။ အော်ဟစ် ရယ်နေ သော သူတောင်းစားကလေး ကို ကျွန်တော်အော်ဟစ်ဆဲဆိုပြီး...
"မင်း ပါးစပ်ပိတ်ထားစမ်း"
သူက ကျွန်တော့်ကို ရယ်စရာတစ်ကောင်လို ကြည့်ပြီး....
"ကြွက်ကလေး တစ်ကောင်ကိုများ ခင်ဗျားကြောက်နေတယ်၊ ဟုတ်လား သံအမတ်ကြီး၊ မကြောက်ပါနဲ့ဗျ၊ ခင်ဗျား ဒါလောက်ပိန်တော့ ခင်ဗျားအသားကို စားမှာမဟုတ်ဘူး"
ကျွန်တော့်ပါးစပ် က တစ်စုံတစ်ခု ထွက်မသွားခင် ဖမ်းဘိုနာ ဘွားခနဲပေါ်လာသည်။ အစောင့်ချာတိတ်က သူ့ကို အကြောင်းစုံ ပြောပြနေ၏။ ဖမ်ဘိုနာက အလွန်အမင်းသဘောကျနေ ဟန်ဖြင့် ကျွန်တော့်ကို ဦးညွှတ်ကာ စက်သေနတ် ကမ်းပေးသည်။

"ရော့...ဒီမှာ ကမ္ဘာဖျက်သတ္တ၀ါကြီးကို ခင်ဗျားနှိမ်နင်းဖို့လေ"
သေနတ် ကိုဆွဲယူဖို့ စိတ်ကူးလိုက်သေးသည်။ သူကအကဲခတ်သလို စိုက်ကြည့်နေ၏။ ကျွန်တော် စိတ် ထိန်းလိုက်ပြီး....
"ငါ ဒီကိစ္စကို ကန့်ကွက်ပါတယ်၊ ဒီကိစ္စမင်းတို့ရှင်းပေးပါ၊ ဟိုးဟပ်တွေလဲရှိတယ်"
တစ်ဒါဇင်လောက် ရှိမည့် ပိုးဟပ် အသေကောင်တွေကို လက်ညှိုးထိုးပြလိုက်သည်။ ကျွန်တော် သတ်ထားသည့် အကောင်တွေ။
"သံရုံးစတိုခန်းထဲ မှာ ပိုးသတ်ဆေးရှိတယ်၊ မင်းတို့ယူပြီး ရောင်းမစားရင်ပေါ့ကွာ"
သူကခေါင်းကို၊ ဟန်ပါပါယမ်းပြီး...
"လုံးဝ မဖြစ်နိုင်ပါဘူး၊ အမိန့်ဟာ အမိန့်ပဲ၊ ခင်ဗျားနေရေးထိုင်ရေးကို ကျူးဘားဆရာကလွဲပြီး ဘယ်သူမှ လုပ် မပေးနိုင်ဘူး"
"ဒါဆို ငါသူ့ကို အခုချက်ချင်း တွေ့ချင်တယ်"

သူက ပခုံးတွန့်ပြီး...
"သူက ဒီမှာမရှိဘူးလေ"
"ဘယ်တော့လာမှာလဲ"
"ဘယ်သိမလဲဗျ၊ ဘယ်သူက သောက်ဂရုစိုက်ပြီး သူလာမယ့်အချိန်ကို လိုက်မှတ်နေနိုင်မလဲ၊ သူလာချင်တဲ့ အချိန်လာမှာပေါ့" "ဒါဆို သူ့ဆီသတင်းပို့ပေး" သူက ကျွန်တော့်ကို မလိုတမာကြည့်ပြီး....
"ဒီမယ်...ယန်းကီး၊ ကျုပ်က ခင်ဗျားရဲ့မင်းစေမဟုတ်ဘူး" စိတ်ကိုအနိုင်နိုင်ထိန်းပြီး အစားအသောက်ပုံးကို လက်ညှိုးထိုးပြ လိုက်သည်။ "ပိုးသတ်ဆေးဖြန်းပေးပါ"
သူကရယ်ပြီး အစောင့်ချာတိတ်ကို လှမ်းပြောသည်။

"သူကရောဂါရမှာ ကို ကြောက်နေတာကွ၊ ကြွက်ကလေးကလဲ သူ့ဆီက ရောဂါရမှာ ကြောက်နေမှာ ပေါ့နော်"
သူတို့နှစ်ယောက် တဟားဟားအော်ရယ်ပြီး ထွက်သွားကြသည်။ အခန်းသော့ ဆောင့်ပိတ်သံ ကြားလိုက်ရ၏။ အခန်းထဲ တွင် တစ်ယောက်တည်း ကျန်ရစ်၏။ နာကျင်စရာ ကောင်းလွန်းသည့် အထီးကျန်ဘ၀မျိုး၊ ဖမ်ဘိုနာ လို ကောင်နှင့်ဆက်စကားပြောနေရသည်ကမှ ခံသာဦးမည်။ အပြင်ရုံးခန်းတွင် သူတို့ထိုင်နေကြမည်လား၊ နားစွင့်ကြည့် သည်။ မထိုင်ဘဲ ဆက်လျှောက်သွား သည့် ခြေသံများကြားနေရ၏။ အခန်းထောင့်မှ အပေါက်ဆီ သို့ အလန့်တကြား လှမ်ူးကြည့်လိုက် သည်။ မျက်လုံးနှစ်လုံးက ကျွန်တော့် ကို စောင့်ကြည့်နေ သလိုလို၊ သေသေချာချာကြည့်တော့ မဟုတ်ပါ။ စိတ်ကထင်နေခြင်းဖြစ်ပါ၏။ ကြမ်းပြင် ကို သေသေချာချာလျှောက်ကြည့်သည်။ နောက်ထပ် အပေါက်သေးသေး နှစ်ပေါက်တွေ့သည်။ ဘာနှင့်ပိတ်ရ ပါမည်လဲ။
ပစ္စည်းရဖို့ စဉ်းစားရပြန်၏။ ခါးမှ ဘာင်းဘီတိုက လွဲ၍ဘာမျှမရှိ။ အရှက်နှင့်သိက္ခာကို နောက်ဆုံး အကာ အကွယ်ပေးထားသည့် ပစ္စည်း။ ကောက်ရိုးမွေ့ရာကို သွားသတိရသည်။

ထိုင်ချလိုက်ပြီး ဆွဲဖြဲသည်။ လက်မောင်းရိုးက ခုမှအောင့်လာသည်။ ဘယ်လိုပဲ အိပ်ရအိပ်ရ အကြောင်း မဟုတ်တော့။ သည်အပေါက်တွေကို မပိတ်ဘဲလည်း ဘယ်လိုမှ အိပ်လို့ရတော့မည် မဟုတ်။ ကောက်ရိုးတွေ ဆွဲထုတ်ပြီး အလုံးဖြစ်အောင် ကျစ်သည်။ အပေါက်နှင့်မတော်ဘဲ ကြီးနေ သဖြင့်ပြန်လုပ်ရပြန်၏။ နာရီ ၀က်လောက် အကြိမ်ကြိမ်ပြန်လုပ်မှ ပေါက်တွေပိတ်လို့ရသွားသည်။ တစ်ကိုယ်လုံးလည်းချွေးတွေ စက်စက် နစ်နေပြီ။ သို့သော်စိတ်ထဲပေါ့သွားသလို ခံစားရ၏။
နံဘေးတွင် ကျနေသည့်ကောက်ရိုးမျှင်တွေကို ခြေထောက်နှင့် ကန်ထုတ်ပစ်ပြီး ထိုင်ချလိုက်သည်။ နာနေသည့်ပခုံး ကို လက်နှင့်ဆုပ်ရင်း စဉ်းစားသည်။ သည်ကောက်ရိုးကဆို့တွေကို ကြွက်က ဖောက်ထွက်မည် မှာ သေချာသည်။ ဘယ်နှစ်ရက်လောက်များ ခံရမှာပါလိမ့်။ တစ်ရက်လား၊ တစ်ပတ်လား၊ တစ်နာရီလား၊ ကယ်လ်ဒီရွှန် ဘယ်တော့ ဘာမှာပါလိမ့်။

ဂျော်ဂျီ
စန်ကာလို
(လေးရက်မြောက်နေ့)

ရိက္ခာကားထဲမှ ကျွန်တော် ထွက်လိုက်သည်။ ဖမ်ဘိုနာနှင့် အစောင့်ရောက်လာပြီး ပီယာဘိုဒီ အကြောင်း ပြောပြကြသည်။ ဖမ်ဘိုနာ၏ မျက်လုံးများမှာ ပျော်ရွှင်မှုဖြင့် အရောင်တောက်နေကြ၏။
"သူတအား ကြောက်နေတာဗျ၊ မီးပိတ်ပြီး ကြွက်အကောင်ကြီးကြီး တစ်ဒါဇင်လောက် သူ့အခန်းထဲ လွှတ်ပေးလိုက် ရမယ်၊ ချက်ချင်း ကိစ္စချောမှာ"
ကျွန်တော့် အတွက် စိတ်ဝင်စားဖို့ကောင်းသည့် တိုးတက်မှု ဖြစ်ပါ၏။ သေသေချာချာ စဉ်းစား ရမည်။ နောက် တစ်ဆင့် တက်ဖို့ အတွက် သိပ်အရေးကြီးသည့်အချက် ဖြစ်၏။
ဖမ်ဘိုနာ ကို လုပ်ရမည့်ကိစ္စတွေ ကျွန်တော် အမိန့်ပေးလိုက်သည်။ သူက ကျွန်တော့်ကို နားမလည် သလို ကြည့်ပြီး မကျေမချမ်း ပုံစံဖြင့် မြေကြီးပေါ်သို့ တံတွေးထွေးချလိုက်သည်။
"ခင်ဗျား သက်သက်မဲ့ အချိန်ဖြုန်းနေတာပဲ၊ ကျုပ်တစ်နာရီတည်း စစ်ပြမယ်"
"ပြောတဲ့ အတိုင်းလုပ်လေ၊ မောင်ရင့် အထက်က အမိန့်ကို မမေ့နဲ့"
သူခဏ ချီတုံချတုံ လုပ်နေသေးသည်။ သည်တစ်ယောက်ကလည်း မလွယ်၊ သူလည်း လှောင်အိမ်ထဲက သားရဲ တစ်ကောင်ပဲ၊ သူ့မျက်လုံးတွေကို ကျွန်တော် စိုက်ကြည့်လိုက်သည်။ အတန်ကြာမှ မျက်လွှာချပြီး လှည့်ထွက် သွားသည်။

သံရုံးဝင်းထဲကို ကျွန်တော် ဝေ့ကြည့်လိုက်သည်။ တော်လှန်ရေးလူငယ်တွေ သွေးအေးစပြုလာပြီ၊ သရုံးဝန်ထမ်း အိမ်ရာများ၏ ပတ်ပတ်လည်မှ ၀င်းထရံ အုတ်ရိုးများကို ကျောမှီပြီး အေးအေးလူလူ အပြင်းထူနေသူတွေက တစ်ဖွဲ့၊ သေနတ်တွေ ခြေရင်းမှာ ချပြီး ဆေးလိပ်ကိုယ်စီခဲရင်း မှိန်းလျက် က တစ်ချို့၊ ဂိတ်မှတာဝန်ကျ လုံခြုံရေးတပ်ဖွဲ့ က ဖဲထိုင်ရိုက်နေကြ၏။ ဖမ်ဘိုနာ က သူ့ကိုယ်သူ ယုံကြည်မှုများလွန်းသည်။ ဘာမျူဒက်ဇ် ကို ပြောထားရဦးမည်။
လုံခြုံရေး ရုံးခန်းဆီ သို့ ခပ်ဖြည်းဖြည်း ဆက်လျှောက်သွားသည်။ သုံ့ပန်းတချို့ ၀င်းထဲတွင် လမ်းလျှောက်ဖို့ ထွက် လာကြသည်။ အသေခံလူငယ်ရဲဘော်များ ခြံရံလျက် အမျိုးသမီးကြီးတစ်ဦး က ကျွန်တော့်ကို ရွံရှာ စက်ဆုပ် သည့် မျက်လုံးများဖြင့် လှမ်းကြည့်သည်။ မမြင်ချင်ယောင်ဆောင်ပြီး ကျွန်တော် ဆက်လျှောက် သွားသည်။
အခန်းတံခါး ကို မပိတ်ဘဲ စားပွဲတွင် ထိုင်ပြီး ဒီနေ့ ဆင်နွှဲရမည့် တိုက်ပွဲအကြောင်း တွေးနေသည်။ ငါးမိနစ်ကြာတော့ ရဲဘော် သုံးယောက် ရောက်လာသည်။ ရေပုံးတွေ၊ တံမြက်စည်းတွေ၊ ဂေါ်ပြား တွေကို ကိုင် လျက် သူ တို့ကို ကြည့်ရသည်မှာ ပျော်ရွှင်နေကြပုံ။ ကျွန်တော် ထပြီး အတွင်းတံခါး ဖွင့်ပေးလိုက်သည်။

စက္ကန့်ပိုင်း အတွင်း ကျွန်တော့် တစ်ကိုယ်လုံး မစင်တွေ သေးတွေဖြင့် အပက်ခံလိုက်ရသည်။ ကျွန်တော် နှင့်   နှစ်မီတာ အကွာတွင် ပီယာဘိုဒီက အညစ်အကြေးပုံ ကိုင်လျက် ရပ်နေသည်။ ပုံးထဲ တွင် ဘာမှ မကျန်တော့။ သူ့မျက်နှာ တွင် အောင်နိုင်ခြင်းနှင့် မုန်းတီးခြင်း ရောထွေးနေ၏။
လျှပ်တစ်ပြက်လောက် ကာလ အတွင်း ကျွန်တော် သူ့ကို သတ်ဖို့ အဆင်သင့် ဖြစ်သွားသည်။ သို့သော် ချက်ချင်း သတိပြန် ၀င်လာသည်။ ရှပ်အင်္ကျီလက်ဖြင့် မျက်နှာကို သုတ်လိုက်ပြီး ...
"ကြွက် ကိစ္စ သူတို့ ကျွန်တော့်ကို ပြောပြတယ်၊ တွင်းတွေထဲကို ကြွက်သတ်ဆေး ထည့်ပေးမယ်၊ ပြီးရင် ဘိလပ်မြေ နဲ့ ပိတ်ပေးမယ်"
ကျွန်တော် က တံခါးပေါက်ကို လက်ညှိုးထိုးပြီး ...
"အဲဒီ လွတ်နေတဲ့ နေရာကိုလဲ သစ်သားနဲ့ ထပ်ရိုက်ပေးလိမ့်မယ်၊ ပြီးတော့ တစ်ခန်းလုံးကို ပိုးသတ်ဆေး ဖျန်း ခိုင်းထားတယ်"
စုတ်နေသည့် မွေ့ရာကို ကျွန်တော် ငုံ့ကြည့်ပြီး ...
"မွေ့ရာ ကို အသစ်လဲပေးပါလိမ့်မယ်" သူ့ကို အကဲခတ်လိုက်သည်။ အမူအရာ လုံးဝ မပြောင်းပါ။

"တံခါးလာဖွင့်တဲ့လူ ဟာ ဖမ်ဘိုနာဆိုရင် ခင်ဗျား ခုချိန် သေနေလောက်ပြီ"
သူက ပုံး ကို အခန်းထောင့်သို့ လွှင့်ပစ်လိုက်ပြီး ...
"ငါ ရာဇ၀တ်သား မဟုတ်ဘူး၊ မင်းတို့ တရားခံ မဟုတ်ဘူး၊ အဲဒါ မင်းတို့ မေ့နေကြသလား"
"ကျွန်တော် မမေ့ပါဘူး၊ ဖမ်ဘိုနာ မေ့နေတာ ဖြစ်ချင်ဖြစ်မယ်၊ ကျွန်တော် ပြန်လာခဲ့မယ်"
ကျွန်တော် လှည့်ထွက်လာခဲ့သည်။ ရဲဘော်တွေက ရယ်ချင်စိတ်ကို မနည်းထိန်းချုပ်ထားရဟန် တူ၏။ ကျွန်တော် က ခပ်တည်တည်နှင့် လုပ်စရာတွေကို အမိန့်ပေလိးုက်သည်။
ဘယ်သူမှ မရယ်ရဲကြ။

လူနေအိမ် များဘက်သို့ ကျွန်တော် ထွက်လာခဲ့၏။ အမျိုးသမီး သုံ့ပန်းတွေ လမ်းလျှောက်နေကြဆဲ။ သူတို့နှင့် အတူ နံဘေးမှ လိုက်လျှောက်နေသည့် စနက်တံကိုင် အသေခံကျောင်းသူ ရဲမေတွေ။ တကယ် သူတို့ အသေခံကြပါမည် လားဟု ကျွန်တော် တွေးနေသည်။
သူတို့ တစ်တွေ ကျွန်တော့်ကို အထူးအဆန်းသဖွယ် ၀ိုင်းကြည့်နေကြ၏။ ကျွန်တော့် ဒေါသစိတ်တွေ အုံကြွ လာပြန်သည်။ ကျွန်တော့် ကို သူမစင်နှင့် ပက်သည်။ သူ့ကိုယ်ပိုင်မစင်၊ သည့်ထက် အစော်ကားခံရခြင်းမျိုးသည် ကမ္ဘာ တွင် ရှိအံ့မထင်။ မျက်နှာနှင့် နှာခေါင်းပေါ်မှ မစင်တို့၏ အနံ့ သည် ဦးနှောက် ထဲတိုင် ရောက်သွားသည်ဟု ထင်ရ၏။ သည့်အတွက် သည်လူကြီးကို လက်စား ခြေရမည်။ လက်စားချေခြင်း၊ ဒေါသဖြစ်ရခြင်းထက် အဓိပ္ပာယ် ရှိ သည်၊ တာရှည်သည် ၀န်ထမ်း အိမ်ရာ အပေါက်ဝတွင် အစောင့်တစ်ယောက် ချထားသည်။ ကျွန်တော့် ကို မြင်တော့ နှာခေါင်းရှုံ့ နောက်ဆုတ်သွားသည်။

ငါ့ကို သံအမတ်ကြီးအိမ် လိုက်ပို့စမ်း"
သူ့နောက် ကို ကျွန်တော် လိုက်သွားသည်။ ဧည့်ခန်းကြီးမှာ ရှင်းသန့်တောက်ပြောင်နေဆဲ။ ဘာမျူဒက်ဇ်က သူ့လူတွေ ကို ရှာခွင့်သာပေးပြီး ပစ္စည်းများ မပျောက်မပျက် ထိန်းရသည်ဟု အမိန့် ပေးထားသည်။
အိမ်ကြီး ကို အသေးစိတ် အကဲခတ်ချိန်မရ၊ အမြန်ဆုံး ရေချိုးပစ်ဖို့က အရေးကြီးသည်။
"ရေချိုးခန်း ဘယ်မှာလဲ"
"အိပ်ခန်း နဲ့ တစ်ဆက်တည်းပဲ ခင်ဗျ"
သူ အိပ်ခန်းကို လက်ညှိုးထိုးပြပြီး ပြောသည်။
"မင်း လိုက်ခဲ့"
ရေချိုးခန်း က ဟိုတယ် ရေချိုးခန်းပုံစံအတိုင်း ဖြစ်သည်။ သို့သော် ပိုကျယ်သည်။ နံရံလေးဘက် စလုံးနှင့် အခင်း မှာ ကြွေပြားတလက်လက် တောက်ပလျက်။ ဂျင်းဘောင်းဘီနှင့် ရှပ်အင်္ကျီကို ချွတ်ပြီး ရဲဘော်ကို လှမ်းပေးလိုက်သည်။ သူက ရှုံ့မဲ့ပြီး အ၀တ်နှစ်ထည်ကို လက်ညှိုးနှင့် လက်မကြားတွင် ညှပ်ပြီး လှမ်းယူသည်။

"အဲဒါတွေ လျှော်ပြီး လှန်းထားလိုက်၊ ပြီး ... ငါဝတ်ဖို့ အ၀တ်တစ်စုံ ရှာခဲ့"
သူ ခပ်သုတ်သုတ် ထွက်သွားသည်။ ကျွန်တော် ရေချိုး ကန် ခလုတ်ကို အပြေးအလွှား ဖွင့်လိုက်၏။ ဘုရားမခြင်း ရေ က ရေနွေး။ ရေနွေးခလုတ် ကို သူတို့ မပိတ်တတ် သည်အတိုင်းထားခြင်း ဖြစ်မည်။
ရေနွေးပူပူနှင့် စိမ်ရသဖြင့် စိတ်ထဲ ပိုသန့်သွားသည် ထင်ရ၏။ ရေမွှေးပုလင်းပေါင်းများစွာနှင့် ဆပ်ပြာ မျိုးစုံ သေသေသပ်သပ် တန်းစီးထားသည်။ ရှမ်ပူဖြင့် သုံးကြိမ်ခေါင်းလျှော်ပစ်လိုက်သည်။ ကိုယ်ကို ဆပ်ပြာအကြိမ်ကြိမ် တိုက်ပြီး ရေစိမ် ချိုးသည်။ ရေကို အကြိမ်ကြိမ် လဲသည်။ လန်းဆန်း ရှင်းသန့်သွား၏။
ရေချိုးကန်နံဘေး တွင် သူ့နာမည်ထိုးထားသည့် ဘီးတစ်ချောင်း။ ငွေလက်ကိုင်နှင့် ခေါင်းဖြီးရသည် ကိုက ပို၍ အရသာရှိနေ၏။ ဘာပစ္စည်းမှ မယူရ ဟူသည့် ဘာမျူဒက်ဇ်၏ အမိန့်ကြောင့်သာ သူ့အိမ်ထဲက ပစ္စည်းတွေ သည် အတိုင်း ရှိနေခြင်း ဖြစ်မည်။ မျက်နှာသုတ်ပ၀ါ တစ်ထည်ဖြင့် ကိုယ်ကိုပတ်ပြီး အိပ်ခန်းဆီသို့ ကူးခဲ့သည်။ အိပ်ခန်း က ဘာမှ ထူးထူးခြားခြား မရှိ။

ဧရာမ ခုတင်ကြီးအောက်တွင် အိစက်ညက်ညောသည့် အပြာရောင်ကော်ဇောကြီး ခန်းလုံးပြည့် ခင်းထား ၏။ ပရိဘောဂတွေ က နို့နှစ်ရောင် ခေတ်မီပစ္စည်းတွေ။ သို့သော် အိပ်ခန်းပိုင်ရှင်သည် သူ့အခန်းကို သိပ်သံယောဇဉ် ရှိပုံ မရ။
အိပ်ခန်းကို ကြည့်ပြီး အိပ်ခန်းပိုင်ရှင်ကို အကဲခတ်လို့ ရနိုင်ပါသည်။ အလွန် အသန့်အရှင်း ကြိုက်ပြီး သံယောဇဉ် အနှောင်အဖွဲ့ကင်းသူ ဖြစ်ရမည်။ ဓာတ်ပုံဆို၍ တစ်ပုံ မှ မရှိ။ အမြတ်တနိုး ထားရှိသည့် ပစ္စည်းဟူ၍ တစ်ခုတလေမှ မရှိ။ အိပ်စရာနေရာ တစ်ခုမျှသာ။
အစောင့်ရဲဘော် ပြန်လာသည်။ ယူလာသည့် ဂျင်းဘောင်းဘီက သစ်သစ်လွင်လွင် ရှိသော်လည်း တီရှပ်က ညစ်ပတ်ပေရေနေ ၏။ ဘောင်းဘီကောက်ဝတ်ပြီး တီရှပ်ကို ပြန်ပစ်ပေးလိုက်သည်။ အ၀တ်ဗီရိုကို ဖွင့်လိုက်သည်။ ရှပ်အင်္ကျီနှစ်ထည် တွေ့သည်။ တစ်ထည်က အဖြူတစ်ထည်၊ တစ်ထည်က အပြာ။
အပြာရောင် ရှပ်တစ်ထည် ယူဝတ်လိုက်သည်။ ကျွန်တ်ေနှင့် အံကိုက် ဖြစ်နေ၏။ လက်ကိုခေါက်ပြီး မှန် ကြည့်လိုက်သည်။ ဂျင်းဘောင်းဘီနှင့် အင်္ကျီပြာမှာ လိုက်ဖက်လှသည်။ အတော် ကြည့်ပျော် ရှုပျော် ဖြစ် သွားသည်။ ဆံပင်ကို အသာ သပ်လိုက်သည်။ အစောင့်ကို တစ်ချက် စွေကြည့်လိုက် တော့ သူ ပြုံးနေသည် ကို တွေ့ရ၏။

"ဟေ့ ... ငါ ဒီမှာ အိပ်မယ် ကြားလား"
"ဟုတ်ကဲ့ ... ခင်ဗျ၊ ကျွန်တော်တို့ရဲ့ အထက်အမိန့်က ..."
"အဲဒါ မင်းတို့ကို ပေးတဲ့အမိန့်၊ ငါမပါဘူး၊ င့ါအ၀တ်တွေ ခြောက်ရင် ဒီအခန်းထဲမှာ လာထည့်ထား"
အိမ်ထဲမှ ကျွန်တော် ထွက်လာတော့ မျက်နှာမသာမယာနှင့် သူ ကျန်ခဲ့သည်။

x x x

လုံခြုံရေးရုံးခန်းထဲတွင် ပီယာဘိုဒီနှင့် ကျွန်တော် မျက်နှာချင်းဆိုင် ထိုင်နေကြ၏။ အတန်ကြာမှ ကျွန်တော် ၀တ်ထား သည့် ရှပ်အင်္ကျီကို သူ သတိထားမိပုံ ရသည်။ ကျွန်တော် စကားစ လိုက်သည်။
"တိုင်းချုပ်ထား တဲ့ အတိုင်းပဲဗျာ၊ ခင်ဗျားရဲ့ အပ်ချုပ်ဆရာကို ကျေးဇူးတင်လိုက်တာ"
သူ ဘာမှမပြော။ မျက်နှာတွင် မည်သည့်ခံစားမှုမှ မရ။ သူ့အခန်းကို ကျွန်တော်ကြည့်တော့ သန့်ရှင်း ရေး လုပ် ထားပြီးပြီ။ ကြွက်တွင်းများကို ဘိလပ်မြေ မဆလာနှင့် ပိတ်ပြီးပြီ။ နံရံတွေကိုတောင် ထုံးသုတ်ထားပြီးပြီ။
ကျွန်တော် သူ့ကို မော့ကြည့်လိုက်သည်။ သူက ထီမထင်သည့် အပြုံးမျိုးဖြင့် ကျွန်တော့်ကို ကြည့်နေပြီး ...
"ငါက နှိပ်စက်တဲ့နည်းကို မင်း မသုံးဘူး ထင်နေတာ"

"မသုံးပါဘူး၊ ဘယ်တုန်းကမှလဲ မသုံးခဲ့ဖူးဘူး၊ တ်စခါတုန်းက တရုတ်တစ်ယောက်က ပြောတာ သွားသတိ ရမိတယ်၊ တစ်ခါ စော်ကားခံရရင် စော်ကားတဲ့သူရဲ့ အပြစ်၊ နှစ်ခါ စော်ကားခံရရင် စော်ကားခံရသူရဲ့ အပြစ်တဲ့"
သူက ကျွန်တော့် အခန်းဘက်သို့ လက်ဝှေ့ပြပြီး ...
"ဘာကို နားလည်တာလဲ"
"ဒဏ်ရာမပေါ်အောင် စစ်မယ်ပေါ့၊ မရဘူး ... စိတ်ချ၊ မင်းကိုယ်မင်း သိပ်တော်တယ် ထင်နေတယ်၊ ခွကျတာပဲ၊ ငါကလဲ ငတုံးမဟုတ်ဘူး၊ မင်းရင်ထဲမှာ ဘာရှိတယ်ဆိုတာ ငါအတိုငးသား မြင်နေရ တယ်"
"ဟုတ်လား"
"ပထမ ငါပျော့လာအောင် မင်း မာပြတယ်၊ ပြီးတော့ ချိုသာပြတယ်၊ လိုက်လျောပြတယ်၊ ဒီလိုပဲ ချော့လိုက်ခြောက်လိုက် မင်းလုပ်မယ်၊ ဒါ မင်းတို့ရဲက အတတ်ပညာပဲ၊ ငါ့အခန်းထဲမှာ ကြွက်တွေ တပ်ဖွဲ့ပြီး ရောက်နေရင်လဲ မင်းသောက်ဂရုစိုက်မှာ မဟုတ်ဘူး၊ ကြမ်းပိုးတွေ သေအောင်ကိုက်လဲ မင်း လှည့်ကြည့် မှာ မဟုတ်ဘူး၊ ခု မင်းလုပ်နေတဲ့ပုံက ငါ့ဆီက တစ်ခုခုများ ရမလားဆိုပြီး သူတော်ကောင်းဂိုက် ဖမ်းပြနေတာ မဟုတ်လား"

"ခင်ဗျား ပြောတာ လုံးဝ မဟုတ်ဘူး"
"လုံးဝ ဟုတ်ပါတယ်"
ဤတွင် မမျှော်လင့်ဘဲ သူ့ကို ကျွန်တော့်ဘ၀အကြောင်း ပြောပြနေမိ၏။
"ကျွန်တော် ငယ်ငယ်က ကျူးဘားမှာ ကြံခုတ်ရတယ်၊ ကြံခုတ်ချိန်ဆိုရင် ကျောင်းသားအားလုံး ကြံခုတ်ရတာ ချည်းပဲ၊ ကျွန်တော် ကြံသမား မိသားစုတစ်စုအိမ်မှာ ခဏနေရတယ်၊ သူတို့အိမ်မှာ လူတိုင်း အလုပ်လုပ်ကြရတယ်၊ အသက်ကိုးဆယ်ကျော် အဘိုးကြီးအို တစ်ယောက်သာ ကွင်းထဲ မဆင်းနိုင်တာ၊ ဟိုဘက်ရွာက အလှူပွဲတစ်ခုကို မိသားစုတစ်စုလုံး သွားကြတဲ့ တစ်နေ့မှာ အဘိုးအို နဲ့ ကျွန်တော် နဲ့ နှစ်ယောက်တည်း ကျန်ခဲ့တယ်၊ အလုပ်ကြမ်း လုပ်နေမကျတော့ ညနေစောင်းတာနဲ့ ခြေကုန်လက်ပန်းကျပြီး မလှုပ်ချင်မရှား ချင်တော့ဘူး၊ ညကျတော့ အပေါ့သွားဖို့ ကျွန်တော်တဲ အပြင်ကို ထွက်တယ်၊ ၀ရန်တာမှာ အုန်းဆံမွေ့ရာ နဲ့ အိပ်တဲ့ အဘိုးကြီး သေနေတာကို တွေ့ရ တယ်။

 ကြွက်တစ်ဒါဇင်လောက် သူ့ကို ကိုက်ဖဲ့ စားသောက်နေကြတယ်၊ တုတ်တစ်ချောင်းနဲ့ အတင်းလိုက်ရိုက်မှ သူတို့ ထွက်ပြေးကြတယ်၊ အဲဒီညကစပြီး ကြွက်ကို ရွံကြောက် ကြောက်ခဲ့တယ်၊ အဲဒီညအကြောင်းကို ခဏခဏ အိပ်မက်ဆိုးတွေ ပြန်မက်တယ်၊ ကျွန်တော့်ကို ကြွက်ရှိတဲ့အခန်း တစ်ခန်းမှာ ထည့်ပြီးတော့ သော့ခတ် ထားမယ်ဆိုရင် အကောင်းဆုံး နှိပ်စက်နည်း ပဲ"
"အဲဒီတော့ ခင်ဗျား ကို အဲဒီနည်းနဲ့ ကျွန်တော် ဘယ်တော့မှ မနှိပ်စက်ဘူး၊ စိတ်ချ၊ ကျွန်တော် သူတို့ ကို ခိုင်းမှာက ဒဏ်ရာ မပေါ်အောင် နှိပ်စက်တဲ့ နည်းလဲ မဟုတ်ဘူး"
သူ့မျက်နှာ ကို ကျွန်တော် အကဲခတ်လိုက်သည်။ ကျွန်တော် ပြောတာတွေ သူယုံရဲ့လား၊ သူယုံဖို့ အလွန် အရေးကြီးပါသည်။ သို့သော် ဘာမှ အကဲခတ်လို့မရ။
"ဒါဖြင့် မင်းတို့က ဘာနည်းသုံးမှာလဲ"
"ဘာနည်းရယ်လို့ တိတိကျကျ မရှိပါဘူး၊ ကျွန်တော်က ဆွေးနွေးတယ်၊ စည်းရုံးတယ်၊ မျှတအောင် လုပ်တယ်၊ အမြင်ကြည်လင်လာအောင် လုပ်တယ်" သူ ချက်ချင်း တုံ့ပြန်သည်။

"သြော် ... မင်းက ငါ့ကို အမြင် ကြည်လင်လာအောင် လုပ်မယ်ပေါ့"
ကျွန်တော် ဖိုင်တွဲကို ဖွင့်ပြီး လိုချင်သည့် စာမျက်နှာကို ရှာသည်။ တွေ့သည်နှင့် ဖတ်သည်။
"ကျွန်တော်သည် တိုင်းပြည်၏ အင်အားအတောင့်ဆုံး၊ အလျင်မြန်ဆုံး ကမ်းတက် တပ်မဟာတွင် သုံးဆယ်သုံးနှစ်နှင့်လေးလ အမှုထမ်းခဲ့ပြီး ဖြစ်ပါသည်။ ကာလတစ်လျှောက်လုံး ကျွန်တော် အခွန် အများဆုံး ရှာပေးခဲ့ရသည့် ကဏ္ဍမှာ စီးပွားရေးကဏ္ဍ ဖြစ်ပါသည်။ ဝေါစထိနှင့် ဘဏ်လုပ်ငန်းရှင် ကြီးများ အကြား တွင် အောင်သွယ်တော် လုပ်ပေးခဲ့ရသည့် ကိစ္စမျိုးများ ဖြစ်သည်။ စင်စစ် ကျွန်တော့်ကို အရင်းရှင်လောက မှောင်ခိုသမား တစ်ယောက်ဟု ခေါ်ဆိုနိုင်လိမ့်မည်။ ၁၉၁၄ခုနှစ် တွင် အမေရိကန် အတွက် ရေနံရဖို့ မက္ကဆီကိုနိုင်ငံတွင် သွားရောက်ညှိနှိုင်းပေးခဲ့သည်။ 

ကျူးဘား နှင့် ဟေတီနိုင်ငံတို့တွင် ဘရောင်း ဘရားသား၏ အပြည်ပြည်ဆိုင်ရာဘဏ် ဖွင့်နိုင်ဖို့ ကျွန်တော် ၁၉၀၈ခုနှစ်မှ ၁၉၁၂ခုနှစ်အထိ လုပ်ပေးခဲ့ရသည်။ ၁၉၁၆ခုနှစ်တွင် ဒိုမီနီကန် သကြားလုပ်ငန်း တိုးချဲ့ရေးအတွက် အမေရိကန် ပါဝင်နိုင်ရန် ကျွန်တော် ညှိပေးခဲ့သ်ည"
ကျွန်တော် က သူ့ကို မော်ကြည့်ပြီး ...
"သံအမတ်ကြီး ခင်ဗျား၊ အဲဒါ ဘယ်သူ့စာသားတွေလဲ ဆိုတာ သိပါသလား"
"သိတာပေါ့ကွ၊ ဗိုလ်ချုပ် စမက်ဒ်လေ၊ ဒီဘတ္တလာပေါ့"
"ပြီးတော့"
"ပြီးတော့ ဘာဖြစ်သလဲ"
"ဘာများ ဝေဖန်ချက် ပေးချင်သလဲလို့ပါ"
သူက စိတ်ပျက်လက်ပျက်ဟန်ဖြင့် ပခုံးတွန့်လိုက်ပြီး ...
သူရတဲ့ ပင်စင်လစာလေးနဲ့ဆိုရင် သူ ပျော်မယ်မထင်ဘူး"
ဒေါသစိတ်ကို မျိုသိပ်လိုက်ရပြန်၏။

"ဒါကို ခင်ဗျားတို့က စီးပွားရေး နယ်ချဲ့မှုလို့ မမြင်ဘူးလား"
"မမြင်ပါဘူး၊ တို့တိုင်းပြည်က အရင်းရှင်နိုင်ငံပဲ၊ အရင်းရှင်ဝါဒ ရှင်သန်အောင် လုပ်မှာပဲ၊ တို့နိုင်ငံ ရဲ့ နိုင်ငံခြားရေးဝါဒကိုက အပြည်ပြည်ဆိုင်ရာ စီးပွား ကုန်သွယ်ရေး လုပ်ငန်းရှင်ကြီးတွေကို ကူညီ ပံ့ပိုးဖို့ပဲ၊ အဲ ... အတိတ်တုန်းက လွန်ကဲသွားတာတွေ ရှိတယ်၊ ဒါက သမိုင်းပဲ၊ ကျန်ခဲ့ပြီ၊ လွန်ခဲ့တဲ့ ဆယ်နှစ်အတွင်းမှာ အရင်းရှင်စနစ်ဟာ ပိုပြီး ထွန်းတောက်လာခဲ့တယ်"
သူက ရှေ့ကို တိုးလာပြီး ...
"အဲဒီ ဆယ်စုနှစ်မှာပဲ ကွန်မြူနစ် ၀ါဒဟာ ယိမ်းယိုင် ပြိုကျခဲ့တယ်"
ကျွန်တော် ဘာမှ မတုံ့ပြန်ဘဲ ဖိုင်တွဲကို ဆက်လှန်ပြီး ဖတ်သည်။
"ကြယ်များနှင့် အစင်းများသည် အကွာအဝေးတူ တစ်နေရာတည်းတွင် ပြည်နယ်များအဖြစ် ရပ်တည်မည့် အချိန် သည် မဝေးတော့ပေ။ တစ်နေရာက မြောက်ဝင်ရိုးစွန်း၊ တစ်နေရာက ပနားမား တူးမြောင်း၊ နောက်ဆုံး တစ်နေရာက တောင်ဝင်ရိုးစွန်း၊ တောင်အမေရိကတိုက် တစ်တိုက်လုံးသည် ကြီးမားမြင့်မြတ်သည်။ ကျွန်ုပ်တို့ ၏ ပြည်နယ်များ ဖြစ်လာရမည်။ စိတ်ဓာတ်ရေးရာအရမူ သူတို့သည် ကျွန်တော်တို့ လူများ ဖြစ်နေချေပြီ"
သူ့ကို မော့ကြည့်ပြီး ကျွန်တော် ဆက်ပြောသည်။

"ဒီစကားလုံးတွေဟာ သာမန်လူတစ်ယောက် ပြောတာ မဟုတ်ဘူး၊ အမေရိကန် သမ္မတ တစ်ယောက် ကိုယ်တိုင် ပြောသွားတာ" သူ ခေါင်းညိတ်သည်။ နှုတ်ခမ်းထောင့်တွင် အပြုံးငယ်ကလေးတစ်ခု လှစ်ခနဲ ပေါ် လာသည်။
"ဟုတ်တယ်၊ တပ်ဖ် ပြောထားတာ၊ အဲဒါက ၁၉၁၂ခုနှစ် အခြေအနေ၊ ကနေဒါကို နုပ်နုပ်စဉ်းရမယ့် အချိန်၊ အခြေအနေတွေ က ခု အကုန် ပြောင်းလဲနေပြီပဲ"
ကျွန်တော်က သူ့ကို စကားဖြတ်ပြောဖို့ ကြိုးစားသည်။
သူက အဖြတ်မခံ။

"ဒီမယ် နားထောင်၊ ဒီကိစ္စ ငါတို့ငြင်းရတာ အကြိမ်တစ်ထောင် မကတော့ဘူး၊ မင်း မမွေးခင် ကတည်းက ငြင်းလာတာ၊ တိုင်းပြည်တွေကို အကဲဖြတ်တဲ့ နေရာမှာ မင်းတို့ သမိုင်းက ရာဇ၀တ်မှု တွေကို အခြေခံမှာလား၊ အဲဒါဆို သမိုင်းကို ဘယ်ခေတ်အထိ ပြန်ဆုတ်မလဲ၊ နှစ်ငါးဆယ်လား၊ တစ်ထောင်လား၊ ဟိုခေတ်က စပိန်နိုင်ငံရဲ့ ဘာသာရေးစည်းရုံးမူမှာ ညှဉ်းပန်းနှိပ်စက်မှုတွေ ရှိခဲ့တာ ကြောင့် ဒီခေတ်စပိန်ကို မင်းအပြစ်ပြောမှာလား၊ အမေရိကန်မှာ လူမည်းတွေကို အရောင်းအ၀ယ် လုပ်တဲ့ ကျွန်စနစ် ရှိခဲ့ဖူးတယ်၊ အဲဒီအတွက် မင်း ငါ့ကို အပြစ်တင်မှာလား"
သူက ကျွန်တော့်ကို လက်ညှိုးထိုးပြီး ...
"မင်းအဘိုးတွေ အဘွားတွေ ဘာလုပ်နေကြသလဲ အဲဒီတုန်းက ..."
ကျွန်တော် စကားဖြတ်ပြောဖို့ ကြိုးစားပြန်သည်။ သူက လက်ညှိုးငေါက်ငေါက် ထုိးကာ ...
"ဒီမယ် ... နားထောင်၊ လွန်ခဲ့တဲ့ သုံးလေးနှစ်က တီဗွီမှာ လာသွားတဲ့ ဇာစ်မြစ်ဆိုတဲ့ ဇာတ်လမ်းနဲ့ ပတ်သက်လို့ လူမည်းနှစ်ယောက် ငြ်းနေတာ ငါကြားဖူးတယ်၊ တစ်ယောက်က ငွေဝယ်ကျွန်စနစ်ကို မတရား တိုက်ခိုက် ပြောဆိုနေတုန်း နောက်တစ်ယောက်က ပြန်ပြောတယ်၊ သွားစမ်းပါကွာ ... ဒါတို့ အဘိုးအဘွားတွေကို ပိုက်တွေနဲ့ ပစ်ဖမ်းပြီး သင်္ဘောတွေနဲ့ ခိုးထုတ်မလာရင် တို့တစ်တွေ ခုထိ အာဖရိက တောနက်ထဲမှာ တိရစ္ဆာန် သာသာဘ၀ နေနေရမှာပေါ့၊ အဲဒါကြောင့် ငါ့အနေနဲ့ ငွေဝယ်ကျွန်စနစ်ကို ဘာမှပြောစရာ မရှိဘူးတဲ့"

"အဲဒါ ပြောတာပေါ့ဗျာ၊ သမိုင်းက ရှုတ်ချစရာရှိရင် မျက်နှာမထောက်ဘူး"
"သမိုင်းက ရှုတ်ချတာ မဟုတ်ဘူး၊ ထောက်ပြတာ၊ ရှင်းပြတာ၊ ကွန်မြူနစ်ကောင်း တစ်ယောက် အနေနဲ့ မင်း ဒါကို နားလည်သင့်တယ်"
ဒါတော့ သူ ကျွန်တော့်ကို သက်သက် စော်ကားခြင်းပဲ။ ဒေါသစိတ်ကို ကျွန်တော် မထိန်းနိုင်တော့။
"ကွန်မြူနစ်ဝါဒဟာ ကျွန်စနစ်နဲ့ ဖြောင့်ဖြောင့်ကြီး ဆန့်ကျင်တယ်"
"ဟုတ်လား၊ အဲဒါတွေ ရုရှားမှာသွားပြီး မင်းတရားဟောချေ"
ကျွန်တော် ခင်းပေးသော လမ်းမှာ လမ်းမှား ဖြစ်နေသည်။ သည်ပုဂ္ဂိုလ်သည် တက္ကဗေဒနှင့် ဖောက်ထွင်း၍ မရသော ပုဂ္ဂိုလ်မှန်း ကျွန်တော် သိလိုက်သည်။ သူက အသက်ခြောက်ဆယ့်သုံး နှစ်ရှိပြီ။ သူနှင့်ပြိုင်ငြင်းဖို့ ဘာသာရပ်ကို ကျွန်တော် ရွေးရတော့မည်။ သူ့အသိဥာဏ် အဆင့်မြင့်ပုံ ကိုတော့ သံသယဖြစ်စရာ မရှိတော့။ ညောင်မြစ်တူးပြီး ဘ၀အစက ပြန်ဖော်ရတော့မည်။ ကျွန်တော့်အတွေး မမှားပါ။ သူ ဆက်ပြောပုံကို ကြည့်လေ။

"ဒီမယ် ... ကယ်လ်ဒီရွန်၊ မင်း သောက်ရူးပဲ၊ မင်းကငါ့ကို ထိုင်ပြိး တရားဟောလို့ရမယ် ထင်နေတယ်၊ ကွန်မြူနစ် ၀ါဒ တရား ပို့ချပြီး ငါ့ကို သိမ်းသွင်းနိုင်မယ်လို့ မင်းထင်နေတယ်၊ အဲဒီ နောက်ပိုင်းမှာ ငါမသိတဲ့ နာမည်တစ်ခုနှစ်ခု ကို မင်းရအောင် မေးမယ်ပေါ့၊ တကယ်တော့ မင်းဟာ ရူးတာ မဟုတ်ဘူး တုံးတာ၊ မင်းဟာ ငတုံးပဲ"
ကျွန်တော် သက်ပြင်းတစ်ချက် ချလိုက်သည်။ အောက်ကဖိုင်တွဲတစ်ခုကို အပေါ်တင်လိုက်သည်။ အမှန်က သည်ဖိုင်တွဲက ကျွန်တော်၏ လက်နက်ပုန်း။ ထုတ်သုံးဖို့ စောလွန်းသေးမှန်း ကျွန်တော် သိသည်။ သို့သော် လက်ကဖိုင်ကို ဖွင့်ပြီး နှုတ်မှ နာမည်တစ်ခု အလိုအလျေက် ထွက်သွားသည်။
"အင်ပါရိုဖလိုးရက်စ်" သူ ချက်ချင်း ဆောက်တည်ရာမရ။ တုန်လှုပ်ချောက်ချားသွားမည့် အမူအရာကို ကျွန်တော် စောင့်ကြည့်နေ၏။ သို့သော် သူက မတုန်မလှုပ်။

"ဘာကွ"
အေးစက်စက်အသံဖြင့် ပြန်မေးသည်။
"အင်ပါရိုဖလိုးရက်စ်လေ၊ ဒီမိန်းကလေးအတွက်ကြောင့် ခင်ဗျား ကွန်မြူနစ်ဝါဒကို တူးတူးခါးခါး မုန်းတီးတာလေ၊ အထူးသဖြင့် ကျူးဘား ကွန်မြူနစ်တွေကိုပေါ့ဗျာ"
သူ ငြိမ်ကျသွားသည်။ ရေကာတာ ပြိုကျမည့်အချိန်ကို ကျွန်တော် စောင့်ကြည့်နေ၏။ သူက ဆိတ်ငြိမ်မြဲ ဆိတ်ငြိမ်လျက်၊ တိတ်ဆိတ်မြဲ တိတ်ဆိတ်လျက်၊ တကယ့်ကျောက်ဆစ်ရုပ်တု တစ်ခု ပမာ။ မျက်နှာ အမူအရာ တွင်တော့ စဉ်းငယ်မျှသော ပြောင်းလဲမှု အရိပ်အယောင် ယှက်သန်းလာ သလို။ ဒီလိုပြောင်းလဲမှု ကျွန်တော် အရင် က တွေ့ဖူးရဲ့လား မသိ။ အရုပ်ကြိုးပြတ် အမူအရာ။ ငါးရက်သားအဖြူရောင် မုတ်ဆိတ်မွေးတေက စကောစက ရှည်လျားနေ သည်။ ဆံပင်တွေက ဖွာလန်ကြဲနေ၏။ နဂိုက ပိန်ရှည်ရှည် ကိုယ်နေဟန်သည် ပို၍ ပိန်လီနေ သည် ထင်ရ၏။ ပါးရေ နားရေတွေ ပို၍ ချောင်နေသည် ထင်ရ၏။

နာမည်တစ်လုံး သူ့နှုတ်က ထွက်သွားရုံမျှဖြင့် ကိစ္စအားလုံး ပြီးစီး ပြေလည်သွားစေမည် မုချ။ နာမည် တစ်လုံးရလျှင် ကျန်သည့်ကိစ္စ ကျွန်တော်တို့ တာဝန်လေ။ ထိုတဒင်္ဂတွင် သူ့ကို ကြည့်ပြီး ကျွန်တော် စိတ်မကောင်း ဖြစ်မိ၏။ ကျွန်တော့် ခေါင်းထဲမှာတော့ ရှေ့လုပ်စရာတွေ ကြည်ကြည် လင်လင် မြင်နေပြီ။ ထိုတစ်ဆင့်ပြီး လျှင် သူနှင့် ကျွန်တော် ရင်းနှီးသွားစရာပင် အကြောင်း ရှိပါ သေး၏။ ဖိုင်တွဲကို ကျွန်တော် နောက်တစ်ကြိမ် ငုံ့ကြည့်လိုက်၏။
"၁၉၅၈-ခု၊ မေလကနေပြီး ၁၉၅၉-ခု၊ မတ်လအထိ နန်နီဖလောရက်စ်တို့၏ သမီးအင်ပါရိုနှင့် သူအတူနေခဲ့သည်။ မတ်လ ပထမပတ်တွင် လက်ထပ်ဖို့ ပြင်ဆင်ကြသည်။ ၁၉၅၈-ခု၊ မတ်လ ၂၈ရက်နေ့ တွင် နိုင်ငံတော် တော်လှန်ရေး သစ္စာဖောက်မှုဖြင့် အင်ပါရို အဖမ်းခံလိုက်ရသည်၊ ၁၉၅၉-ခု၊ မေလ ၄ရက်နေ့တွင် သူ့ကို ၀ါရှင်တန် မှ ပြန်ခေါ်သည်။ အင်ပါရိုဖလိုးရက်စ်သည် ၁၉၅၉ခု၊ မေလ ၁၁ရက်နေ့တွင် ဦးနှောက်သွေးကြောပြတ် သည့် ရောဂါဖြင့် ကွယ်လွန်သည်"

"အဲဒါ လုံးဝ သောက်အဓိပ္ပာယ် မရှိဘူး"
ဝုန်းခနဲ ထရပ်ပြီး စားပွဲတွင် လက်ထောက်ကာ ကျွန်တော့် မျက်နှာနားထိ ငုံ့ပြီး အော်ပြောခြင်း ဖြစ်၏။ မိနစ်ပေါင်း များစွာ သူနှင့်ကျွန်တော် ငြင်းခုံကြသည်။ အမုန်းခွန်အားတို့ ကျွန်တော်တို့ နှစ်ယောက်ကြားတွင် များသည်ထက် များလာသည်။ ကျွန်တော့်မျက်နှာကို ထိုးဖောက်သွားလု မတတ် လက်ညှိုးငေါက်ငေါက်ထိုးရင်း ...
"မင်းတို့ သတ်တာ၊ သူ့ကို မင်းတို့သတ်တာ၊ မင်းတို့ ကျူးဘားကွန်မြူနစ်တွေ သတ်ပစ်တာ"
သူ့ တစ်ကိုယ်လုံး တုန်တုန်ယင်ယင် ဖြစ်နေသည်။ ချာခနဲ လှည့်ထွက်သွားပြီး ပြတင်းပေါက်ဆီသို့ သွားရပ်သည်။ ကျွန်တော့်ဘက် ကို ကျောပေးလျက် အကြာကြီး ရပ်နေသည်။
ကျွန်တော် မျှော်လင့်နေသည့် တုံ့ပြန်မှုမျိုး ပေါ်မလာသည့်အတွက် အံ့သြနေမိသည်။ ကျွန်တော် ခပ်တိုးတိုး ပြောလိုက်သည်။

"အဲဒီတုန်းက ကျွန်တော် နို့စို့အရွယ်ပဲ ရှိပါသေးတယ်ဗျာ"
သူ အသက်ပြင်းရှူနေသည် ကို ကျွန်တော် နောက်မှ မြင်နေရ၏။ အံကြိတ်ပြီး ပြောသည့် အသံဖြင့် ...
"အတူတူပဲ၊ မင်းတို့အားလုံး အတူတူပဲ၊ မင်းကို သူတို့ အဆိပ်နို့တွေ တိုက်လိုက်လို့ မင်းအခု ဒီဘ၀ ရောက်နေ တာပေါ့"
အချိန်ကျပြီ ထင်သည်။ မဖြစ်သေးဘူး၊ စောလွန်းနေတယ်။ ရေကာတာ မကျိုးပေါက်သေး။ ကျွန်တော်က စိတ်ရှည် လက်ရှည် ဆွေးနွေးသည့် လေသံဖြင့် ...
"အင်း ... အဲဒီအချိန်ကတော့ တော်တော် စိတ်မကောင်းစရာ အချိန်ပေါ့ဗျာ၊ အချစ်တွေ၊ ရမ္မက်တွေ၊ လက်စားချေမှုတွေ နဲ့ ရောနေတဲ့ အချိန်ပေါ့၊ သူ့ကို စပိုင်ဆိုပြီး ခုံရုံးတင်လိုက်ကြတယ်လေ"
သူ ချာခနဲ လှည့်လာသည်။ သူ့အသက်မှန်ကို ယခုမှ သူ့ရုပ်သွင်တွင် မြင်ရ၏။ မဟုတ်သေး ... ပို၍ အိုစာနေ၏။ စားပွဲဆီ သို့ ပြန်လျှောက်လာပြီး ထိုင်သည်။ သူ့အသံ တည်ငြိမ်သွားပြီ။
"ဘာ တစ်စတာ နဲ့ အဆက်အသွယ် ရှိတယ်ဆိုပြီး သူ့အဖေကို သူတို့ သတ်ပစ်လိုက်ကြတယ်၊ တစ်ခါ သူနဲ့ကိုယ်နဲ့ အဆက်အသွယ် ရှိတယ်ဆိုပြီး သူ့ကိုပါ သတ်လိုက်ကြတယ်၊ အဲဒီတုန်းက သူ ဆယ့်ကိုးနှစ်သမီးပဲ ရှိသေးတယ်"

ရှေ့တစ်လှမ်းတိုးဖို့ အချိန်၊ အကြောင်းအရာကို နည်းနည်းပေါ့အောင် လုပ်ပေးရမည်။
"သူ့နာမည်ကြားရုံနဲ့ ခင်ဗျား ဖြစ်သွားပုံကို ကြည့်ပြီး သူ့ကို ခင်ဗျား ဘယ်လောက် ချစ်တယ်ဆိုတာ ကျွန်တော် နားလည် ပါတယ်ဗျာ"
သူ့မျက်နှာ အမူအရာ အပြောင်းအလဲကို ကျွန်တော် ဂရုစိုက်နေသည်။ ကျွန်တော့်ကို ကျော်ပြီး အဝေးကို ကြည့်နေမိ၏။
"သူ့ကို ကျွန်တော် တို့ မိသားစုက သိတယ်တဲ့၊ သိပ်လှတယ်လို့ ကျွန်တော် ကြားဖူးတယ်"
ခုထိ ဘာ မှ မလှုပ်မရှား။ ရှေ့ဆက်တိုးရမည်။

"မစ္စတာ ပီယာဘိုဒီ၊ ဘာတစ်စတာမှ သိပ် ကျယ်ပြန့်တဲ့ လျှို့ဝှက်ရဲအဖွဲ့ ရှိတယ်။ သူတို့ဆီက ဖိုင်တွဲတွေအားလုံး ကျွန်တော်တို့ ရလိုက်တယ်၊ တချို့ အမှုတွဲတွေက သိပ်စုံတယ်၊ အိမ်ဖော်တွေ၊ ဒရိုင်ဘာတွေ၊ အပျော်ခန်းတွေ၊ အရက်ဆိုင်တွေ နဲ့ သူတို့ မိန်းကလေးတွေ ဆီက ရတဲ့ သတင်းတွေ လေ၊ ခင်ဗျားတို့ သံအမတ်တစ်ယောက်ဟာ ရည်စားလေးယောက်တောင် ထားတယ်ဗျား"
သူက သူနှင့်မဆိုင်သလို ပခုံးတွန့်ပြသည်။
ကျွန်တော် ဆက်ပြောသည် ...
"လေးယောက်စလုံးကို သူ ကျေနပ်အောင် ထားတယ်ဗျာ၊ သူ့အကြောင်း အစီရင်ခံစာရေးတဲ့ အရာရှိက ၀တ္ထုတစ်ပုဒ် လို လှလှပပရေးသွားတယ်ဗျား၊ ခင်ဗျားအကြောင်းလဲ ဖိုင်တွဲတစ်တွဲ တွေ့တယ်၊ ကျွန်တော် ဖတ်ပြမယ် သိလား"
ဖိုင်တွဲ ကို ဖွင့်ပြီး စာမျက်နှာတွေ လှန်သည်။ ဖျတ်ခနဲ မော်ကြည့်တော့ စိတ်ဝင်တစား စောင့်နေ သည့် သူ့မျက်လုံးများကို တွေ့ရ၏။ ဒါက လူ့သဘာဝ ဖြစ်ပါသည်။ ကျွန်တော် စဖတ်သည်။
"၁၉၅၈ခုနှစ်၊ နိုဝင်ဘာလ ဆယ်ရက်၊ ဂျာဆင်ပီယာဘိုဒီ၊ နိုင်ငံရေးသံမှူး၊ အမေရိကန်သံရုံး၊ သည် အချက်အလက် များကို သတင်းပေးသူများထံမှ ရရှိသည်။ (နောက်ဆက်တွဲကို ကြည့်ပါ)။ သူသည် ကက်စထရို သူပုန်များကို အထင်ကြီးသူ ဖြစ်သည်။ သံအမတ်ကြီး စမစ်ကို ပြောင်းပြန် အဖြေများ ထွက်မည့် အကြံများ ပေး သည်။ သို့သော် သံအမတ်ကြီးက သူ့အယူအဆများကို သိပ်လက်မခံဟု သိရသည်"

ဖိုင်တွဲကို ပိတ်ပြီး သူ့ကို ကျွန်တော် မော့ကြည့်သည်။ သူ ခေါင်းယမ်းပြီး ...
"ဘာတစ်စတာဟာ သောက်ရူးပဲ၊ သူ့လျှို့ဝှက်ရဲအဖွဲ့ကကောင်တွေလဲ အတူတူပဲ"
ကျွန်တော်ကလည်း ခေါင်းယမ်းပြီး ...
"မဟုတ်ဘူးဗျ၊ တချို့ဟာတွေ တော်တော် နိမ့်တယ်၊ အဲဒီတုန်းကတည်းက သူတို့တွေ ဖီဒယ်လ် အတွက် အလုပ်လုပ်ပေးနေကြပြီ၊ တခြားကရတဲ့ သတင်းတွေလဲ ပါသေးတယ်ဗျ၊ စိတ်ဝင်စားစရာ တော့ ကောင်းတယ်၊ ၁၉၅၆ခုနှစ်မှာ ခင်ဗျား ကျူးဘားကို ရောက်လာတော့ အရွယ်အားဖြင့် တော်တော်ငယ်သေးတယ်၊ သိပ်တော်တဲ့ နိုင်ငံခြားရေးရုံးဝန်ထမ်းတစ်ယောက်၊ ငယ်ပေမယ့် စပိန်လို မွှတ်နေအောင် ပြောတတ်နေပြီ၊ ခင်ဗျားကို လက်ဝဲယိမ်းတဲ့ လူတစ်ယောက်လို့ ကျွန်တော် မမြင်ပါဘူး၊ ခင်ဗျားဟာ မဇ္ဈမပဋိပဋာသမားဖြစ်ဖို့ များပါတယ်၊ ကျူးဘားသူအချောအလှလေးနဲ့ ခင်ဗျား ချစ်ကြိုးသွယ်မိတယ်၊ လက်ထပ်ဖို့အထိ ရည်ရွယ် တယ်၊ တော်လှန်ရေးကြီး ဖြစ်လာတယ်၊ ခင်ဗျားရဲ့ အချစ်ကလေး အဖမ်းခံရတယ်၊ အဲဒီအချိန်မှာ ခင်ဗျားတို့ အစိုးရက ကက်စထရိုကို စည်းရုံးပြီး ကျူးဘားကို သူ့သြဇာအာဏာအောက်မှာ ထားဖို့ ကြိုးစားတယ်၊ ချစ်သူ အဖမ်းခံရ တဲ့ အတွက် ခင်ဗျား ဒေါသူပုန်ထတယ်၊ ခင်ဗျား သံရုံးကို ခင်ဗျား အစာမကြေ ဖြစ်တယ်၊ ခင်ဗျား သံရုံး ကို ခင်ဗျား အကြောက်အကန်ငြင်းတဲ့အထဲက ခင်ဗျားကို သူတို့ ပြန်ခေါ်လိုက်ကြတယ် ...

"အဲဒီမှာ ခင်ဗျားရဲ့ ရှေ့တက်လမ်းဟာ ဆုံးသွားပြီလို့ ကျွန်တော် ထင်ခဲ့တယ်၊ နောက်ပိုင်းမှာ ခင်ဗျားရဲ့ ချစ်သူ မိန်းကလေး အသတ်ခံရတယ်၊ ကျူးဘား အမေရိကန် ဆက်ဆံရေး ပျက်ပြား လာတယ်၊ အဲဒီမှာ ကျူးဘားက ရုရှား နဲ့ ရွှေလမ်းငွေလမ်းဖောက်ပြီး သမိုင်းဝင် ပြောင်းလဲမှုကြီး လုပ်ပစ် လိုက်တယ်၊ အဲဒါကတော့ မတ်စ်ဝါဒကို လက်ခံ လိုက်တာပဲ၊ အဲဒီအချိန်မှာ ခင်ဗျားဇာတာ စန်းလဂ် ပြန်တက်လာတယ်၊ ဒါပေမယ့် အခုအချိန်မှာ အခြေအနေက တစ်မျိုး ဖြစ်သွားပြီ၊ ခင်ဗျားရဲ့ ရပ်တည်ချက်တစ်ခုလုံးဟာ ကျူးဘားအတွက်ရော ကက်စထရို အတွက် ပါ နိမိတ်ဆိုး တစ်ခု ဖြစ်နေတယ်၊ ကွန်မြူနစ်ဝါဒ တစ်ခုလုံးအတွက် အန္တရာယ် ဖြစ်နေတယ်"

သူ့ကြည့်ရတာ စိတ်ပျက်ငြီးငွေ့ခြင်းလည်း မရှိ။ အာရုံစူးစိုက်ခြင်းလည်း မရှိ။ ကျွန်တော် တစ်ဆင့် တက်ဖို့ ဆုံးဖြတ် လိုက်သည်။
"ကော်ဖီ သောက်ကြရင် ကောင်းမယ် ထင်တယ်"
သူ့ အပေါ်နှုတ်ခမ်း မသိမသာ ကွေးညွှတ်သွားသည်။ ကျွန်တော်က သူ့ကို ပြုံးပြပြီး အစောင့်ကို လှမ်းခေါ်လိုက် သည်။

ဆက်ရန်
.
>>>ဆက်ဖတ်ရန်>>> >>

ခါးရှားဒင်းအောင် ၏ ခရီးသွားဖော်, အပိုင်း (၁ဝ)

လယ်တောထဲကအချစ်ပုံပြင်နှစ်ပုဒ်

အင်းတော်ကြီး ၏ မြောက်ဘက်တွင် ချောင်းဝဆိုသည့် ရွာကလေးတစ်ရွာရှိသည်။ ထိုရွာ၏ အရှေ့ဘက်တွင် ကိုင်းပင်တွေကြီးစိုးနေ သည့် လွင်ပြင်ကြီးတစ်ခုရှိသည်။ ထိုလွင်ပြင်သည် ယခုတော့ ကိုင်းတောတစ်ပိုင်း လယ်ကွင်း တစ်ပိုင်းဖြစ်နေပြီ။
လူ့ဘ၀ခရီးလျှောက်ရာမှာ မိမိ မူလလမ်းကြောင်းကို သေဖည်ပြီး လမ်းလွဲလျှောက်ရသည်လည်း ရှိတတ်သည်။ ဦးဂင်ရန်လီ ၏ အလုပ်သည် စားပွဲပေါ်ထိုင်ပြီး သူများခိုင်းတာလုပ်ရတဲ့အလုပ်ဖြစ်သည်။ သို့ သော် ယခုတော့ လယ်တောထဲ လယ်သမားဘ၀ခံယူပြီး ဘ၀ကို နှစ်မြုပ်ရုန်းကန်နေရသည်။ သို့သော် ဦးဂင်၇န်လီ တစ်ဦး တည်းတော့ မဟုတ်။ ဌာနအသီးသီးက ပုဂ္ဂိုလ်များဟာလည်း ထိုနည်းလည်းကောင်းပါပဲ။

မည်သို့ပင်ဖြစ်စေ ဦးဂင်ရန်လီသည် လက်နှင့်လုပ်ရသော စပါးထုတ်လုပ်ရေးလုပ်ငန်း ကို ကောင်းစွာ သဘော ပေါက်သွားသည်။ လုပ်ငန်းအဆင့်လည်း များလှပါဘိ။ ကြည့်ပါ - ဦးစွာ ထယ်တိုးရသည်။ ပြီးလျှင် ထွန်မွှေ ရသည်။ စပါးပျိုးထောင်ရသည်။ ပျိုးနှုတ်ရသည်။ ကောက်စိုက်ရသည်။ ရင့်မှည့်သည့်အခါ ရိတ်သိမ်းရ သည်။ ကောက်နှံများကို ဖြန့်ထားရသည်။ စပါးခြွေ၇န် တလင်းပြင်ရ သည်။ ကောက်နှံများ ကို ကောက်လှိုင်းစည်း ရ သည်။ ကောက်လှိုင်းများကို နှစ်ဘက်ချွန်ဝါးတုတ်နှင့် ထမ်းကာ တလင်းပေါ်ပုံရသည်။ တလင်းပေါ်က ကောက်လှိုင်းပုံ ကို တုတ်နှင့်ရိုက်၊ ကျွဲ၊ နွားဖြင့်နင်းပြီး စပါးစေ့ ခြွေရသည်။ ပြီးလျှင် စပါးပုံကို ခြေဖ၀ါးဖြင့်စု။ လက်ဖြင့် စကောကိုကိုင်ကာ ယပ်ခတ်ပေးရသည်။ သန့်စင်ရသည်။ မျှော်စင်လုပ်၍ စပါးကို အောက်ချကာ၊ စကောဖြင့် ယပ်၍ အမှုန်များလွင့်အောင်လုပ်ရသည်။

ပြီးလျှင် အိတ်ထဲသွတ်၊ သယ်၊ သိုလှောင်ရုံပို့သည်။ ဤအဆင့်များကို ဂင်ရန်လီတို့အဖွဲက တစ်ဆင့်ပြီး တစ်ဆင့် လုပ်ဆောင်ခဲ့ ၍ ယခုတော့ '' လယ်ထွန်စားဖို့ မကြောက်ပေါင်'' ဖြစ်ခဲ့ပြီ။
လယ်တောထဲ တွင် အချစ်ပုံပြင်၊ အချစ်ဇာတ်လမ်းများစွာ မွေးဖွားပေလိမ့်မည်။ အထူးသဖြင့် ကောက်စိုက်ချိန်၊ ရိတ်သိမ်းချိန် များ၊ ယခု ပြောပြမည့် အချစ်ပုံပြင်မှာ ရိတ်သိမ်းချန်ကဖြစ်သည်။
ဂင်ရန်လီတို့ ဌာနသည် အခက်အခဲများစွာကြားက ဧက ၂၀ ကို ဖြစ်ထွန်းအာင် ဆောင်ရွက်နိုင်ခဲ့သည်။ ယခု တော့ စပါးမှည့်နေပြီ၊ ဦးစွာမှည့်သည့် နှစ်ဧကခန့်ကို မိမိအဖွဲ့သားများက ရိတ်သိမ်းပြီး တလင်းပေါ်ပုံထားခဲ့ ပြီ။ ယခုတော့ တစ်ကွင်းတစ်ပြင်လုံးတစ်ပြိုင်တည်းမှည့်တော့ စပါးရိတ်သိမ်းရေးပြဿနာပေါ်လာသည်။
စပါးစေ့ မကြွေကျမီ အချိန်မီ ရိတ်သိမ်းရမည်။ ရိတ်သိမ်းးစက်လည်းမရှိ၊ လူလည်း လုံလောက်စွာ မရနိုင်။ ခက်ပြီ။

ဒီတော့ ဂင်ရန်လီက ချောင်းဝရွာသူကြီးကို ပြေးကပ်ရသည်။ သူလည်း တစ်ယောက်နှစ်ယောက် သာခေါ်ပေး နိုင် သည်။ တခြားဌာနများကလည်း ချောင်းဝရွာသားတွေကိုပဲအားကိုးကြသည်။ အနီးအနားရွာဆို လို့ ချောင်းဝရွာ တစ်ရွာတည်း ရှိသည်။
တစ်နေ့ ဦးထူးဆိုသူနှင့် ဦးမြင့်ဆိုသူနှစ်ဦးစပါးရိတ်လိုကြောင်း၊ အလုပ်လာစပ်ကြသည်။ သူတို့ကို ကြည့်ရ သည်မှာ အားရစရာ မရှိ။ ကျားကျားယားယားမရှိ။ ထိုင်းမှိုင်းလေးကန်နေကြသည်။ အသောက်အစားစုံပုံရ သည်။
မည်သို့ပင်ရှိစေ ဂင်ရန်လီ သူတို့ကို လိုအပ်နေပြီ။ ဖြစ်နိုင်လျှင် လူ ၁၀၀ နှင့် တစ်ရက်တည်းရိတ်ပစ်ချင်သည်။ သို့သော် လူ မရှိ။ ဒီတော့ သူတို့ နိုင်သလောက် လုပ်စေ။ နေ့တွက်မဟုတ်ဘဲ ဧကဈေးညှိ၍ခိုင်းထားသည်။

တစ်ညနေခင်းတွင် အောက်အရပ်မှ စပါးရိတ် စပါယ်ရှယ်လစ်များရောက်နေကြောင်း သတင်းရ၍ အများတကာ ထက် ဦးအောင် ဆက်သွယ်ငှား၇မ်းလိုက်သည်။ သူတို့အဖွဲကသည် (၁၀)ဦးရှိသည်။ အားလုံး မိန်းမ များဖြစ်ကြသည် ဂင်ရန်လီအတော်ပျော်သွားသည်။
နောက်နေ့ နံနက်တွင် သူတို့အဖွဲက နံနက်စောစီးစွာ အလုပ်ဆင်းကြသည်။ ဦးဂင်ရန်လီသည် သူတို့ စပါးရိတ် သည့် လယ်ကွက်သို့ သွားကြည့်သည်။ နေ့လည်ထမင်းစားချိန် မတိုင်သေး။ ဧက၀က်ပင် ကျိုးပြီ။ ဦးထူးနှင့် ဦးမြင့်လယ်ကွက် တွင်ကား မနေ့ကအတိုင်းပင်ရှိသည်။ လူလည်းမတွေ့ရ။
သို့နှင့် သူတို့ ၏ တဲကလေးဆီ သွားကြည့်ရာ ဦးထူးသည် သူ့အိပ်ရာပေါ်တွင် ခွေခွေကလေးလဲနေသည်။ ဦးမြင့် ကတော့ ထမင်းစားနေသည်။

 ဦးဂင်ရန်လီက - '' ဦးထူး နေမကောင်းဘူးလား '' ဟု မေးရာ၌ ဦးထူးက ဘာမှမပြောဘဲ နှုတ်ဆိတ်နေသည်။ ဦးမြင့် က '' နေမကောင်းတာမဟုတ်ဘူး ဆရာ၊ စပါးရိတ်တဲ့အဖွဲ့ထဲက မိန်းမကြီးတစ်ယောက်က ရိုက်လွှတ် လိုက် တာ။ ကျွန်တော် အချိန်မီ ကယ်လို့သာပေါ့၊ သို့မဟုတ် မသာပေါ်ပြီ'' ဟု ဆိုလေ၏။
'' ဟာ ဘယ်လို၊ ဘယ်လို၊ ဦးထူးကို ရိုက်လိုက်တယ်ဟုတ်လား။ ဦးထူးက စော်ကားမော်ကားလုပ်လို့လား ''
'' မသိဘူးဆရာ၊ သူတို့နှစ်ဦး စပါးရိတ်အလာ တလင်းပုံမှာ တွေ့ကြတယ်။ အဲဒီမှာ စကားကတောက် ကဆဖြစ်ရာ က မိန်းမကြီးက အနားမှာရှိတဲ့ ၀ါးလုံးနဲ့ ရိုက်တော့တာဘဲ။ ကျွန်တော်နဲ့ သူတို့ထဲကတစ်ယောက် အချိန်မီ လိုက် ဆွဲရတယ်။ ဒါတောင် တစ်ချက်ထိသေးတယ်။ ဦးထူးက တလင်းပေါ်က ကောက်လှိုင်းပုံပေါ် လဲကျတော့ သေ သွားသလားအောက်မေ့ရတယ် '' ဟု ရှင်းပြလေသည်။

'' ဦးထူးခင်ဗျား ကို ရိုက်တာဘယ်သူလဲ၊ ဘာဖြစ်လို့ ရိုက်သလဲ'' ဟုမေးသော်လည်း ဦးထူးထံမှ ဘာသံမျှ မကြားရ။ ဦးမြင့်က -
'' ဆရာ ဟိုစပါးရိတ်တဲ့ အဖွဲ့ဆီ သွားမေးပါလား၊ ကျွန်တော်လဲဟု အကြံပေးရာ ဦးဂင်ရန်လီသည် စပါး ရိတ် နေသည့် (၁၀)ယောက်ဖွဲ့ဆီ ခြေဦးလှည့်လေသည်။ ဦးဂင်ရန်လီက -
'' ဒီမှာ ဆရာမကြီး များ ခင်ဗျားတို့ထဲက တစ်ယောက်ယောက် ကျုပ်ရဲ့ ဦးထူးကို ရိုက်လိုက်တယ်ဆို။ အဲဒါ ဘယ်သူလဲ'' ဟုမေးရာ ဒေါင်ကောင်းကောင်း အသားညိုညိုမိန်းမကြီးတစ်ဦးက -
'' ကျွန်မ ရိုက်လိုက်တယ် ဆရာ၊ အသေသတ်မလို့ သူတို့ဖျန်ဖြေဘာဦးလို့သာပေါ့။ နေနှင့်ဦး ညကြတော့ သွား သတ်ဦးမယ် ''ဟု ဒေါသမပြေနိုင်သည့် မျက်နှာနှင့် ပြောပြလေသည်။
'' ဒါနဲ့ နေပါဦး၊ နေ့ခင်းကြောင်တောင်တောင် ဦးထူးက ခင်ဗျားကို ကိုယ်ထိလက်ရောက် စော်ကားလို့လား၊ သူ့ကြည့်ရာသူများ ကို စော်ကားဖို့နေသာသာ သူ့ကိုယ်သူတောင် အနိုင်နိုင်သယ်နေရတယ်'' ဟု မေးရာ မိန်းမကြီး က - '' ဆရာ၊ ကျွန်မ စပါးရိတ်ပါဦးမယ်၊ နေ့လည် ထမင်းစားချိန်ကျရင် ကျွန်မ ပြောပြပါ့မယ်'' ဟု တောင်းပန်စကား ဆိုလေ၏။ ဂင်ရန်လီကလည်း စပါးရိတ်အရှိန်ပျက်မည်စိုး၍ တိတ်ဆိတ်စွာနေလိုက်၏။ စိတ် ထဲတွင်တော့ '' ဘယ်သူက၊ အဘယ့်ကြောင့်'' ဟု တွေးကြည့်သော်လည်း အဖြေမပေါ်အချည်းနှီးပင်။

နေ့လည်ထမင်းစားချိန် ထိုမိန်းမကြီးပြောပြ၍ သိရသည်မှာ လွန်ခဲ့သည့် အနှစ်နှစ်ဆယ်ခန့်က မောင်ထူး သည် လူပျိုပေါက်။ မမြင့်ရွှေသည်လည်း အပျိုပေါက်အရွယ် ရှိကြသတဲ့။ တစ်ရွာတည်းနေကြသူများ မဟုတ်ကြပေမယ့် ရွာနီးချင်းတွေ မို့ မြင်ကြဆုံကြသတဲ့။ မြင်ရဖန်များတော့ မောင်ထူးက မမြင့်ရွှေကို အတင်းကြိုက်၊ အတင်းချစ်၊ အတင်းချစ်ရေးဆိုပါသတဲ့။ မမြင့်ရွှေက '' ဟုတ်ကဲ့ '' မပြောရသေး။ လူကြီးချင်း စကားပြောစေသတဲ့။ နောက်ပိုင်း လူကြီးတွေ၊ နားချ၊ မောင်ထူးကလည်း အတင်းပူးကပ်လာတော့ မမြင့်ရွှေက မည်သို့မျှ တောင့်မခံနိုင်တော့ဘဲ ''ဟုတ်ကဲ့'' လိုက်ရသတဲ့။
သို့နှင့် မမြင့်ရွှေ သည် မောင်ထူး၏ ဇနီးမယားဖြစ်သွားကာ မောင်ထူး၏ ကိုယ်ပွားလေးကိုပင် လွယ်ထားရပါ သတဲ့။ ရောင်နောက်ဆံထုံးပါဆိုသလို မမြင့်ရွှေဟာ မောင်ထူးအိမ်လိုက်နေသတဲ့။ ဒီလိုနေရင်းက မမြင့်ရွှေ မျက်နှာ မမြင်သေးသည့် တစ်နေ့တွင် မောင်ထူးသည် ထိုအိမ်၊ ထိုရွာ။ ထိုပတ်ဝန်းကျင် ကနေ ပျောက်ချင်း မလှ ပျောက်ကွယ်သွားပါသတဲ့။

မမြင့်ရွှေခမျာ မောင်ထူး တစ်နေ့ ပေါ်လာနိုးနိုးနဲ့ သားလေး (၃)နှစ် အရွယ်ရှိသည့် တိုင် စောင့်ဆိုင်းနေ ပါသော်လည်း စုန်းစုန်းမြုပ်ပဲတဲ့။ စာမလာသတင်းမကြားဆိုတာ မောင်ထူးကမှ အစစ်တဲ့။ မမြင့်ရွှေက လင်တော်မောင် တစ်နေ့ရွှေအိုးထမ်း၍ ပေါ်လာနိုးနိုးနှင့် မိဘအိမ်မပြန်ဘဲ ယောက္ခမတို့နဲ့ အတူနေလာသော် လည်း သူ့ကလေး က အဖေခေါ်မယ့်သူမရှိဖြစ်နေသတဲ့။
'' ဒီလိုနဲ့ မမြင့်ရွှေ ရဲ့ ငယ်ရွယ်ပျိုမြစ် တဲ့ အချိန်တွေဟာ သူများမယားလိုလို၊ အပျိုကြီးလိုလိုနဲ့ ကုန်ဆုံးသွား ပါ သတဲ့။ နောက်ဆုံးတွင် မမြင့်ရွှေသည် ကလေးတစ်ယောက် အမြတ်နဲ့ သူ့မိဘအိမ်ပြန်ပါသတဲ့။ ဒေါ်မြင့်ရွှေ ဆက်လက်ပြောပြ သည်မှာ -
'' အဖြစ်အပျက်ကတော့ ဒါပဲဆရာ၊ ကျွန်မ အနှစ်(၂၀)လုံးလုံး သူ့ကို စုံစမ်းတာ ဘာသတင်းအစအနမှ မရဘူး၊ ခုမနက် မှ ကြံကြံဖန်ဖန် ဒီချောင်းဝလယ်ထဲမှာ တွေ့ရတော့တယ်။ ကျွန်မ ပထမတော့ နှလုံးတုန် ရင်ခုန်ဖြစ်လိုက်သေး တယ်။ အေးအေးဆေးဆေး ပြောပါတယ်။

ဒါပေမဲ့ သူက အင်းမလုပ် အဲမလုပ်လို့ ကျွန်မ ဒေါသထွက်လာပြီး အသေသတ်ချင်စိတ်ပေါ်လာတယ်။ ဒါနဲ့ အနီးမှာတွေ့ တဲ့ ၀ါးတုတ်နဲ့ ရိုက်လိုက် တယ်။ ခေါင်းကိုချိန်တာ လွဲသွားတယ်။ သူ တို့က ကျွန်မကို ဆွဲထား လို့သာပေါ့။ ကျွန်မ မကျေနိုင်ဘူး။ ဒင်းကို အသေသတ်ဦးမယ်'' ဟု ဖြစ်ကြောင်းရယ်ကုန်စင် ပြောပြလေသည်။
'' တော်ပါတော့၊ ဒေါ်မြင့်ရွှေရယ် ကြာပဲကြာလှပကော၊ သူ့ကြည့်ရတာ ခင်ဗျားမသတ်လည်း ကြာကြာ နေရမယ့် ပုံမပေါ်ဘူး၊ အလကားနေရင်း ရာဇ၀တ်ဒဏ်သင့်လိမ့်မယ်။ ခင်ဗျားဘက်ကကြည့်ရင် သတ်လောက်ပေတယ်။ ဒါပေမဲ့ မလုပ်ပါနဲ့တော့ ကျုပ်တောင်းပန်ပါတယ်။ မနက်ဖြန်ကစပြီး ဦးထူးနဲ့ မမြင့်ရွှေ မျက်နှာချင်းမဆိုင်စေရဘူး။ မမြင့်ရွှေ နဲ့ ဖြစ်အင်ကို ကျုပ်တကယ်ပဲ စိတ်မကောင်းပါဘူး'' ဟု ဦးဂင်ရန်လီက တရားချ တောင်းပန် စကားပြောဆို လိုက်လေသည်။

မမြင့်ရွှေသည် အသားညိုညို ဒေါင်ကောင်းကောင်း အားအင်အပြည့်နှင့် ဒေသခံများ ခိုင်းနှိုင်းပြောဆိုတတ် သည့် '' အမေရိကန်မြင်း'' ဟု ခေါ်လောက်သည့် အမျိုးသမီးကြီးဖြစ်သည်။
တော်ပါသေး ၏။ ဦးထူးသည် နောက်နေ့နံနက် ထိုလယ်ကွင်းမှ ပျောက်ကွယ်သွားပြန်သည်မှာ သူ၏ စပါးရိတ် သိမ်းခ ကိုပင် ထုတ်မယူတော့။ ဂင်ရန်လီ ဤအဖြစ်အပျက်နှင့် ပတ်သက်၍ ဆက်စပ်တွေးတော မိသည်မှာ -
'' အင်း ရုပ်ရှင် စာပေ၀တ္ထုတွေထဲမှာတော့ မိန်းမပျိုနဲ့ ယောက်ျားပျိုများဟာ ကောက်လှိုင်းပုံ၊ ကောက်ရိုးပုံကို မှီလို့။ တစ်ဦး ကိုတစ်ဦး အချစ်ရည်ဆမ်းထားသည့် မျက်လုံးတွေနဲ့ ကြည့်ကြလို့၊ အချစ်နဲ့ပတ်သက်တဲ့ အလှ ဆုံးစကားလုံးတွေကို ရွေးချယ်သုံးနှုန်းကြလို့။ ပွေ့ကြ၊ ဖက်ကြ။ နမ်းကြလို့၊ တယ်ပြီး စိတ်ကူး ယဉ်စရာ ကောင်းတဲ့နေရာပဲ၊ နယ့်နှယ် ခုတော့ မိန်းမနဲ့ ယောက်ျား ထသတ်ကြသတဲ့။ တော်ပေသေးရဲ့၊ ရာဇ၀တ်မှု ခင်း မဖြစ်လိုက်၇လို့၊ ဖြစ်လိုက်လို့ကတော့ ငါပါအချုပ်တို့ တရားရုံးတို့နဲ့ လိုက်ပတ်သက်နေရဦးမယ်'' ဟု မကျေမချမ်း အတွေးနယ်ချဲ့နေပါတော့သည်။ ဤတွင်ချောင်းဝလယ်တောမှ အချစ်ပုံပြင်တစ်ပုဒ်သည် အကျည်းတန် စွာ ပြီးဆုံးသွားလေတော့သတည်း။

ဦးဂင်ရန်လီသည် တယ်တောတစ်ခုနှင့် ပတ်သက်ရပြန်သည်။ ထိုလယ်တောသည် တောင်ပေါ်ဒေသ မလိခ မြစ်၏ အနောက်ဘက် ကမ်းနဖူးပေါ်တွ် တည်ရှိ၏။ သို့သော် လယ်စပါးစိုက်နိုင်သည့် ဧရိယာမှာ ဧက ၁၀၀ ပင်မပြည့် ချင်။ အနောက်တောင်မြောက်မှာ တောင်တန်းတွေကာဆီးနေသည်။
ဦးဂင်ရန်လီသည် တောင်ကုန်းတစ်ခု၏ အရှေ့ဘက်မျက်နှာမူရာ တောင်စောင်းကို ခုတ်ထစ်၍ လယ်တဲ ဆောက်ထား၏။ လယ်တဲအနီးတောင်ပေါ်မှ ထိုးဆင်းစီးကျနေသည့် ၀ါ့ဆန်းခချောင်းငယ် ကလေး မှ ရေကို ၀ါးလုံးထက်ခြမ်းခွဲကာ သွယ်ယပြီးလယ်တဲ၏ ဘေးတွင် ရေချိုးတဲလုပ်ပြီး ချိုးရေသောက်ရေ ဖန်တီးထား ၏။

ချောင်းရေသည် ၀ါးခြမ်းမှတစ်ဆင့် ရေချိုးတထဲို့ (၂၄)နာရီစီးဆင်းနေရာ ဂင်ရန်လီသည် တသွင်သွင် အဆက်မပြတ်စီးဆင်းနေသော ရေကို ရေချိုးအ၀တ်လျှော်ပြီးတိုင်း ခလုတ်ပိတ်ချင်သည့် စိတ်ပေါ်လာတတ်၏။ မြို့ပေါ်မှာ (၂၄) နာရီ ဒီလို စီးဆင်းနေသည့် ရေပိုက် ဘယ်မှာရှိလို့လဲ။
ဤလယ်တောသည် ဂင်ရန်လီတို့ရုံးမှ ၁၆ မိုင်ဝေး၏။ တစ်နေကုန်လမ်းလျှောက်မှ ရောက်သည်။ သို့သော် ဂင်ရန်လီမကြာခဏ သွားရသည်။ မြို့မှ လယ်တောအရောက်သွားရသည်မှာ မောပန်းပါသော်လည်း လယ်တဲ ထဲရောက်တော့ မမောတော့ါ။ တဲပတ်လည် တောင်ယာခင်းပုံစံ ဖန်တီးထားသည်။ ပြောင်း၊ သခွား။ ငရုတ်ခရမ်း အပြင် တဲ မှ လယ်တောအသွား လမ်းဝဲယာ သင်္ဘောပင်များ စိုက်ထားသည်။

လယ်တောရောက်ပြီ ဆိုလျှင် ဟင်းမငတ်တော့။ တံငါသည်တစ်ဦးအား မလိခမြစ်ထဲ ပိုက်မျှောခိုင်း လိုက် လျှင် နှုတ်ခမ်းထော်ထော် ကျောက်ငါးကြင်းကြီးများ ယူလာပြီ။ တချို့အကောင်များဆိုလျှင် ၄ ပိဿာနီးနီး ရှိကြ သည်။ ငါးကင်၊ ငါးအုန်း၊ ငါးချက်ဟင်းများ သူ့တပည့် ငါးစပါယ်ရှယ်လစ်များ က လုပ်ကျွေးကြသည်။ ကျောက် ငါးကြင်း နှုတ်ခမ်းထော်ထော်ကြီး ကို ကိုက်ဖဲ့ဝါးမျိုရသည်မှာ အရသာရှိလှသည်။

သူ၏ တပည့်များက ငါးကင်းနှုတ်ခမ်းကိုနီဂရိုးမနှုတ်ခမ်းဟု အမည်ပေးကြသည်။ ဤတွင် ဂင်ရန်လီသည် နီဂရုးမများ ၏ နှုတ်ခမ်းထူထူကြီးများကို ရုပ်ရှင်၊ ဗီယိုဇာတ်လမ်းများတွင် တွေ့ဘူးသည်ဖြစ်၍ ''အင်း နီဂရိုးမ တို့ ရဲ့ နှုတ်ခမ်း ဟာ ခု ငါစားနေတဲ့ ကျောက်ငါးကြင်းနှုတ်ခမ်းထော်ထော်ထက်ပိုပြီး ချိုလေမလားမသိဘူး ဟီဟိ'' ဟု တပည့်များ မရိပ်မိအောင် ခိုး၍ အသံတိတ် ရယ်လေသည်။
တဆက်တည်း တွင် ကမ္ဘာကျော် ငါးမန်းဆူးတောင် ဟင်းချိုက ငါးဟင်း စပါယ်ရှယ်လစ်ဇော်တူး ချက်တဲ့ နှုတ်ခမ်းထော် ငါးကျင်းခေါင်းပြုတ်လောက် အရသာရှိမယ်မထင်ဘူး '' ဟု တွေးပစ်လိုက်လေသည်။
ရှိသေးသည် ဦးအဖုန်ရဲ့ ငါးဝါးကျည်တောက်မီးဖုတ်။ ငါးအူ မီးအုန်း။ ဇော်တူး ၏ တောကြက်ကလီစာ နဲ့ တောချဉ်ပေါင် မီးအုန်း၊ ဤဟင်းလျာများကို ဘယ်ကမ္ဘာကျော်စားတော်ကဲများ ချက်တတ်ကြပါ့မလဲဟု အကဲဖြတ်လေ သည်။

ဂင်ရန်လီတို့ လယ်သည် ၃ ဧကခန့်ရှိသည်။ ဒီတော့ လယ်လုပ်သား လယ်တဲစောင့်လိုလာပြီ။ ဤလယ်တော တွင် လာေ၇ာက် လုပ်ကိုင်သူများ၊ မှီခိုနေသူများမှာ အများအားဖြင့် နောင်မွန်။ ခေါ်ဘူဒဲ (ခေါင်လန်ဖူး) ဒေသ မှ ဖြစ်ကြသည်။ ဘ၀ဖောင်ဖျက်၍ ရေကြည်ရာ မြက်နုရာအရပ်ဒေသကို ရှာဖွေ သူများဖြစ်ကြသည်။ တချို့ အခြေချနေသူများ၊ တချို့ရောက်ခါစများ၊ တချို့ အလုပ်ရှာဖွေကြသူများ။
ဒိတော့ ဘ၀ဖောင်ဖျက်၍ ဤဒေသသို့ ရောက်ရှိသူများကိုငှားရမည်။ သူတို့သည် မြေပြန့် လယ် မလုပ်ဘူး သော်ည်း လှေကားထစ်လယ်လုပ်ငန်းတော့ လုပ်ဖူးကြသည်။
ပထမဦးစွာ ဦးအဆီး တို့ မိသားစုကို မျက်စိကျ၍ ဦးဂင်ရန်လီက တပည့်များနှင့်တိုင်ပင်သည်။ သူတို့မိသားစု (၄)ယောက် ရှိသည်။ မိဘနှစ်ပါး၊ သားနှင့်ချွေးမ။ ဤဒေသသို့ေ၇ာက်လာသည်မှာ မကြာသေး၍ လယ်ပိုင် မရှိကြ။ ဂင်ရန်လီ တို့ တမနီးမဝေးတစ်နေရာတွင် တဲဆောက်၍ နေကြသည်။ သို့သော် တပည့်များက ဤ မိသားစုနှင့်တော့ မဖြစ်ပါဟုဆိုကြသည်။ အကြောင်းရင်းက အဘယ်အရာနည်း။ တပည့်တို့ပြောပြသည်မှာ။

ဦးအဆီးသည် ဇနိးသည် ဒေါ်အားခူနှင့်သမီးမအနားတို့နှင့် ခေါ်ဘူဒဲဒေသမျ တောင်ဘက်အရပ်သို့ တရွေ့ ရွေ့ ပြောင်းရွှေ့လာကြသည်။ နောင်မွန်၊ ပူအိုဒေသမှ ဤဆွမ်ပရာဘွမ်မြို့နယ် မလိယန်ဒေသ သို့ ရောက်ရှိ လာသြည်။ ကံမကောင်း၊ အကြောင်းမလှ၍ ဦးအဆိး၏ ဇနီးသည် လမ်းခရီးတွင် ဆုံးပါးသွားသည်။ ဒီတော့ ဦးအဆီးနှင့် သမီးအနားတို့သာ ဤဒေသသို့ရောက်ရှိလာသည်။ တဲတစ်လုံးဆောက်ကာ ငါးရှာ သည်။ ရွှေ ကျင်သည်။ လယ်လုပ်ကူသည်။

ထိုနည်းတူ ဒေါ်အားချာသည် လင်ယောက်ျားဦးအဒီးနှင့် သားအဖူးတို့သည် ခေါင်လန်ဖူး၊ ထဖုန်းဒေသမှ ဘ၀ဖောင်ဖျက် ၍ တောင်ဘက်အရပ်သို့ ပြောင်းရွှေ့လာကြသည်။ သို့သော် ဒေါ်အားချာ၏ ခင်ပွန်း ဦးအဒီး သည် လမ်းခုလတ်တွင် ဆုံးပါးသွားသည်။ ဤဒေသသို့ ဒေါ်အနားနှင့် သားအဖူးနှစ်ဦးသာ ရောက်ရှိလာ သည်။ သူတို့သည်လည်း မလိယန်လယ်တော၊ တောစပ်တစ်နေရာတွင် တဲထိုး၍ နေကြသည်။ နောက်ဆုံး တွင် ဤမစုံလင်သော မိသားစုနှစ်ခုသည် မလိယန်လယ်တောတွင် ဆုံမိကြတော့သည်။
မအနားသည် (၁၇)နှစ်အရွယ် အသားဖြူဖြူ အချိုးအစားပြေပြစ်၍ အလှသွေးကြွယ်နေသူဖြစ်သည်။ ထိုနည်းတူ မောင်အဖူး သည်လည်း (၁၈)နှစ်အရွယ် အားကောင်းမောင်းသန် ယောက်ျားပီသသူဖြစ်သည်။ သူတို့နှစ်ဦး သည် ကောက်စိုက်ရာတွင် ဆုံကြသည်။ ရေချိုးဆိပ်တွင် တွေ့ကြသည်။ လသာသောညများတွင် လယ်တော လမ်းလျှောက်၍ လမင်းကို အတူမော့ကြည့်ကြသည်။ ကောင်းကင်ပြင်မှ ကြယ်ပွင့်များ ကို ရေတွက်ကြ သည်။ တွေ့ဖန်များတော့ မေတ္တနှောင်ကြိုး ရစ်ပတ်မိကြပြီ။

ဤတွင် မောင်အဖူးသည် မအနားအား တောင်းပေးရန် မိခင် ဒေါ်အားချာကို ပူဆာတော့ သည်။ ဒေါ်အားချာ သည် သူတို့သားအမိ၏ အထီးကျန်နိုင်လှသော ဘ၀ထဲသို့ ချွေးမတစ်ယောက်တိုးလာပါက ပိုမို သာယာ စိုပြေသော ဘ၀တစ်ခုဖြစ်လာမည်ဟု တွေးမိသည်။
သို့နှင့် ဒေါ်အားချာ သည် လူကြီး တစ်ဦးအား အကူအညီတောင်း၍ မအနား၏ဖခင် ဦးအဆီးထံ လွှတ်လိုက် သည်။ သို့သော် မည်သည့် ကွမ်းဖိုးငွေကြေးမှ မပေးလိုက်။ ဤတောတောင်ဒေသ ဂျစ်ပစီဘ၀ွင် ရိုးရာထုံး ဓလေ့ ကို မေ့ထားရမည်။ သားနှင့်ချွေးမတို့၏ ချစ်ကမ္ဘာတစ်ခုတည်ဆောက်ပေးရန်သာလိုသည်။
ဦးအဆီး သည် မိမိသနီးအနားအား သူတစ်ပါးလယ်ထဲမထည့်ချင်။ ယခုပင် အထီးကျန်လှပြီ။ အနားသာ သူတစ်ပါး လယ်ထဲေ၇ာက်သွားလျှင် အထီးကျန်ဘ၀မှ တစ်ကောင်ကြွက်ဖြစ်တော့မည်။ သို့သော် သမီးအနားက အရွယ်ရောက်ပြီ။ သမီး စိတ်ဆင်းရဲအောင် မလုပ်လို။

အနားသည် သူ့ဘ၀ဖြစ်သည်။ ဤအသက်အရွယ်အထိ ကျွေးမွေးစောင့်ရှောက်ခဲ့သည်။ အလကား ဗလာသက်သက်မပေးစားနိုင်။ တန်ရာတန်ကြေးတော့ ရချင်သည်။ သို့နှင့် ဓလေထုံးတမ်းအရ ကွမ်းဖိုး တင် တောင်းရန် ကိုယ်စားလှယ်တော်ကြီးအား မှာလိုက်သည်။
ဤတွင် မောင်အဖူး ၏ မိခင်သည် အကြီးအကျယ် စိတ်ညစ်သွားသည်။ စားဖို့သောက်ဖို့ပင် အနိုင်နိုင်။ ကွမ်းဖိုး ဆိုသည် မှာ အဝေးကြီး။ မိမိတွင် တဲအိမ်အောက်က ၀က်ကလေးတစ်ကောင်၊ ကြက်ဖကြက်မနှင့် သားအမိ တစ်စုသာရှိသည်။ ဤသည်မှာ မိမိပိုင်ဆိုင်သမျှ သစ္စာပစ္စည်းဖြစ်သည်။ မည်သို့ပင်ရှိစေ သား အတွက် ချွေးမတောင်းပေးရန် မှာ မိမိတာဝန်။ မည်သို့ ဆောင်ရွက်ရမည်နည်း။ ခေါင်းထဲထူပူပြီအကြံအိုက် လာသည်။ နောက်ဆုံး တွင်တော့ အဖြေတစ်ခုထုတ်နိုင်ခဲ့သည်။ သူသည် ကိုယ်စားလှယ်တော်ကြီးအား -
'' ဒီမှာရှင့်၊ ရှင်မြင်တဲ့ အတိုင်းပဲ ကျွန်မမှာ ဘာမှမရှိဘူး၊ ဒီရောက်တာလဲ ဘာမှမကြာသေးဘူး၊ ဘာကွမ်းဖိုး မှ လည်း မတတ်နိုင်ဘူး။ အဲ တစ်ခုတော့ ရှိတယ်၊ ကျွန်မကို ကျွန်မ ပိုင်တယ်။ ဦးအဆီးကို ပြောလိက်။ လူကွမ်းဖိုး ထည့်မယ်။ ကျွန်မကိုပဲ ယူလိုက်ပါတော့လို့'' ဟု နောက်သလို ပြောင်သလို ခပ်တည်တည် ပြောလွှတ် လိုက်လေ သည်။

ကိုယ်စားလှယ်ကြီးသည်လည်း ထိုစကားအတိုင်းပင် ဦးအဆီးအား သံတော်ဦးတင်လေရာ ဦးအဆီးက -
'' စိန်လိုက်လေ၊ ငါလည်း အထီးကျန်တာကြာပြီ။ မတွေ့သေးလို့သာပေါ့။ ဒေါ်အားချာကို ပြောလိုက် ငါ့သမီး သူ့သားနဲ့ ပေးစားမယ်။ အဲ-သူကတော့ ငါ့ကို တစ်သက်လုံးထမင်းချက်ကျွေးပါစေ'' ဟု စကားပြန် လေသည်။ ထို့နောက် သိပ်မကြာလိုက်ပါ။ ထိုမိသားစု တဲတစ်တဲတွင် အတူတစ်ကွပေါင်းစည်းနေထိုင် သည် ကို တွေ့ရတော့ သည်။
ဤတွင် မလှမပ အကျည်းတန်၊ ဘုရားစူးမိုးကြိုးပစ်အချစ်ဇာတ်လမ်းတစ်ပုဒ် ထိုလယ်တော တွင် မွေးဖွား လေ တော့ သည်။ လူ့အဖွဲ့အစည်း၏ အပြင် ဘက်ရောက်လုလု ဤတောတောင်ဒေသ ဂျစ်ပစီ တို့၏ ဘ၀တွင် လူ့စည်းကလနားတွေနှင့် ဆန့်ကျင်၍ မည်ကဲ့သို့သော ဘ၀အထွေထွေမဆို ဖြစ်ပေါ်တတ်ပေရာ ထုအဖြစ်မျိး ကို အချိန်ကုန်ခံ၊ လေကုန်ခံ၍ တွေးတောအကဲဖြတ်မည့်သူ နည်းပါးလှသည်။
မည်သို့ပင် ရှိစေ ဦးဂင်ရန်လီသည် ထိုမိသားစုနှင့် မပတ်သက်ခဲ့ရသည်ကိုတော့ သူ့တပည့်များ အားကြိတ် ၍ ကျေးဇူးတင်လျက်ရှိသတည်း။

တပုဒ်ပြီး၏
နောက်အသစ် တပုဒ် ဆက်ရန်
.
>>>ဆက်ဖတ်ရန်>>> >>

Monday, October 29, 2012

တင်မောင်မြင့် ဘာသာပြန် မုန်တိုင်းထန်ကမ်းခြေ, အပိုင်း (၉)

ဆလိုကမ်
ဝါရှင်တန်
(သုံးရက်မြောက်နေ့)


ကျုပ်နာမည် က ဆလိုကမ်၊ စစ်သက်နှစ်ဆယ့်ရှစ်နှစ်ရှိပြီ၊ ဒါမျိုး တစ်ခါမှမကြုံဖူးခဲ့ဖူးဘူး၊ ဘာနာကိုစတာ မှာ ကျုပ် ရောက်နေတာလေ။
မိုးတွေ သောက်ရမ်း ရွာချနေချိန်ပေါ့။ ရဟတ်ယာဉ်ပေါ်က ဆင်းမယ်လုပ်တော့၊ အလို… ထူးထူးဆန်း ဆန်း ပါလား၊ ဧရာမ လင်မိုဆင်းကားကြီး ရဟတ်ယာဉ်ခြေရင်းမှာ အသင့်စောင့်လို့ဗျား။ လေတပ်ဗိုလ် ကြီး တစ်ယောက် က ကျုပ်ကို ပုံစံကျကျ အလေးပြုပြီး ကားတံခါး ဖွင့်ပေးတယ်။
အလဲ့… တော်တော် အရေးပါနေပါလား။ ဘာမှနားမလည်နိုင်အောင် ဖြစ်သွားတယ်။ စောစော နာရီပိုင်း မှာတုန်း က ကျုပ်ကို သောက်ဂရုစိုက်မယ့်လူ တစ်ယောက်မှမရှိပါဘူးဗျာ။ ကားထဲကို ကျွန်တော် ငုံ့ဝင် လိုက်တယ်။ ချက်ချင်း တံခါးပိတ်သွားပြီး ငြိမ့်ခနဲ ထွက်လာခဲ့သည်။ ဘေးခုံမှာ လူတစ်ယောက် ပါလာ တယ်။ အနက်ရောင် ဝတ်စုံနဲ့။

သူက လက်ကမ်းပေးပြီး…
"ပြန်တွေ့ရတာ ဝမ်းသာတယ် ဗိုလ်မှူးကြီး"
မှောင်နေလို့ သူ့မျက်နှာကို ကျုပ် သဲသဲကွဲကွဲ မမြင်ရဘူး။ ဂိတ်ဝကိုဖြတ်တော့မှ မီးရောင်မှာ ကျုပ် သူ့ကို ငဲ့ကြည့်ခွင့် ရတယ်။ ကျုပ် လန့်သွားတယ်ဗျ။ မိုက်ကွမ်လိုစီပါလား။ သမ္မတရဲ့အမျိုးသား လုံခြုံရေး ကောင်စီဝင်လေ။
သူ ဘာဆိုလိုတာပါလိမ့်။ သူနဲ့ ကျုပ် တစ်ခါမှမဆုံဖူးပါဘူး။ မြစ်ကူးတံတားပေါ်ကို ကားကြီး ဖြတ်မောင်း နေတုန်း ကျုပ် စကားစ ရတော့တာပေါ့။
"ဒီမယ်… မစ္စတာ ကွမ်လိုစီ၊ ရုပ်မြင်သံကြားနဲ့ သတင်းစာတွေမှာ ခဏခဏ မြင်နေရတော့ ခင်ဗျားကို ကျုပ် သိပါတယ်၊ ဒါပေမယ့် ကျုပ်တို့တစ်ခါမှ မဆုံဖူးဘူးလေ"
"ဆုံဖူးတာပေါ့ ဗျာ၊ ၁၉၈၀-ခုနှစ်၊ ဧပြီလ ၂၅ ရက်နေ့လေ၊ မြောက်ကာရိုလိုင်းနား အရက်ဆိုင်တစ်ဆိုင် မှာ၊ အတော် ညဥ့်နက်နေပြီလေ"
သူက ကျုပ်ကိုကြည့်ပြီး ဇဝေဇဝါဖြစ်နေတဲ့ပုံကို သဘောကျနေဟန် တူရဲ့။ တစ်ချက် ရယ်ပြီး စကား ဆက်သည်။

"အီရန် က သုံ့ပန်းတွေကို ကယ်ဆယ်ဖို့ စစ်ဆင်ရေးကျဆုံးတဲ့နေ့မှာလေဗျာ၊ ခင်ဗျား သောက်ရမ်းမူးနေ တယ်၊ စကားတွေလဲ အများကြီး ပြောတယ်၊ ကျွန်တော်က နားထောင်သလားလေ၊ ကျွန်တော်ကိုယ် တိုင် လဲ တော်တော်မူးနေပြီ"
ခုမှ ကျုပ် ရေးရေးပေါ်တယ်။ ဒေါပွပွနဲ့ သောက်ရမ်းမူးပစ်လိုက်တဲ့ ညပေါ့။ အဲဒီတုန်းက ကျုပ်အနားမှာ ထိုင်သောက်နေ တဲ့ ငနဲက မုတ်ဆိတ်မွေးနဲ့ပါ။
"ခင်ဗျား မုတ်ဆိတ်မွေး ထားသလား"
"ဟုတ်တယ်၊ အဲဒီတုန်းက မုတ်ဆိတ်မွေးနဲ့၊ ကျွန်တော်က ရွေးကောက်ပွဲမဲဆွယ်ဖို့ အဲဒီရောက်လာတာ၊ ခင်ဗျားက ဖို့ဘရက် က ထွက်လာပြီး တအားသောက်တဲ့ ညပေါ့"
"ကျုပ် တမင် အမူးသောက်ပစ်လိုက်တာလေ"

"ဟုတ်တယ်၊ ခင်ဗျား နှစ်နာရီလောက် စကားပြောတယ်၊ ဒေါသူပုန်ထတယ်၊ ဒီမယ်… ဗိုလ်မှူးကြီး၊ ခင်ဗျား ပြောတာတွေ ကျွန်တော် သဘောကျတယ်ဗျာ။ ဒါကြောင့် ခင်ဗျားနာမည်ကို ကျွန်တော် မှတ်မိ နေတာ၊ အဲဒါ နဲ့ မနှစ်က ကျွန်တော် ဒီရာထူးရလာတော့ ခင်ဗျားကို ကျွန်တော် ရှာခဲ့သေးတယ်၊ အဲဒီတုန်း က ဗိုလ်မှူးပဲ ရှိသေး တယ်နော်၊ ကျွန်တော် အရမ်းအံ့သြသွားတယ်၊ ဒါနဲ့ ခင်ဗျား ကိုယ်ရေးဖိုင်တွဲယူဖတ် ကြည့်တယ်၊ အဲဒီတော့ မှ နားလည်သွားတယ်၊ တပ်မတော် အရာရှိတစ်ယောက်အနေနဲ့ ခင်ဗျားက ပွင့် လင်းလွန်းအားကြီး တာကိုးဗျ"
"ဟုတ်တယ်၊ ကျုပ်က ဗိုလ်မှူးကနေ မတက်တော့ဘူးထင်နေတာ၊ ဒါမှမဟုတ် ဖ-ထ-ခ နဲ့ ထိမှာပဲလို့"
"ဘာလဲဗျ ဖ-ထ-ခ ဆိုတာ"
"ဖြုတ်ထုတ်ခံလေ၊ ခုလဲမထိဘူး မပြောနိုင်သေးဘူး"
သူက ခေါင်းတညိတ်ညိတ် နားထောင်ပြီး မဲ့ပြုံးပြုံးတယ်ဗျ၊ ပြီးတော့ မေးတယ်။

"ခင်ဗျား သူ့ကို ထိုး ဖို့ လိုလို့လား"
"လိုတာပေါ့၊ နောက်ထပ် ထိုးဖို့လဲ ကျုပ် ဝန်မလေးဘူး"
သူ ပခုံးတွန့်ပြီး လွတ်လပ်ရေးရိပ်သာလမ်းကို ချိုးအကွေ့မှာ စကားဆက်သည်။
"ထားပါတော့လေ၊ လွန်ခဲ့တဲ့ တစ်နှစ်ကတော့ ခင်ဗျားကို ချည်ဖို့ကြိုးတွေ ကျွန်တော် ရှင်းပစ်လိုက် တယ်၊ ဒါကြောင့် ခင်ဗျား ဒီရာထူး ရတာ"
"ကျေးဇူးတင်ပါတယ် ဗျာ၊ ဒါပေမယ့် အဲဒီတုန်းက သောက်ရမ်းအံ့သြရသလို စိတ်လဲ တော်တော်ညစ် သွားတယ်ဗျ၊ ဘာဖြစ်လို့လဲတော့ ကျုပ်လဲ မသိဘူး"
သူ ပြတင်းအပြင် ကို လိုက်လာတယ်၊ ကောင်မလေးတစ်ယောက် လူသွားလမ်းပေါ် လျှောက်သွားနေ တယ်၊ ထီးကို တစ်ဖက်၊ စကတ်အနားကိုတစ်ဖက်ကိုင်လို့ သလုံးသားအလှက အရေးထဲမှာပေါ်လွင်နေ သေး ဗျာ၊ ကောင်မလေး ကို လျှပ်တစ်ပြက်ဖြတ်ပြီး လမ်းတစ်လမ်းထဲ ချိုးကွေ့လိုက်မှ သူ စကားဆက် သည်။

"ကျွန်တော်ဟာ အားလုံးနဲ့ ရေစုန်ကို မျှောလိုက်ချင်တယ်၊ ဒါပေမယ့် မဖြစ်ဘူး၊ ခင်ဗျားပြောတာတွေကို သဘောကျ တယ်၊ ဒါထက် မြင့်တဲ့တစ်နေရာကနေ ပြောခွင့်ရရင် ပိုပြီးတန်ဖိုးရှိမယ်၊ ကျွန်တော့်ရာထူး အရှိန်အဝါကြောင့် ဒီ အတွေးမျိုး ဝင်လာသလားတော့ မသိဘူး။ အရမ်းတက်ကြွနေချိန်ကိုဗျ၊ ဒါပေမယ့် ခင်ဗျားကို ကျွန်တော် နောက်ပိုင်း မေ့ သွားတယ်၊ ပြီးခဲ့တဲ့ ညသန်းခေါင်ကမှ ပြန် သတိရတာ"
"ဘာလိုကြောင့် ပါလိမ့်"
"စန်ကာလို ကိစ္စကြောင့်ပေါ့"
"ဒင်း… ဒေါင်"
ကျုပ် ခေါင်းထဲမှာ ခေါင်းလောင်းထိုးသံ ပဲ့တင်သွားတယ်၊ သူ့ကို ထပ်မေးလိုက်တယ်။
"သူတို့ကိုကယ် ဖို့ ခင်ဗျားတို့ လုပ်ကြမလို့လား"
သူက သက်ပြင်းချပြီးတော့…
"လုပ်တော့ လုပ်ရမှာပဲ၊ ဒါပေမယ့် ပြဿနာတွေက အများကြီးရယ်၊ တွေးကြည့်ရင် နှလုံးသွေးတောင် ရပ်သွားနိုင် တယ်"

"ဒါပေါ့…ဒါပေါ့၊ အဲဒီ ချာတိတ်တွေက လူရိုင်းတွေ၊ သူတို့က ဝင်ပေါက်အားလုံးပိတ်ထားတယ်"
ပြောရင်း ကျုပ် စိတ်တွေလှုပ်ရှားလာတယ်၊ ခြောက်ရက်လုံးလုံး နေ့ရောညပါ ဖို့ဒ်ဘရက် စစ်တန်းလျား ထဲမှာ ဒီသတင်းကို နားစွင့်နေခဲ့တာလေ၊ ကျုပ်တို့ရဲ့ကြီးမားလှတဲ့ တပ်ကြီးတွေ ဘာလုပ်မလဲ၊ တပ်ရင်း က ဒီည ထွက်မလာခင် ကလေးမှာ ရေကြောင်း၊ လေကြောင်း ပိတ်ဆို့ပစ်လိုက်တယ်လို့ ကြားလိုက် တယ်၊ ကောင်း ပါတယ် မှန်ပါတယ်၊ ဒီလိုမြန်မှပေါ့၊ ကျုပ် စိတ်လှုပ်ရှားနေတာကို သူ မသိအောင် နေပြီး မေးလိုက်တယ်။
"အဲဒီအထဲမှာ ကျုပ် ပါရမယ်ပေါ့၊ ဟုတ်လား"
သူ ခေါင်းယမ်းတယ်။
"မဟုတ်ဘူး ဗိုလ်မှူးကြီး၊ တီဟီရန်ကိစ္စ ပြီးကတည်းက အထူးတပ်တွေ ဖွဲ့ထားတယ်၊ ခင်ဗျား သိမှာပါ"
"သိပါ တယ်၊ အထူးပူးတွဲ စစ်ဆင်ရေးမုန်တိုင်းတပ်တွေ မဟုတ်လား၊ အဲဒါဆို ကျွန်တော့်ကို ဘာလုပ် ဖို့ခေါ် တာလဲ"

သူအိတ်ထဲက စီးကရက်ဘူးကိုနှိုက်ပြီး တစ်လိပ်ကျုပ်ကိုကမ်းပေးတယ်။ ခေါင်းယမ်းပြလိုက်တော့ သူ့ဆေးလိပ် ကို သူမီးညှိတယ်။ နောက် သက်ပြင်းချပြီ...
"ညက ဒုဦးစီးချုပ်ရယ်၊ သမ္မတရယ်၊ ကျွန်တော်တို့ လုံခြုံရေးကောင်စီရယ်၊ ကယ်ဆယ်ရေး ကိစ္စ ဆွေးနွေးကြတယ်၊ ဗိုလ်မှုးကြီး၊ အစည်းအဝေးခန်းထဲမှာ သူတို့ပြောတာတွေ နားထောင်ရင်း ခင်ဗျား မူးမူးနဲ့ ပြောခဲ့ တာတွေကို ကျွန်တော်ပြန်သတိရနေတယ်၊ ကျွန်တော်ဟာ ရှေ့နေတစ် ယောက်မို့ စစ်ရေး ကိစ္စတွေ မသိ ပါဘူး၊ ဒီကိစ္စခင်ဗျားကလွဲပြီး ဘယ်သူ့မှ ကျွန်တော်မပြောသေး ဘူးနော်၊ သူတို့စီမံချက်က အတော်ကလေး နိပ်ပါတယ်၊ ဒါပေမယ့် များ လွန်းနေသလားလို့"
ကျုပ် ရယ်ချလိုက်မိတယ်။

"သိပ်သေချာတာပေါ့ဗျာ၊ သူတို့လုပ်လိုက်ရင် ဆင်ချည်တဲ့ကြိုးနဲ့ ကြက်ချည်တဲ့ပုံစံတွေချည်း မဟုတ်လား၊ နော်မန်ဒီ ကမ်းခြေတက်သလို သူတို့တက်မှာ မဟုတ်လား၊ ထားပါလေ၊ ကျွန်တော့် ကိုခေါ်တဲ့ ကိစ္စက...."
ကွမ်လိုစီက မီးခိုးတွေမှုတ်ထုတ်နေတယ်၊ ပြီးတော့စိတ်မရှည်သလို စီးကရက်ကို ထိုးခြေပြီး....
"ကျွန်တော် ခုသမ္မတ နဲ့ သိပ်တွဲနေရတယ် ဗိုလ်မှုးကြီး၊ စီမံချက်ကိုနားထောင်ပြီး သမ္မတက သူ့စစ်ဘက် အကြံပေးတွေကို မေးတယ်၊ ဘယ်လိုသဘောရသလဲတဲ့၊ သူတို့အားလုံးက ၀ိုင်း ထောက်ခံနေကြတယ်"
"ထောက်ခံ ရမှာပေါ့၊ ဒု-ဦးစီးချုပ်ကို သူတို့ဘယ်ဝေဖန်မလဲ"
"မှန်တယ်၊ ကျွန်တော်က သမ္မတ ကို အကြံပေးတယ်၊ ယှဉ်စဉ်းစားဖို့ တစ်မျိုးမျိုး ရှိသင့်တယ်လို့၊ အပြိုင်စီမံချက် တစ်ခုခုပေါ့"
"အိုး....ဒီလိုကိုး၊ ဒါကြောင့် ဆလိုကမ် ပါလာတာကိုး"

"ဟုတ်တယ်၊ ဗိုလ်ချုပ်ကြီး ဂရန်နဲ့ ထိပ်တိုက်တွေ့လို့ရှိရင်လဲ ခင်ဗျားရဲ့ လက်ရှိအခြေအနေ ဘာမှ မထိခိုက်စေ ရဘူး"
"ကျုပ်သမ္မတနဲ့ တွေ့ရမှာလား"
"အဲဒါတော့မထင်ဘူး၊ အစည်းအဝေးကို ဗွီဒီယိုရိုက်ထားတယ်၊ အဲဒါကြည့်ပြီး ခင်ဗျားဝေဖန်စရာရှိ တာဝေဖန် ရမယ်"
"ဒါဆိုရင်တော့ ကျုပ်ကိုပြန်ပို့၊ တပ်ထဲမှာ ထင်းခွဲနေတာကမှ အဓိပ္ပာယ်ရှိဦးမယ်"
"ဒါဆိုလဲ ကြည့်သေးတာပေါ့ဗျာ"
ဒီလိုနဲ့ ကျုပ် တို့ အိမ်ဖြူတော်ထဲဝင်လာခဲ့ကြတယ်၊ ကျုပ်စိတ်တွေလှုပ်ရှားနေတယ်၊ ဘယ်ဆိုးလို့ လဲ၊ စစ်သားအိုကြီး ဆလို ကမ်အိမ်ဖြူတော်အထိ ပေါက်ရောက်နေပါသလား။
အိမ်တော်အ၀င်ဝ မှာ လုံခြုံရေး အလုံအလောက်ချထားတာတွေ့ရတယ်၊ ရိုးရိုးရဲသားပုံစံတွေ၊ ဒါပေမယ့် သူတို့ဟာ ရဲအရေခြုံအက်ဖ်ဘီအိုင်တွေဖြစ်မှာ သေချာတယ်။
တစ်ယောက် က ကားထဲကိုငုံ့ကြည့်တယ်၊ ကွမ်လိုစီကိုမြင်တော့ အလေးပြုပြီး ၀င်ခွင့်ပေးတယ်။

အမိုးခုံးခုံးနဲ့ လှပခန့်ညားလှတဲ့ အတွင်းမုခ်ဝကြီးဆီကို ကျုပ်တို့ ဖြည်းဖြည်းဆင်းလျှောက်လာခဲ့ကြ တယ်၊ အတွင်းဘက် မှာ လုံခြုံရေးနဲ့ ထောက်လှမ်းရေးသမားတစ်ယောက်စားပွဲတစ်လုံးနဲ့ ထိုင်နေ တယ်။
"မင်္ဂလာညခင်ပါခင်ဗျာ"လို့ နှုတ်ဆက်ပြီး အလေးပြုတယ်၊ ကွမ်လိုစီက သဘောလောက်ခေါင်း ညိတ်ပြပြီး ဆက်လျှောက် သွားတယ်၊ ဒါလောက်ပဲလား၊ သမ္မတအိမ်တော် အ၀င်ဝမှာ ထားရှိတဲ့ လုံခြုံရေးစနစ်ကို အံ့သြနေမိ တယ်။
ယာဘက်ကို ချိုးကွေ့ပြီး လူသွားလမ်းတံခါးတစ်ချပ်မှာ သူရပ်တယ်၊ ဂဏန်းသော့ကို လှည့်ဖွင့် တယ်၊ ပွင့်သွားတော့ တွန်းဝင်သွားတယ်၊ သူ့နောက်ကို ကျုပ်လိုက်သွားတော့ ပထမဆုံး ကုမ္ပဏီ ရုံးခန်းနဲ့ တူတဲ့ ရုံးခန်းကလေးကို တွေ့ရတယ်။
အတွင်းရေးမှုး အမျိုးသမီးနှစ်ယောက် လက်နှိပ်စက်ကိုယ်စီနဲ့ အလုပ်လုပ်နေကြတယ်။ လူတစ် ယောက်က ပခုံးနဲ့ လည်ပင်းမှာတယ်လီဖုန်းညှပ်ပြီး စကားပြောနေတယ်။ ကျုပ်ကို စိတ်ဝင်စားမှု အလျဉ်းမရှိတဲ့ မျက်လုံးတွေ နဲ့ လှမ်းကြည့်တယ်။

တံခါးရွက်ကို တွန်းဖွင့်ပြီး တခြားရုံးခန်းတစ်ခုဆီကို ဆက်လျှောက်သွားကြတယ်၊ ကွန်ပျူတာ တစ်လုံးနဲ့ အမျိုးသမီး တစ်ယောက် အလုပ်လုပ်နေတယ်။
ကွမ်လိုစီက....
"ဟဲလို ဂေးလ်၊ ရော်ဂျာကို ဧည့်ခန်းထဲလာဖို့ပြောလိုက်ကွာ"လို့ ပြောခဲ့ပြီး နှစ်ယောက်သား အတွင်း ခန်းတစ်ခန်း ထဲကို ၀င်ခဲ့တယ်။ အခန်းထဲရောက်တော့ ကျုပ်စိတ်ပျက်သွားတယ်၊ အမေရိ ကန်နဲ့အထွတ်အထိပ် အိမ်ဖြူတော် ရဲ့ဧည့်ခန်းတဲ့။
အခန်းကခပ်သေးသေး၊ ဖောင်းကြွသစ်သားနံရံတွေနဲ့။ လူနှစ်ဒါဇင်လောက်ပဲ ဆံ့မယ်။ စားပွဲ ရှည်ကြီးမှာ ကုလားထိုင် က ဆယ်နှစ်လုံး ပဲ ရှိတယ်။ နံရံတစ်ဖက်မှာ ဧရာမတီဗွီဖန်သားပြင်ကြီး၊ အခြားတစ်ဖက်မှာ ကမ္ဘာ့မြေပုံကြီး၊ အတော်ဟောင်းနေပြီး။ နံရံတစ်လျှောက် မှာ ပုံစံကားချပ်တွေ တင်တဲ့သုံးချောင်းဒေါက်တွေနဲ့ တယ်လီဖုန်းတွေ အများကြီးတန်းစီနေတယ်။ တစ်ခန်းလုံး ရေမွှေး နံ့သင်းလို့။

"ဆံပင်ညှပ်ဆိုင်ထဲ ၀င်လာရသလိုပဲဗျ"လို့ ကျုပ်မှတ်ချက်ပေးတော့ ကွမ်လိုစီက... "အေးဗျ၊ အိမ် တော် စီမံခန့်ခွဲရေးမှုး က အခြောက်လားမသိဘူး"တဲ့။ တံခါးခေါက်သံနဲ့အတူ လူပုပုသေးသေးလေး တစ်ယောက် ၀င်လာ တယ်၊ သူ့ကြည့်ရတာ သိပ်ပင်ပန်းနေပုံပဲ၊ ဒါပေမယ့် လူ ကတော်တော်ထက် မယ့်ပုံ၊ ကွမ်လိုစီက လက်ဝေ့ပြပြီးတော့....
"ကင်ရော်ဂျာ တဲ့၊ ကျွန်တော့်ရုံးအဖွဲ့မှုး တစ်ယောက်ပဲ၊ သူဖွင့်ပြလိမ့်မယ်၊ ကင်ဒါဗိုလ်မှုးကြီး ဆလို ကမ်"
ကျုပ် တို့နှစ်ယောက် လက်ဆွဲနှုတ်ဆက်ကြတယ်၊ သူ့လက်ကနူးညံ့ပြီး ချွေးစို့နေသလိုပဲ။ ကျုပ်က သူ့လက်ကို ညှစ်ပြီး နှုတ်ဆက်တော့ သူ့မျက်နှာ နည်းနည်းရှုံ့သွားတယ်။
ကွမ်လိုစီ က လက်မှနာရီကို ငုံ့ကြည့်ပြီး...
"အားလုံး လေးဆယ့်ငါးမိနစ် ကြာတယ်၊ ပြီးရင် ကျွန်တော့်အခန်းမှာ ခင်ဗျားနဲ့ ပြန်ဆုံမယ်"

သူထွက်သွားတော့ ရော်ဂျာက ကုလားထိုင်တစ်လုံးမှာ ထိုင်ဖို့ ကျုပ်ကိုလက်ဝေ့ပြတယ်။ စားပွဲပေါ် ကမှတ်စု စာအုပ်တွေနဲ့ ဘောလ်ပင်တွေ ချထားတယ်။ ဓာတ်ဘူးတစ်လုံးနဲ့ ဖန်ခွက်တစ်ခွက်ရှိ တယ်။ ကျုပ်နေရာ ယူလိုက်တာနဲ့ ရော်ဂျာက အောက်စက်ခလုတ်တွေနဲ့ အလုပ်ရှုပ်နေပြီ။
ပထမဆုံး မြင်ကွင်း ထဲမှာ ဗိုလ်ချုပ်ကြီးမက်သယူးဂရန့်စ်ပေါ်လာတယ်။ သူ့နောက်ဘက် ဘယ်လက်မှ သံရုံးပ ရ၀ဏ် အသေးစိတ်မြေပုံကားချပ်ကြီး။ ညာဘက်မှာတော့ စန်ကာလိုမြေပုံ။ ဂရန့်စ်ဆိုတဲ့လူက ခပ်ချောချော။ မျက်နှာလေးထောင့် နဲ့ ဆံပင်တွေဖြူနေပေမယ့် ဂရုတစိုက် လှလှ ပပဖြီးထားတယ်။ ၀တ်ထားတဲ့ ယူနီဖောင်းက သူ့ခန္ဓာကိုယ် နဲ့ကွက်တိ။ အသံကပျားရည်နဲ့ ပုလင်းကွဲတွေ ရောမွှေထားတဲ့အသံမျိုး။ ဆယ်မိနစ်လောက် ကျုပ်ပါးစပ်အဟောင်းသား နဲ့ ကြက် သေသေနေမိတယ်။ စိတ်ညှို့ခံရတဲ့လူလို အကြောင်သားဖြစ်နေ တယ်။ ပြီးတော့မှ စကားလုံးတစ် လုံးချင်းကို ပြန်စဉ်းစားရတယ်။ ကျုပ်တစ်ကိုယ်လုံးကျဉ်တက်သွားတယ်။

ရော်ဂျာ က ကျုပ်နံဘေးမှာထိုင်ပြီးဖန်သားပြင်ကိုကြည့်နေတယ်။ မိနစ်သုံးဆယ်လောက် ကြည့်ပြီး၊ နားထောင်ပြီးတော့ ကျုပ်ဗိုက်ထဲမှာ အော်ဂလီဆန်လာတယ်။ မိနစ်လေးဆယ်လဲပြည့်ရော ခေါင်းတွေ ကိုက်လာတော့ တာပဲ။ ဂရန့်စ်ရဲ့တင်ပြချက်ပြီးသွားပြီ၊ ရော်ဂျာကိုအက်စ်ပရင်ခြောက် လုံးယူခဲ့ဖို့ ကျွန်တော်ပြောလိုက် တယ်။
ကျွန်တော်ပြောတဲ့အတိုင်း သူယူလာတယ်။ ရေနဲ့ကျွန်တော် မော့ချလိုက်တော့ သူက နားမလည် နိုင် သလိုလေသံနဲ့...
"ခြောက်လုံး စလုံး သောက်ပစ်တယ် ဟုတ်လား၊ မများလွန်းဘူးလား ဗိုလ်မှုးကြီး"
"ခင်ဗျား ဘယ်လောက်သောက်လဲ"
"အများဆုံး သုံးလုံး"
"ခင်ဗျား ကိုယ်အလေးချိန် ဘယ်လောက်လဲ"

"တစ်ရာငါးဆယ့်ငါး"
"ဆေးဆိုတာ ကိုယ်အလေးချိန်နဲ့တွက်ပေးတာ၊ ကျုပ်ကပေါင်သုံးရာနား ကပ်နေတာ၊ ကဲ...သွား တော့"
ယူ သွားတော့ မှတ်စုစာရွက်တွေကိုငုံ့ကြည့်နေမိတယ်၊ ဘာတစ်လုံးမှ မှတ်မထားလိုက်မိ။ အဖြူ ရောင် မှန်သားပြင် ကိုလှမ်းကြည့်လိုက်ပြန်တယ်။ ကျုပ်ခုကြားလိုက်ရတဲ့ စီမံချက်ကို သမ္မတနဲ့ သူ့အကြံပေး ပါရဂူတွေပါထိုင်ပြီး နားထောင်တာ တွေ့လိုက်သားပဲ။
ကျုပ်ရင်ထဲက ဝေဒနာက လျော့မသွားသေးဘူး၊ မတ်တတ်ထပြီး လမ်းလျှောက်နေ လိုက် တယ်၊ မြင်သမျှကြားသမျှတွေကို ခေါင်းထဲက ထုတ်ပစ်ဖို့ ကြိုးစားနေတယ်။ နံရံကမြေပုံကိုလဲ လှမ်းကြည့် မိရဲ့၊ စန်ကာလို ဆိုတဲ့ ကျွန်းနိုင်ငံလေးက သေးလွန်းတော့ မြေပုံထဲက စာလုံးတွေ အားလုံးလိုလို ကာရီဘီယံ ပင်လယ်ထဲ ရောက်နေ တယ်။

ကျုပ်ခေါင်းထဲမှာ ချက်ချင်းပေါ်လာပါရဲ့၊ ဒါပေမယ့်လမ်းမှန်ကမ်းမှန် ၀င်လာတာမျိုးတော့ မဟုတ် ဘူး၊ ဖျတ် ခနဲပေါ်လာပြီး နာကျင်မှုတွေကို သက်သာစေတဲ့ အလင်းတန်းတစ်မျိုး။
ဒါပေမယ့်ဘယ်သူက လက်ခံမှာလဲ၊ ဂရန့်စ်နဲ့ သူဗိုလ်ချုပ်တွေ ပယ်ချမှာတော့ သေချာတယ်၊ ကွမ်လိုစီကတော့ သဘောတူကောင်း တူမယ်၊ ဒါပေမယ့် သူကစစ်ဆင်ရေး အကြောင်းဘာမှမသိတဲ့ လူမဟုတ်ဘူး၊ သမ္မတကိုယ်တိုင် ကကော၊ သူလဲဗိုလ်ချုပ်တွေပြောတာပဲ လက်ခံမှာပေါ့၊ တစ်ခုတော့ ရှိတယ်။
ရော်ဂျာ က တံခါးဖွင့်ပြီး သူ့နာရီကို လက်နဲ့ထောက်ပြတယ်၊ သူနဲ့အတူ ကွမ်လိုစီအခန်းကို ကျုပ်လိုက် သွားတယ်။ သူကကုလားထိုင်နောက်ကိုမှီးပြီးတော့ ခြေထောက်နှစ်ဖက်ကို စားပွဲပေါ် ပစ်တင်ထားတယ်၊ လက်တစ်ဖက် မှာ တယ်လီဖုန်းနဲ့၊ နောက်တစ်ဖက်မှာ စီးကရက်နဲ့ ရှေ့က ကုလားထိုင်ကို သူလက်ညှိုးထိုးပြပြီး ဖုန်းဆက်ပြောနေတယ်။

"အဲ...ဟုတ်တယ်လေ ဟားလ်၊ ဒါပေမယ့် ဟိုခွေးသားတက်စလာ ကိစ္စကို မမေ့နဲ့ဦး၊ အဲဒီကိစ္စ ဘယ်တော့မှ သူ့ခေါင်းထဲ က မထွက်ဘူး၊ ဟုတ်ပြီ၊ ဒါပေမယ့်အဲဒီကိစ္စ ဦးစားပေးပြီး...."
တံခါးပိတ်သံနဲ့အတူ ကွမ်လိုစီက ခြေထောက်ကိုကြမ်းပေါ်ချလိုက်တယ်၊ ဖုန်းကို ခွက်ထဲပြန် ထည့် ပြီးစီးကရက်ကို ထိုးခြေရင်း မေးတယ်။
"ကော်ဖီလား"
"နေပါ့စေ၊ ကျုပ်မသောက်တော့ဘူး"
"ဘယ်လို သဘောရလဲ"
"လုံးဝ သောက်အဓိပ္ပာယ်မရှိတဲ့ လဒူစစ်ဆင်ရေးပဲ"
သူက ဆံပင်တွေ ကိုထိုးဖွပြီး သက်ပြင်ချတယ်၊ သိပ်ပင်ပန်းနေတဲ့ ပုံမျိုး။
"ဘာဖြစ်လို့လဲဗျ"
"မဖြစ်နိုင်တဲ့ ကိစ္စပဲ၊ လက်တွေ့လုပ်လို့ မရနိုင်တဲ့ စိတ်ကူးယဉ် သက်သက်ပဲ"

သူခေါင်းထောင်လာပြီး...
"ဘာဗျ"
"ကျုပ်ပြောတာ ခင်ဗျားကြားပါတယ်၊ ကဲ...စန်ကာလို သံရုံး အသိမ်းခံရပြီးကတည်းက ခင်ဗျား ကောင်းကောင်း မအိပ် ရဘူး မဟုတ်လား၊ ခင်ဗျားဟာ လူတော်တစ်ယောက်ပါ၊ အတွေးအခေါ်မြင် တဲ့လူတစ်ယောက်ပါ၊ ဘာမှအဓိပ္ပာယ်မရှိ တဲ့ စကားလုံးတွေ နားထောင်ပြီး ဘာလို့အချိန်ကုန်ခံမှာ လဲ၊ အိပ်ရေးဝအောင် အိပ်လိုက် ပါလား၊ အဲဒါမှ ပိုပြီးအကျိုးရှိတဲ့ အဖြေတစ်ခုခု ထွက်ချင်ထွက်လာ ဦးမယ်"
သူ့ကြည့်ရတာ မီးစာကုန်ဆီခန်းဖြစ်နေတဲ့ပုံ၊ ဆေးလိပ်တစ်လိပ် ထပ်ညှိသောက်တယ်၊ ပြီးတော့ အသံပြတ်နဲ့...
"ကဲ....ရှင်းစမ်းပါဦး"

"သူ့ဟာက အောင်မြင်ဖို့ ရာခိုင်နှုန်း သုံးဆယ်တောင်မရှိဘူး၊ အဲဒီအတွက် အကြောင်းပြစရာ အချက်အလက် တစ်ဒါဇင်မက ကျုပ်မှာရှိတယ်၊ အဲဒီအကြောင်းပြချက်တွေကို ခင်ဗျားနားလည်ရင်၊ ပြီးတော့ သမ္မတကိုပါ နားဝင်အောင် ပြန်ပြောနိုင်ရင် သူစိတ်ပြောင်းချင် ပြောင်သွားမလားပဲ၊ သူ့ဗိုလ်ချုပ်ကြီးတွေကို စီမံချက် အသစ် ထပ်လုပ်ခိုင်း၊ ကွန်ပျူတာတွေ နဲ့ ထပ်တွက်ရင်တော့ သောက်သုံးမကျတဲ့ အဖြေပဲထွက်မှာပဲ"
သူက အေးစက်စက်လေသံဖြင့် ကျုပ်ကိုသရော်တယ်။
"စောစောက အခွေကို ကြည့်ပြီးပြီးချင်းခင်ဗျားခေါင်းထဲ တစ်ခုခုဝင်လာတာ မဟုတ်လား"
"ခင်ဗျား သောက်ရမ်းလျင်တာပဲ"
"ဒီမယ် ဗိုလ်မှုးကြီး ခင်ဗျား၊ အသုံးအနှုန်းတွေကာလံဒေသံ ကိုက်ညီရဲ့လား"
ကျုပ် မတ်တတ်ထရပ်လိုက်တယ်။

"မစ္စတာကွမ်လိုစီခင်ဗျား၊ တပ်ကိုပြန်ရောက်တာနဲ့ရင်ဆိုင်ရမယ့် အခြေအနေတွေ ကျုပ်ကြိုမြင်ပြီး သားပါ၊ ကျုပ်ကခင်ဗျား ကို မျက်နှာချိုသွေးပြီး မင်းလိုလိုက် မင်းကြိုက် ဆောင်ရင် ကျုပ်ကိုထပ်ပြီး သူကောင်းပြုမယ်၊ ဒါပေမယ့် စကားလုံးတွေ ကို ပျားရည်ဆမ်းပြီး ပြောရတာကျုပ်အတွက် အဆိပ် မျိုရသလိုပဲ၊ ကျုပ်အကြောင်း ခင်ဗျားသိပါတယ်လေ၊ ညကခင်ဗျားနဲ့အတူ သမ္မတရယ်၊ ဗိုလ်ချုပ်တွေရယ် ဒီအခွေကိုကြည့်ပြီး အရမ်းသဘောကျ သွားတယ် မဟုတ်လား၊ အပေါ်ယံက အလှခြယ်ထားတာကိုး၊ အထူးသဖြင့် အရပ်သား တစ်ယောက်အတွက် အဟုတ်ကြီး ထင်မှာပဲ၊ ခင်ဗျားလို သမ္မတအနားမှာ နေရတဲ့လူတစ်ယောက်အနေဲ့ ဆူးပေါက်ချင် စရာတွေလေ"

ခင်ဗျားက လုံခြုံရေးကောင်စီက ဖြစ်ပေမယ့် စစ်ရေးဖြစ်နေလို့ ခင်ဗျားမှာ ဆွေးနွေးစရာ အချက် အလက်တွေ လိုနေတယ်၊ ဒါကြောင့် ကျုပ်ကိုလာခေါ်တယ်၊ ကျုပ်အမြင်တွေ ညှစ်ထုတ်ယူပြီး သမ္မတနဲ့ နောက်ဆွေးနွေးပွဲမှာ ခင်ဗျား ထပ်တင်မယ်၊ ထားပါလေ၊ ခင်ဗျားရဲ့ အနှစ်သာရကဘာလဲ၊ သုံ့ပန်းတွေကို အရှင်ပြန်ရချင်တာလား၊ သူတို့အလောင်းတွေ ကို ပြန်ယူချင်တာလား
သူက စီးကရက်မီးခိုးငွေ့တွေ ကျုပ်ဘက်မှုတ်ထုတ်ပြီး...
"ခင်ဗျားမေးခွန်းကြီး က ရွှံစရာ ကောင်းလိုက်တာဗျာ"
"ခင်ဗျားက နိုင်ငံရေးသမား မို့ ကျုပ်ကမေးရတာ"
"နိုင်ငံရေး ကို အသာဘေးဖယ်ထားစမ်းပါဗျာ"
"ဒါဆို သမ္မတနဲ့ ကျုပ်ကိုပေးတွေ့မလား"
သူရယ်ပစ်မလား၊ ဒါမှမဟုတ် ဒေါပွမလား၊ ပြောပြီးမှ ကျုပ်စိတ်ထဲ ထင့်သွားတယ်၊ ဒါပေမယ့် သူဘာမှ မဖြစ်ဘဲ အတွေးနက်နေပုံမျိုး နဲ့ ကျုပ်ကိုစိုက်ကြည့်ပြီး....
"တွေးပြီးတော့......"

"တွေးပြီးတော့ သူ့စစ်တပ်ထဲမှာ ဘာတွေမှားနေတယ်ဆိုတာ ကျုပ်ထောက်ပြမှာပေါ့၊ သူကကျုပ် ရဲ့စစ်ဦးစီးချုပ် ပဲ၊ နှစ်ပေါင်းသုံးဆယ်အတွင်း သူ့လက်ထက်မှာ တပ်အားအတောင့်တင်းဆုံးပဲ၊ ဘယ်သမ္မတကမှ သူ့လောက်စစ်တပ် ကို ဂရုမစိုက်ခဲ့ဘူး၊ သူကသူ့ဗိုလ်ချုပ်ကြီးတွေကို သောက်ရမ်း အထင်ကြီးတာ၊ အဲဒီအတိုင်း ဆက်သွားရင် အဲဒီသုံ့ပန်းလေးတွေသေ ဖို့ ခုနှစ်ဆယ် ရာခိုင်နှုန်းရှိတယ်၊ အဲဒါမျိုး ခင်ဗျားအနေနဲ့ သူ့ကိုပြော လို့မဖြစ်ဘူး၊ ဟုတ်တယ် မဟုတ်လား၊ ၀န်ခံစမ်းပါဗျာ"
ပြောရင်း ပြောရင်း ကျုပ်ဒေါပွလာတယ်၊ ဒေါသသံလဲ ပါသွားတယ်ထင်ရဲ့၊ ကျုပ်ဂရုမစိုက်ပါဘူး၊ သူတို့သောက်သုံး မကျလို့ သောက်တလွဲတွေ အကြိမ်ကြိမ်ဖြစ်ခဲ့ရတဲ့ အကြောင်း ကျုပ်နှစ်နဲ့ချီပြီး သိနေခဲ့ရတာ မဟုတ်လား၊ ကွမ်လိုစီ က ကျုပ်ကိုစောင့်ကြည့်နေတယ်။ ပေါ်လစ်ရောင်တဖိတ်ဖိတ် တောက်နေတဲ့ စားပွဲပေါ်ကို သူ့လက်ချောင်းကလေးတွေ နဲ့ ခေါက်နေတယ်၊ ပြီးမှသူက မေးတယ်။
"ခင်ဗျား အနေနဲ့ကတော့ ပြောလို့ဖြစ်တာပေါ့၊ ဟုတ်လား"

"သိပ်ဖြစ်တာပေါ့၊ ကျုပ်က စစ်သား၊ သူက ဦးစီးချုပ်၊ ပြောဖို့တာဝန်ကျုပ်မှာ ရှိကိုရှိနေတယ်၊ ဒီကို ခေါ်လာပြီးမှ သူနဲ့ ခဲတစ်ပစ်တောင် မဝေးတော့မှ သူ့ကိုမတွေ့ရဘူးလား၊ ခင်ဗျားမှာ ဘာဆုံးရှုံး သွားစရာရှိလို့လဲ၊ ခင်ဗျား တန်ခိုးအာဏာတွေ မှေးမှိန်သွားမှာမို့လား၊ ခင်ဗျားပဲပြောတာ၊ ကျုပ်မူးမူးနဲ့ ပြောတာတွေ သိပ်ကောင်းတယ်ဆို၊ အဲဒါကျုပ်ရင်ထဲ က စားလုံးတွေဗျ၊ ကဲ...ကျုပ်ရဲ့ သမ္မတနဲ့တွေ့ချင်တယ်ဗျာ"
သူက ကျုပ်ကိုကျော်ပြီး အဝေးကြီးကို ငေးကြည့်နေတယ်၊ အပြင်းအထန်စဉ်းစားနေပုံပဲ၊ သူ့အတွေး ကိုအနှောင့်အယှက် မပေးချင်တာနဲ့ ကျုပ်ဘာသာပြန်ထိုင်နေလိုက်တယ်၊ အလွန်အမင်းပင်ပန်းနေ လို့လား မသိဘူး။ သူဟာရှိရှိသမျှ မာနတွေကို အသာဘေးချထားပုံရတယ်။

သူ့အသက်က ငါးဆယ်ကျော်နေပြီ။ ဒါပေမယ့်လေးဆယ်ကျော်လောက်ပဲ ထင်ရတယ်။ မျက်နှာ က နုနုနယ်နယ်၊ ရွှေရောင်ဆံပင်နဲ့၊ သိပ်တက်ကြွနေတဲ့ အရွယ်၊ ရွှေလင်ပန်းနဲ့ အချင်းဆေးပြီး မွေး လာတဲ့လူစားမျိုး။ အထက်တန်းမှာရော ကောလိပ်မှာပါ ထိပ်ဆုံးကချည်းနေခဲ့တဲ့ ပုံစံမျိုး။ ဒီလိုလူမျိုးတွေအတွက် ဘယ်လမ်း သွားမလဲ။ အားလုံးက တံးခါးဖွင့် ကြိုဆိုနေမှာပဲ။ ကျုပ်တို့တပ် ထဲမှာလည်း သူလိုလူစား အများကြီးပေါ့ ဗျာ။ တော်တော်ကြိုးစားကြပါတယ်။ ဗိုလ်ချုပ်ကြီးတွေ ဖြစ်တာပေါ့လေ။ အတူတူပါပဲ။ တပ် မှာရော၊ နိုင်ငံရေးလောကမှာရော၊ အရပ်ဘက်မှာရော သူတို့ လူတွေထိပ်ဆုံးရောက်တာပါပဲ။ ဒါပေမယ့် ဒီတစ်ယောက်က မဆိုးဘူး။ ခေါင်းရှိတယ်။ သူများပြော တာနားထောင်ဖော်ရတယ်။ တစ်ခါတလေ စဉ်းစားဖော် တောင် ရသား။
စိတ်ထဲမှာတော့ သိပ်မမျှော်လင့်ပါဘူး။ ဆယ်ရေးတစ်ရေး ကိုးရေးတစ်ရာပေါ့။ တွေ့ခွင့်ရရင် အမြတ်ပဲ။
နောက်တစ်လိပ် ထပ်ညှိပြီး သူမေးတယ်။

"ဗိုလ်မူးကြီး၊ ဒီစီမံချက် မှားတယ်ဆိုတဲ့ အကြောင်းရင်းက ခင်ဗျားကာရိုလိုင်းနားမှာ မူးမူးနဲ့ပြော တဲ့ ကိစ္စတွေကြောင့်လား"
"အဲဒါထက် ပိုတယ်"
"ကျွန်တော့်ကို အဲဒီအကြောင်းတွေ မပြောချင်ဘူးဆိုပါတော့"
"ဘာလို့ အချိန်ဖြုန်းမလဲဗျာ"
သူက ခပ်ဖြည်းဖြည်း ခေါင်းညိတ်ပြီး သက်ပြင်းချတယ်။
"ကဲ...ဗိုလ်မှုးကြီး၊ ကျွန်တော်ကြိုးစားကြည့်မယ်၊ သူ့ဗိုလ်ချုပ်ကြီးဂရန့်စ်နဲ့ အရင်တွေ့မလား မသိဘူး"
"အဲဒါဆိုရင်တော့ လုပ် မနေပါနဲ့ဗျာ"
သူထရပ်ပြီးအညှောင်းဆန့်တယ်။

"အင်း...ကျွန်တော် သဘောပေါက်ပါတယ်၊ ကဲ...ခဏစောင့်ဗျာ၊ သိပ်တော့လဲ မျှော်လင့်မထားနဲ့ ဦး"
သူတံခါးဝရောက် မှ ကျုပ်လှမ်းပြောလိုက်တယ်။
"ခုမှကော်ဖီသောက်ချင်လာတယ်ဗျ"
သူခေါင်းညိတ်ပြီး ထွက်သွားတော့ ကျုပ်လဲထပြီးဟိုလျှောက် သည်လျှောက် လုပ်နေမိတယ်။ အခန်းက အပျံစား ပါလား။ ကုလားထိုင်တွေက သားရေအစစ်တွေ။ အခန်းအောင့်က ကော်ဖီစားပွဲ က မှန်အခင်းနဲ့။ နံရံမှာ ပန်းချီကားတွေ ချိတ်ထားတယ်။ အဖိုးတန်ကားတွေ၊ မှန်ပေါင်သွင်း ဓာတ်ပုံတွေလဲ အများကြီး။ နိုင်ငံတကာခေါင်းဆောင်တွေ၊ ၀န်ကြီးတွေနဲ့ တွဲရိုက်ထားတဲ့ ပုံတွေ၊ ပုပ်ရဟန်းမင်းကြီးနဲ့ တွဲရိုက်ထားတဲ့ပုံ လဲ ပါရဲ့။

နံရံမှာ တံခါးနှစ်ချပ်ရှိတယ်။ တစ်ချပ်ကို တွန်းဖွင့်ကြည့်လိုက်တော့ အိပ်ခန်း ကလေး။ စောင်တွေ၊ ခေါင်းအုံးတွေ ကလည်း အားလုံးစစ်သုံးတွေ၊ နောက်တစ်ခန်းကို ဖွင့်ကြည့်တော့ ကြွေပြားခင်းကြွေ ပြားကာအိမ်သာခန်း။ ၀င်ပြီးကြွေခွက်ထဲ မှာ မျက်နှာသစ်ပစ်လိုက်တယ်။ မျက်နှာသုတ်ဝေါတွေက ဖြူဆွတ်ဖွေးနေလို့။ အားလုံး သမ္မတ အိမ်ဖြူတော် တံဆိပ်တွေနဲ့။ ရုံးခန်းထဲပြန်ထိုင်မှ သူ့စားပွဲပေါ် ကသားရေနားကွပ် ဓာတ်ပုံ ကို မြင်မိတယ်။ တော်တော်ချောတဲ့ အမျိုးသမီး။ သားလေးနဲ့ သမီးကလေးကိုဖက်ပြီး ရိုက်ထားတဲ့ပုံ။ မျက်နှာ ကပြုံးလို့။
သည်လိုသူကောင်းသားမျိုး က အိမ်မှာလည်း တာဝန်ကျေအိမ်ဦးနတ်ပဲ ဖြစ်မှာပါ။

တံခါးပွင့်လာပြီး ကော်ဖီဗန်းနဲ့ အမျိုးသမီးတစ်ယောက်ဝင်လာတယ်။ ယမင်းရုပ်ကလေးတွေရဲ့ နှုတ်ခမ်းက အပြုံးမျိုး နဲ့ ကျုပ်ကိုနှုတ်ဆက်တယ်။ ကော်ဖီစားပွဲဆီကို လျှောက်သွားပြီး ထိုင်ချလိုက် တယ်။ အမျိုးသမီးက ခပ်ဖြောင့်ဖြောင့်၊ ကုန်းပြီးကော်ဖီငှဲ့တယ်၊ ကော်ဖီမတ်ခွက်မှာလည်း အိမ်တော် တံဆိပ်နဲ့ဗျား....။
"နို့ထည့် မလား၊ သကြားနဲ့ချည်းလား ဗိုလ်မှုးကြီး"
"ကော်ဖီနက်စ် ပဲ လုပ်ပါ၊ ကိုယ့်လောက်မည်းပစေနော်"
အမျိုးသမီးက ရယ်တော့ ကျွန်တော် မော့ကြည့်ပြီးပြုံးပြလိုက်တယ်။
"ဟုတ်ကဲ့ပါ....ဗိုလ်မှုးကြီး၊ မစ္စတာကွမ်လိုစီတော့ သနားစရာပဲ၊ စန်ကာလိုကိစ္စဖြစ်ပြီးကတည်းက အိမ်ကို မပြန်ရရှာဘူး"
"ဟိုအခန်းထဲမှာတော့ အိပ်ရာတွေ့တယ်"

ကျုပ်က ဓာတ်ပုံကို လှမ်းကြည့်ပြီး....
"အင်း...အမျိုးသမီးကတော့ နားလည်ရမှာပေါ့လေ"
"အများအားဖြင့် သူတို့တွေနားလည်တတ်ကြပါတယ်"
"အများအားဖြင့် ဆိုရင်တော့ ဖြစ်နိုင်ပါလိမ့်မယ်၊ ဒီမှာအားလုံး အလုပ်များကြမှာပဲ ထင်တယ်၊ မင်းတို့အတွက်လဲ အိပ်ရာ လုပ်ထားရမှာပေါ့၊ ဟုတ်လား"
သူက ခေါင်းယမ်းပြီးထွက်သွားတယ်၊ မျက်နှာကလေးရဲသွားသလားမသိ၊ သဘောပေါက်လိုက်ပါ တယ်။ မိန်းကလေး က အခန်းဝကနေပြီး လှမ်းပြောတယ်....
"လိုရင် ကျွန်မကို ခေါ်လိုက်ပါနော်"
"ကောင်းပါပြီဗျာ"
ကော်ဖီက ကောင်းမှကောင်း၊ တစ်ခွက်လုံးမော့ချလိုက်ပြီး နောက်တစ်ခွက်ထပ်ငှဲ့တယ်။ ပြီးတော့မှ ကျုပ်ဦးနှောက် ကို အလုပ်ပေးတယ်၊ ကံကောင်းလို့တွေ့ခွင့်ရရင်ကျုပ်ဘက်က အဆင်သင့်ဖြစ်နေရ မယ်လေ။

မိနစ်နှစ်ဆယ်ကြာမှ တံခါးပွင့်လာတယ်။ ရော်ဂျာကကျုပ်ကို လက်ညှိုးလေးကွေးပြီး ခေါ်တယ်လေ၊ သူလမ်းလျှောက်ပုံ က ဖိနပ်အောက်မှာ စပရိန်တပ်ထားသလား အောက်မေ့ရတယ်၊ သူ့ဦးခေါင်းက နိမ့်လိုက် မြင့်လိုက် နဲ့ လျှောက်သွားရတဲ့လမ်းနဲ့ ပတ်ဝန်းကျင်အခန်းတွေကိုတောင် ကျုပ်သတိမ ထားမိ လိုက်ဘူး။
ဝရန်တာနှစ်ခုလောက်ဖြတ်လျှောက်ရတယ်၊ လှေကားထစ်တွေကို တက်ချည်၊ သက်ချည်လုပ်ရ တယ်၊ နောက်ဆုံး ဧရာမ သစ်သားတံခါးရွက်ကြီးတစ်ခုဆီ ရောက်လာကြတယ်၊ ရော်ဂျာက တွန်း ဖွင့်ပေးပြီး တိုးတိုး ကပ်ပြောသည်။
"ခင်ဗျား ကံကောင်းပါစေ"တဲ့။ ပြီးတော့ ဘောက်ဆက် ဘောက်ဆက်နဲ့ လှည့်ထွက်သွားတယ်၊ အတွင်းခန်း တစ်ခန်းထဲ မှာ ကွမ်လိုစီ ကျုပ်ကိုစောင့်နေတယ်၊ တိတ်ဆိတ်နေတဲ့အခန်းထဲမှာ သူ့အသံက ပိုကျယ်နေသလိုပဲ။

"သမ္မတနဲ့ တွေ့ခွင့်တော့ ရတယ် ဗိုလ်မှုးကြီး၊ သိပ်ရှားရှား ပါးပါးရတဲ့အခွင့်အရေးပဲ၊ ဒီညသမ္မတ ကတော် နဲ့နှစ်ယောက်တည်း ညစာစားမယ်တဲ့၊ အဲဒါကြောင့် ခပ်တိုတို ပဲ ပြောဗျာ၊ ဟုတ်ပြီလား"
ကျုပ်ခေါင်းညိတ်ပြလိုက်တော့ သူကတံခါးကို တွန်းပြီး ရှေ့က၀င်သွားတယ်၊ တကယ့်ဘဲဥပုံ ရုံးခန်းကြီး၊ ဧရာမ အခန်းကြီး၊ ဒါပေမယ့် စိတ်ကျဉ်းကျပ်ခြင်းမျိုးမရှိဘူး၊ သက်သောင့်သက်သာရှိ တယ်၊ လွတ်လပ်မှုရှိတယ်လို့ ခံစား ရတယ်။
ဧရာမပြတင်းပေါက်ကြီးကို ကျောပေးပြီး အ လုပ်စာကြီးတစ်လုံးမှာ လူတစ်ယောက် ထိုင်နေ တယ်၊ နိုင်ငံတော်အလံက သူ့ပခုံးတစ်ဖက်နားမှာ၊ တစ်စုံတစ်ခုကို ငုံ့ဖမ်းနေတယ်၊ ယာဘက်လက် မှာ ဖောင်တိန်ကိုင် လို့၊ ကွမ်လိုစီ ချောင်းဟန့်သံပေးပြီး....
"ဗိုလ်မှုးကြီးဆလိုကမ် ရောက်ပါပြီ သမ္မတကြီးခင်ဗျား"
သူမော့ကြည့်တယ်၊ ဖျတ်ခနဲ ကျုပ်အလေးပြုလိုက်တယ်၊ သူမျက်နှာတစ်ချက် "ပျက်သွားတာကို ကျုပ်သတိထား မိလိုက်တယ်။ အဲဒီတဒင်္ဂမှာ ကျုပ်တွေခနဲ ဖြစ်သွားတယ် စိတ်လဲပူသွားတယ်၊ ဒါပေမယ့် ချက်ချင်း နားလည်လိုက်တယ်။ ကွမ်လိုစီက ကျုပ်လူမည်းတစ်ယောက်ဆိုတာ ထည့်ပြော မထားဘဲကိုး၊ ကျုပ်ကလည်း မည်းလိုက် သမှနက်ပြောင်နေတဲ့ကောင်။"

တစ်ဦးစီးချုပ် ဟာ သူ့တပ်မတော်ထဲက အမည်ဆုံး အကြီးဆုံး ကပ္ပလီကြီးကို ငေးကြည့်နေတယ်၊ လုံးဝမျှော်လင့်ထားတဲ့ ပုံ မရဘူး၊ ကွမ်လိုစီဘာလုပ်တာပါလိမ့်၊ ကျုပ်အသားရောင်ကို ကြိုပြောထား ဖို့မေ့နေ တာလား၊ တမင်မပြောဘဲ ထားတာလား။
သမ္မတကြီး က ချက်ချင်းဣနြေ္ဒဆည်တယ်၊ ကွမ်လိုစီကိုတစ်ချက် ငဲ့ကြည့်ပြီး စားပွဲကထလာတယ်။ သူပြုံးပုံ က ပြည့်ပြည့်၀၀ရှိတယ်၊ လက်ဆွဲနှုတ်ဆက်ပုံက တော်တော်သန်မာတယ်။ ဘယ်ဘက် လက်ကို ကျုပ်ပခုံးပေါ် တင်ပြီး ဆိုဖာခုံနိမ့်နိမ့်ကလေးတွေမှာ ထိုင်ဖို့ပြောတယ်။
သုံးယောက် ထိုင်ကြတယ်။ ကျုပ်စိတ်ထဲမှာ လှုပ်ရှားနေပေမယ့် ကြောက်စိတ်တော့ လုံးဝမရှိဘူး။ သမ္မတက ကျုပ်ရင်ဘတ်ပေါ် က တိုးလိုးတွဲလောင်း ပစ္စည်းတွေကို သေသေချာချာ ကြည့်တယ်။ ပြီးမှ......
"ဗိုလ်မှုးကြီးဆလိုကမ် ခင်ဗျား၊ ဗိုလ်မှုးကြီးရဲ့ ရင်ဘတ်တစ်ခုလုံးပြည့်နေတဲ့ တံဆိပ်တွေက တိုင်းပြည်အတွက် ဘယ်လောက် ရဲရင်ပြောင်မြောက်စွာ တိုက်ပွဲတွေဝင်ခဲ့တယ်ဆိုတာ ပြနေပါ တယ်၊ ဒါပေမယ့်မကြာခင် အချိန်မှာ စစ်ခုံရုံး တင်ခံရမယ့် စစ်သားတစ်ယောက်နဲ့ ကျုပ်တွေ့နေ တာများလားလို့လဲ တွေးမိတယ်"
သူက ခပ်ပြုံးပြုံးလေး ပြောနေတာပါ၊ ဒါပေမယ့် ကျုပ်ဘာပြန်ပြောရမှန်း မသိအောင်ဖြစ်သွားတယ်။

"သမ္မတကြီး...ခင်ဗျား၊ ကျွန်တော်တို့..."
"ဘာပဲဖြစ်ဖြစ် ကိုယ့်အထက် အရာရှိတစ်ယောက်ကို ထိုးတယ် ဆိုတာ နည်းတဲ့အပြစ် မဟုတ်ဘူး"
ခုမှ ကျုပ်ဒိုးဒိုးဒေါက်ဒေါက် တုံ့ပြန်နိုင်တော့တယ်။
"သမ္မတကြီး....ခင်ဗျား၊ အဲဒီကိစ္စအတွက် လုံးဝနောင်တမရပါဘူး၊ ကျွန်တော့်ရဲဘော် ရှစ်ယောက် လုံးလုံးမလို အပ် ဘဲ အသက်ဆုံးခဲ့ရပါတယ်၊ ကျွန်တော့်ရဲဘော် ရှစ်ယောက်..."
သူခေါင်းညိတ်တယ်။
"တော်တော့်ကို စိတ်မကောင်းစရာ အဖြစ်ပဲ၊ ဒါပေမယ့် ခင်ဗျားတို့ သိကြပါတယ်၊ ဒီလေ့ကျင့်ခန်း တွေဟာလဲ လုပ်လို့မဖြစ်တဲ့ ကိစ္စတွေလေ၊ ဒီလိုပဲ အထိအခိုက်အကျအဆုံး ရှိကြတာပါပဲ"
"မှန်ပါတယ်...ခင်ဗျာ၊ ဒါပေမယ့် ခုဟာက မလိုအပ်ဘဲ သက်သက်ဖြစ်ရတာပါ၊ တလွဲဆံပင်ကောင်း တာပါ။

တကယ့် တိုက်ပွဲတွေမှာ ရဲဘော်တွေကို ကျွန်တော်ကိုယ်တိုင်လေယာဉ်ပေါ်က ကန်ချပါ တယ်၊ ကျွန်တာ် ကိုယ်တိုင်သူတို့နဲ့ အတူ လိုက်ခုန်ချပါတယ်၊ ခုဟာကတစ်မျိုးခင်ဗျ၊ သူ့ကိုယ်သူ စိတ်ဓာတ်ဘယ်လောက် မာတယ် ဆိုတာ ပြချင်တာအဓိကပါ၊ သူကဘန်ကာကျင်းထဲမှာ ဇိမ်နဲ့ ထိုင်နေတယ်ခင်ဗျ၊ အဲဒီအဖြစ်အတွက် ကျွန်တော် စိတ်မကောင်းပါဘူး၊ ဒါပေမယ့်နောင်တတော့ မရဘူးခင်ဗျ၊ ကျွန်တော့်ကို စစ်ခုံရုံးတင်ရင်လဲ ရင်ဆိုင်ဖို့ အသင့် ပါပဲ"
"ဟုတ်ပြီလေ၊ ကဲ...ခု မိုက်က ကျုပ်ကိုရှင်းပြတယ်၊ ခင်ဗျားက စန်ကာလိုကယ်ဆယ်ရေးကိစ္စကို သဘောမတူဘူး ဆို၊ လင်းစမ်းပါဦး"
နေရထိုင်ရတာ အဆင်မပြေလှ။ ခုံတွေက ကျုပ်အတွက်နူးညံ့လွန်းနေတယ်၊ နိမ့်လွန်းနေတယ်၊ ဒူးခေါင်း နဲ့မေးစေ့နဲ့ ထိလုမတတ်ဘဲ။
"သမ္မတကြီး...ခင်ဗျား၊ ကျွန်တော့်ကို မတ်တတ်ရပ်ပြီး စကားပြောခွင့်ပြုပါခင်ဗျား"
သူက လက်ဝေ့ပြီး ခွင့်ပြုကြောင်း အမူအရာနဲ့ပြတယ်။ ကျွန်တော်ထရပ်လိုက်သည်။ ဒါပေမယ့် အဆင်မပြေ လှပါဘူး။ သမ္မတလုပ်တဲ့သူက ကျုပ်လိုပါမွှားကို မော်ကြည့်နေရပြန်တယ်။ သည်တော့ မှ သူကပြုံးပြီးထတယ်။ ပြီး...သူ့စားပွဲကို ပြန်လျှောက်သွားတယ်။

"ကဲ...ကျုပ်ဒီမှာထိုင်မယ်၊ ဗိုလ်မှုးကြီးက လမ်းလျှောက်ရင်း စကားပြောချင်ပြော၊ ရင်းရင်းနှီးနှီးသာ ပြောပါ၊ ထုံးတမ်းစဉ်လာတွေ လုပ်မနေပါနဲ့"
"ကျေးဇူးတင်ပါတယ်....ခင်ဗျာ"
ကွမ်လိုစီ ကပါ ထလာပြီးကျုပ် ဘယ်လက်ကုလားထိုင်တစ်လုံးမှာ ၀င်ထိုင်တယ်။ ကျုပ်လည်း ဆက် တွယ်တော့မယ် ဆိုပြီး သမ္မတရဲ့ မျက်လုံးတွေနဲ့ ရင်ဆိုင်လိုက်တယ်။
"ကျွန်တော့်ကို မစ္စတာကွမ်လိုစီက တိုတိုပြောဖိုက အမိန့်ရှိထားပါတယ်၊ သမ္မတကြီး မကြာခင် ညစာ စားမယ့် အကြောင်းလဲ ကျွန်တော်သိထားပါတယ်၊ ကျွန်တော့်နိဒါန်း ပျိုးတာနဲ့ပဲ ညစာတွေ အေးကုန်လောက်ပါတယ်"
ကွမ်လိုစီ ကို ကျုပ်ငဲ့ကြည့်လိုက်တယ်။ မျက်နှာ ပျက်နေတယ်လေ။ သမ္မတက နာရီကို ငုံ့ကြည့် တယ်။ နှုတ်ခမ်းကို တင်းတင်းစေ့တယ်။ ပြီးတော့ကျုပ်ကို အတန်ကြာငေးကြည့် နေပြန် ပါတယ်။ နောက်ဆုံး ကျမှ.....
"ကဲ...ခင်ဗျား ပြောမယ့်ကိစ္စ သိပ်အရေးပါတယ်လို့ ကျုပ်ယုံကြည်ရင် ညစာက ကိစ္စမရှိပါဘူး၊ စောင့်နိုင်ပါတယ်"
ပထမ တစ်ထစ် ကျော်နိုင်ခဲ့ပြီလို့ ကျုပ်သဘောပေါက်လိုက်တယ်။ သက်မတစ်ချက်ချပြီး အနိမ့် အမြင့်မရှိတဲ့ အမျိုး နဲ့ကျုပ်စကားဆက်တယ်။

"သမ္မတကြီး...ခင်ဗျား၊ ကျွန်တော့်အနေနဲ့ နှစ်ပေါင်းသုံးဆယ်လုံးလုံး အမေရိကန် စစ်တပ် မှာ ဖြစ်ချင်တိုင်း ဖြစ်နေတာ၊ အရည်အသွေးကျနေတာတွေကို ကျွန်တော့်စစ် ဦးစီးချုပ်ရှေ့မှာ ပြောဖို့ တာဝန် ရှိတယ်လို့ ခံယူပါတယ်။"
လောကကြီးတစ်ခုလုံး တိတ်ဆိတ်နေသလိုပဲ။ သမ္မတက ကွမ်လိုစီကို လှမ်းကြည့်တယ်။ ပုပ်နေ တဲ့ကြွက်သေ တစ်ကောင်ကို ချီလာတဲ့ ကြောင်တစ်ကောင်ကို ကြည့်သလို ကျုပ်ကိုတစ်လှည့် ပြန် ကြည့်တယ်။ ပြီးတော့လုံးဝ မျက်နပ်တဲ့ အသံမျိုးနဲ့....
ခင်ဗျားရင်ဘတ်ပေါ်ကတံဆိပ်တွေ နဲ့ တိုင်းပြည်အတွက်အသက်ပေးသွားတဲ့ ရဲဘော်လူပေါင်းများ စွာကိုအပုပ်ချ ဖို့ ခင်ျားမှာ တာဝန်မရှိပါဘူး
ကျုပ် ခေါင်းယမ်းလိုက်တယ်။

"အဲဒီလိုမဟုတ်ပါဘူးခင်ဗျာ၊ ကျဆုံးလေပြီးတဲ့ရဲဘော်များကို ကျွန်တော်အမြဲအလေးပြုပါတယ်၊ ကျွန်တော်ဟာ စစ်သက်နှစ်ဆယ့်ရှစ်နှစ် ရှိနေတဲ့ စစ်သားတစ်ယောက်ပါ၊ အမေရိကန်ကြည်း၊ ရေ၊ လေတပ်သားတွေက ကမ္ဘာမှာ အတော်ဆုံး တပ်သားတွေပါ၊ ကျွန်တော်ဝေဖန်တာက အထက်ပိုင်း ကိုပါ၊ သူတို့ရဲ့သဘောထား၊ သူတို့ ရဲ့တွေးခေါ်ပုံ၊ သူတို့ရဲ့ဖွဲ့စည်းပုံတွေကိုပါ၊ ကျွန်တော်တို့တိုင်း ပြည်ရဲ့လက်နက်ကိုင် အဖွဲ့အစည်းတွေဟာ သမ္မတကြီး ရဲ့ကမ္ဘာ့နိုင်ငံရေး ပေါ်လစီကို ဘယ်လိုမှ လိုက်မမီအောင် နောက်ကျန်နေပါတယ်"
ငြိမ်ချက်သားဆက်ကေင်းနေမြဲ။ သူ့မျက်နှာမှာ အစာမကြေသည့် အရိပ်အယောင်များ အထင်း သား။
"ရှင်းစမ်းပါဦး...ဗိုလ်မှုးကြီး"
"သမ္မတကြီး...ခင်ဗျား၊ လွန်ခဲ့တဲ့နှစ်ပေါင်း သုံးဆယ်ကစပြီး ကျွန်တော်တို့ တိုင်းပြည်ဟာ စစ်ရေး အောင်မြင်မှုနဲ့ ကင်းဝေးခဲ့ပါတယ်" သမ္မတသက်ပြင်းချတယ်။

"ဂရင်နာဒါ ကိစ္စကတော့"
"ဂရင်နာဒါ မှာ ကျွန်တော်တို့ အသေအလဲ ခံရတာပဲ၊ ကျွန်တော်ပါတယ်လေ၊ ဒီအကြောင်းနောက် မှ ကျွန်တော်ဆွေးနွေးပါ့မယ်၊ ပထမကိုရီးယား စစ်ပွဲအကြောင်းက စကြရအောင်၊ အင်းချွန်းဆိပ် ကမ်းကို ကျွန်တော် တို့ ကမ်းဟက်တပ်တွေ ၁၉၅၀-ခုနှစ်မှာ ဆင်းတယ်၊ ကိုဘဲ့လိ့စစ်ဆင်ရေးလို့ နာမည်တွင်ပါတယ်"
"အဲဒါလဲ ကျဆုံးခန်း ပဲလား"
"မဟုတ်ဘူးခင်ဗျာ၊ အရမ်းပိုင်တဲ့ ကမ္ဘာကျော်အောင်မြင်မှုပါ၊ အဲဒါဟာ ကျွန်တော်တို့ရဲ့ နောက်ဆုံး အောင်ပွဲပဲ"
သူ့ စားပွဲရှေ့မှာ ကျုပ်လမ်းလျှောက်တယ်၊ ခြေသံလုံးဝမကြားရဘူး၊ ကော်ဇောကအထူကြီးလေ၊ လက်ညှိုး တစ်ချောင်း ထောင်လိုက်တယ်။

"အဲဒီအောင်ပွဲပြီးတော့ ကျွန်တော်တို့ဟာ လူးမြစ်သို့ချီတက်ကြပါတယ်၊ မက်အာသာဟာ တရုတ် ၀င်လာမယ် ဆိုတာ လုံးဝမရိပ်မိခဲ့ပါဘူး၊ သူကအခြေအနေကို ကျယ်ကျယ်ပြန့်ပြန့်မသုံးသပ်ဘဲ စစ်ကြောင်းတွေ အလောတကြီးရှေ့ကိုဖြန့်တယ်၊ အဲဒီမှာ တရုတ်က၀င်တွယ်တော့ ကျွန်တော်တို့ တစ်တွေ အမေရိကန် စစ်သမိုင်းမှာ၊ အဝေးဆုံးခရီးကို ခွေးပြေးဝက်ပြေး စစ်ဆုတ်ခဲ့ကြရတယ်၊ နောက်ဆုံး ထွက်ပေါက်ပါ အပိတ်ခံ လိုက်ရတယ်၊ အဖြေက ကိုရီးယားနှစ်ခြမ်းကွဲတယ်၊ ကျွန်တော် တို့ရဲ့သမိုင်းမှာ ပထမဆုံးအနေ နဲ့ ရေခြားမြေခြားမှာ စစ်ရှုံးခြင်းပဲ"
သူကဖြတ်ပြီး........
"လူတိုင်း အဲဒီလို မမြင်ကြပါဘူး"
ကျုပ် ချာခနဲ လှည့်ပြီး သူနဲ့မျက်နှာချင်းဆိုင်လိုက်တယ်...
"သမ္မတကြီး ခင်ဗျား၊ ကျွန်တော်တို့စစ်သားတွေကတော့ ဒီအတိုင်းပဲမြင်ပါတယ်၊ သမိုင်းဆရာတွေ က တစ်မျိုးရေးချင် ရေးကြပါလိမ့်မယ်"
ကျုပ်ကဒုတိယလက်ချောင်းထောင်လိုက်ပြီး...

"ခြောက်ဆယ့်တစ်ခုနှစ်မှာ ကျူးဘားဝတ်ပင်လယ်ကွေ့ အရေးအခင်းဖြစ်တယ်၊ စီအိုင်အေက လုပ်တဲ့ စစ်ဆင်ရေး ဖြန့်ပေးမယ်လို့ စီမံချက်ရေးဆွဲရာမှာ ကျွန်တော်တို့ စစ်တပ်က အများကြီးပါ ခဲ့တယ်၊ အကြီးအကျယ် ကျွန်တော်တို့ ကွဲခဲ့တယ်၊ ကမ်းတက်တပ်တွေရဲ့ စစ်ဆင်ရေးမှာ သမိုင်း အတင်ခံ ရဲလောက်အောင် မှားယွင်းခဲ့တယ်၊ လက်နက် ခဲယမ်း မီးကျောက်လဲ အပိုပါမသွားဘူး၊ လေကြောင်း အကာအကွယ် မယူဘဲ ပေါ်တင်ကြီးတက်တယ်၊ ထောက်လှမ်းရေးအတင်း ညံ့ဖျင်းလွန်းတာ ဘူးပေါ်သလိုပေါ် တဲ့ စစ်ပွဲပဲ"
တတိယလက်ချောင်း ထောင်လိုက်ပြန်တယ်...

"ဗီယက်နမ်၊ ကမ္ဘာမှာ မယှဉ်သာအောင် ကြီးမားတဲ့ စစ်အင်အားနဲ့ ယုံကြည်မှု၊ ကိုယ့်ကိုယ်ကို အထင်ကြီးမှု အပြည့် နဲ့ ကျွန်တော်တို့ တိုက်ခဲ့တယ်၊ ဘာကြောင့် ရုပ်ပျက်ဆင်းပျက် စစ်ရှုံးရသလဲ၊ ပင်တဂွန်က ကျွန်တော် တို့ ကောင်လေးတွေ ကို ခြောက်လတစ်ကြိမ် လူလဲရမယ်တဲ့၊ သမ္မတကြီး ခင်ဗျား၊ ကျွန်တော်ဗီယက်နမ် မှာ ခြောက်နှစ်ကြာခဲ့ပါတယ်၊ သူတို့တစ်တွေ ၀င်လာလိုက်၊ ပြန်သွားလိုက် လုပ်နေတာ ကို ပဲ စောင့်ကြည့်နေပါတယ်၊ ပထမသုံးလမှာ သူတို့ကို သင်ပေးရပါ တယ်၊ နောက်သုံးလမှာ သူတို့ မစွန့်စား ချင်ကြပါဘူး၊ တိုက်ခိုက်ရေး တပ်တွေမှာ စွမ်းရည် ကျလာတယ်၊ အချင်းချင်း စည်းလုံးမှုနည်းလာတယ်၊ ဒါ လူ့သဘာဝပဲ၊ ဟိုစောစောပိုင်းတုန်းက ဗြိတိသျှတပ်တွေ ဒီလိုစစ်ပွဲမျိုး အင်ဒိုနီးရှားမှာ တိုက်ခဲ့ဖူး တယ်၊ ဘော်နီယိုကျွန်းမှာပါ၊ စစ်ထွက်ကတည်းက မနိုင်မချင်းမပြန်ခဲ့နဲ့၊ အနိုင်တိုက်လို့ မှာလိုက်တယ်၊ သုံးနှစ်နဲ့ သူတို့ စစ်နိုင် သွားတယ်"
သမ္မတက ကွမ်လိုစီကို လှမ်းကြည့်တယ်၊ ကွမ်လိုစီက ခေါင်းညိတ်ပြတယ်၊ ကျုပ်က စတုတ္ထ လက် ချောင်းထောင်နေပြီ။

"နောက် တစ်ထောင့်ကိုးရာ ခြောက်ဆယ့်ရှစ်ခုနှစ်၊ ပွေဗလို အဏုမြူထောက်လှမ်းရေး သင်္ဘော ကိစ္စ၊ ရေတပ်က မဖြစ်စလောက် လက်နက်ကလေး တပ်ပေးပြီး မြောက်ကိုရီးယား ရေပိုင်နက်ထဲ လွှတ် လိုက်တယ်၊ ပေါက်ကွဲ ဖို့စောင့်နေတဲ့နေရာ၊ သိပ်ရန်လိုနေတဲ့နေရာ၊ ဘာပြောကောင်းမလဲ တန်းအဆော်ခံလိုက်ရတာပဲ၊ ပွေဗလိုက စစ်ကူ လှမ်းတောင်းတော့ ဘယ်ကမှ အကူအညီရောက် မလာဘူး၊ ပွေဗလိုရေယာဉ်မှုးဟာ သူ့တာဝန်အရ လွတ်အောင်မောင်းပြေး ရမယ်၊ ဒါပေမယ့် မပြေး နိုင်ခဲ့ဘူး၊ ကျွန်တော်တို့မျက်နှာဓား နဲ့လှီးပစ် ဖို့ ကောင်းလောက်အောင် အရှက်ကွဲခဲ့ကြတယ်"
သူကျုပ် ကို စိတ်ဝင်တစားကြည့်နေပြီ။ ဆက်မလျှောက်တော့ဘဲ သူနဲ့မျက်နှာချင်းဆိုင် မတ်တတ် ရပ်ပြီး ဘယ်ဘက်လက် က လက်ချောင်းစထောင်တယ်။
"ခုနစ်ဆယ် ခုနှစ်မှာ ဆွန်တေးစစ်ဆင်ရေး၊ မြောက်ဗီယက်နမ်က အမေရိကန် သုံ့ပန်းတွေကို ကယ်မယ့် စီမံချက်၊ ဆွဲထားတဲ့ပုံစံက သိပ်နိပ်တယ်၊ ဒါပေမယ့် ကွန်မန်ဒိုတပ်ဖွဲ့ ဆွန်တွေးကို ရောက်တော့ အမေရိကန် တစ်ယောက်မှ မရှိတော့ဘူး၊ လပေါင်းများစွာကတည်းက သူတို့ကို ရွေ့ ထားပြီးပြီ၊ ကဲ...ဒါလဲ စီအိုင်အေ အသုံးမကျတာ ဘဲ မဟုတ်လား"
လက်တစ်ချောင်းထပ်ထောင်ပြီး လမ်းပြန်လျှောက်တယ်။

"ခုနစ်ဆယ့်ငါးခုနှစ်ကျတော့ မာယာဂွက်ဇ် အမေရိကန်ကုန်တင်သင်္ဘော သင်္ဘောသားတွေကို ကမ္ဘောဒီးယားက ညှပ် ဖမ်းတယ်၊ တစ်ခါကယ်ကြပြန်ရော၊ ဒီတစ်ခါစီအိုင်အေ ချာတူးလန်ပုံက ပိုပြီး အော့နှလုံး နာစရာ ကောင်းတာပဲ၊ ကုန်းကလေးပေါ်ကို စစ်ကြောင်းတွေ ဖြန့်တက်တယ်၊ လဲသေဖို့ တောင် ကောင်းတဲ့ အဖြစ်ပဲ၊ သင်္ဘောသားတွေကို အဲဒီအချိန်မှာ လွှတ်ပေးပြီးနေပြီ၊ တစ်ကမ္ဘာလုံး ၀ိုင်းဟားကြတယ်၊ ဒါပေမယ့် ကျွန်တော် တို့ဘက်က လေးဆယ့်တစ်ယောက် ကျသွားတယ်"
ကျုပ်နောက်ထပ် လက်မထောင်တော့ဘဲ လက်နှစ်ဖက်ချပြီး ဆက်ပြောတယ်။

"ခုနှစ်ဆယ့်ကိုးခုနှစ်ကျတော့ အီရန်သံရုံးအသိမ်းခံလိုက်ရတဲ့ ကိစ္စ၊ ကယ်ဆယ်ရေး စစ်ဆင်မှုအ တွက် စီမံချက်တွေလုပ်ကြပြန်ရော၊ အဲဒါကတော့ ကျွန်တော်တို့သမိုင်းမှာ ရှက်စရာအကောင်းဆုံး အဖြစ်အပျက်ပဲ၊ ဗိုလ်မှုးကြီးဘက်ဝစ် နဲ့ သူ့လူတွေဟာ ကမ္ဘာပေါ်မှာ အတော်ဆုံး စစ်သားတွေပဲ၊ ငါးလတိတိ သူတို့လေ့ကျင့်တယ်၊ ဒါပေမယ့် စီမံချက်အဘက်ဘက်က ထောင့်မစေတဲ့အတွက် အရေးနိမ့်ခဲ့ရတယ်၊ အကြောင်းရင်း ကတော့ စစ်ဆင်ရေးဒေသနဲ့ အမေရိကန်နိုင်ငံ ဝေးလွန်းတာ ရယ်၊ လေ့ကျင့်ပုံလေ့ကျင့်နည်း ညံ့ဖျင်း တာရယ်ကြောင့်ပါပဲ၊ ဒါပေမယ့်ဘယ်သူမှ ဒါကိုထောက် မပြရဲကြဘူး၊ ကွန်ပျူတာ အဖြေလွှာတွေက အကောင်းဆုံးပါ၊ အမှန်ဆုံးပါလို့ ပြနေတာမဟုတ် လား"
"ကျွန်ပျူတာထဲကို သဲမုန်တိုင်းကျမယ့်ကိစ္စ ကြိုထည့်လို့ရသလား၊ လေသူရဲတစ်ယောက်ရဲ့ ချွတ် ယွင်းနိုင်မှုကို ကြိုတွက် ထားရဲ့လား၊ စစ်ဆင်ရေးဒေသကို မမျှော်လင့်ဘဲ အရပ်သားတွေ ရောက်လာနိုင်တဲ့ကိစ္စ ထည့်နိုင် သလား၊ ရဟတ်ယာဉ်ကို ကြံ့ခိုင်ရေးကောင်းကောင်း လုပ်မပေး လိုက်လို့ ဖြစ်လာမယ့် ပြဿနာတွေကို ထည့်တွက်ကြရဲ့လား၊ အဲဒါတွေ ထည့်မတွက်တဲ့ အခါကျ တော့ခုလို တစ်စစီဖြစ်ကုန်တာပေါ့"

သူ့ဘက်ကိုကျုပ်ချာခနဲ လှည့်လိုက်တယ်။ သူကစားပွဲကို မျက်မှောင်ကုတ်ပြီး ငုံ့ကြည့်နေတယ်၊ ကျုပ်ကကွမ်လိုစီ ကို လှမ်းကြည့်လိုက်တယ်။ သူကဟိုးအဝေးကြီးက နံရံကို ငွေးကြည့်နေတယ်၊ သည်တော့မှ ကျုပ်က အသံတိုးတိုးနဲ့...
"ရှစ်ဆယ့်သုံးခုနှစ်မှာ ဘီရွတ်အရေးအခင်းဖြစ်တယ်"လို့ စကားဆက်တော့ သမ္မတမော့ကြည့် တယ်။ သူ့အတွက်ကျုပ်စိတ်မကောင်းပါဘူး၊ ဒါပေမယ့် ရပ်ထားလို့တော့ မရဘူးလေ။
"ဟုတ်ကဲ့၊ ဘီရွတ်ကိစ္စပါ၊ ထုံးစံအတိုင်း စစ်ဆင်ရေးစီမံချက်တွေ အသုံးမကျလို့ ကမ်းတက်တပ် သားပေါင်းနှစ်ရာ့လေးဆယ့် တစ်ယောက်ကျဆုံးခဲ့ရတယ်၊ နောက်နှစ်ရက်မှာ ကျွန်တော် စစ်ရုံး အတင်ခံရတော့မယ်၊ ကျွန်တော် စွဲချက်တင်ခံရတဲ့ ပြစ်မှုက ဗိုလ်ချုပ်တစ်ယောက်ကို ဆွဲထိုးလို့၊ သူ့မေးရိုးမ ကျိုးပါဘူး၊ ရောင်ရုံရောင်သွားတာပါ၊ ဒါပေမယ့်ဒီဘီရွတ်ကိစ္စနဲ့ ဗိုလ်ချုပ်ဘယ်နှစ် ယောက်စစ်ခုံရုံး အတင်ခံရသလဲ"

"သမ္မတသက်ပြင်းချတယ်၊ ကုလားထိုင်နောက်ကို ပစ်မှီလိုက်တယ်။ အခန်းထဲမှာ အကြာကြီး တိတ်ဆိတ် သွားပြန်တယ်၊ ကျွန်တော့်ခေါင်းထဲမှာ နောက်ကျသွားတယ်၊ ကျုပ်တောင်နိုင်ခြင်းလား ရှုံးနိမ့်ခြင်းလား မသေချာသေး။ သူကနာရီကိုကြည့်တယ်၊ ပြီးတော့ ကွမ်စီလိုကိုကြည့်တယ်၊ သူ့ရင် ထဲကလှိုင်းပုတ်သံတွေကို ကပ် နားထောင်ချင်နေတယ်၊ သူနောက်တစ်ကြိမ် သက်ပြင်းချပြန်တယ်၊ ပြီးတော့တယ်လီဖိုန်းကောက်ကိုင်ပြီး ခလုတ်တွေ ကို အမြန်နှုန်း နဲ့ နှိပ်တယ်။"
"ဂျူလီ လား၊ သမ္မတကတော်နဲ့ ငါစကားပြောမယ်"
ခဏငြိမ်သွားပြီး သမ္မတက စကားဆက်တယ်။
"မိန်းမရေ...ဒေါမပွနဲ့နော် ကိုယ်နည်းနည်းလေး နောက်ကျမယ်၊ ဟုတ်တာပေါ့မိန်းမရယ်၊ စန်ကာလိုကိစ္စကလွဲပြီး ဘာများ ရှိဦးမှာလဲ၊ ဟုတ်ပါတယ်၊ ကိုယ်သိပါတယ်၊ ခဏလေး"
သူ ကျွန်တော့်ကို လှမ်းကြည့်တယ်။

"ခင်ဗျား ဘယ်လောက်ကြာမလဲ ဗိုလ်မှုးကြီး"
"နာရီဝက်လောက် ပါပဲ သမ္မတကြီးခင်ဗျား"
သမ္မတကြီး က ဖုန်းခွက်ထဲကို ပါးစပ်တေ့ပြီး.........
"နာရီဝက်လောက်ပဲ ကြာမှာပါကွာ၊ ဟုတ်ပါတယ်၊ သိပ်သိတာပေါ့၊ အတူတူပါပဲ အချစ်ရယ်"
သူ ခပ်သွက်သွက် တယ်လီဖုန်းကို ချလိုက်တယ်။
"ကဲ...ဗိုလ်မှုးကြီး၊ ကျုပ်နားထောင်မယ်၊ ခင်ဗျားပြောသမျှ ကျုပ်သဘောတူတယ်တော့ မထင်နဲက၊ ဒီကိစ္စတွေမှာ ထည့် စဉ်းစားစရာ အချက်တွေ အများကြီးရှိတယ်၊ ကံကြမ္မာနဲ့လဲဆိုင်တယ်၊ ဒါထက် ဂရင်နာဒါကိစ္စမှာ ဘာမှား လို့လဲ"
"ဟုတ်ကဲ့၊ ကျွန်တော်တို့ အဲဒီပွဲမှာ နိုင်ပါတယ်၊ ဒါပေမယ့် သစ်ကြားသီးကို လမ်းကြိတ်စက်နဲ့ ခွဲသလိုဖြစ်သွား တယ်၊ အဲဒီမှာ လမ်းကြိတ်စက်က နည်းနည်း ပရမ်းပတာဖြစ်သွားတယ်"
"ဆိုပါဦး...."

"မလိုဘဲနဲ့ အင်အားတွေ လွှတ်ကန်သုံးတော့ အကျအဆုံးတွေအရမ်းမျာသွားတယ်၊ အမှန်က လေးထီးတပ်သား တစ်ထောင်လောက် နဲ့ လုံလောက်တယ်၊ စစ်အင်အား သိပ်များတော့ ရှုပ်ထွေး ကုန်ပြီ၊ အချင်းချင်း ထပ်တိုက် ပြန်တွေ့တော့ ရှုပ်ကုန်ရော၊ ဆေးကျောင်းသားတွေရဲ့ တပ်ခွဲကို ကယ်ဖို့ လေးဆယ့် ရှစ်နာရီကြာအောင် ကျွန်တော်တို့ အချိန်ပေးခဲ့ရတယ်၊ အမှန်ကနှစ်နာရီနဲ့ ပြီးရမယ့်ကိစ္စ၊ အဲဒါလဲ ကျွန်တော် တို့ရဲ့ထောက်လှမ်းရေး ချာထူးလန် တာပဲ၊ အဆိုးဆုံးအဖြစ် ကတော့  စိတ္တဇဆေးရုံ တစ်ခုလုံး ကျွန်တော်တို့ အမြောက်ဆန်တွေကြောင့် ပျက်စီးသွားရတဲ့ အဖြစ်ပဲ၊ ကျွန်တော်တို့ဘက်က ဗိုလ်ချုပ်ကြီးတွေတော်တာ တစ်ခုရှိတယ်၊ အဲဒီကိစ္စ သတင်းစာ တွေထဲမပါအောင် အချိန်မီ လိုက်ပိတ်နိုင်ခဲ့တယ်၊ အမှန်က သူတို့ကိုယ်သူ တို့ ကာကွယ်လိုက်တာ ပါ"
သမ္မတရဲ့နှုတ်ခမ်းပေါ်မှာ မဆိုစလောက်အပြုံးကလေးယဲ့ယဲ့ထင်သွားတယ်။ နံရံကပ်ဗီရိုတစ်လုံးဆီ ကိုထသွားပြီး တံခါး ဆွဲဖွင့် တယ်။ အထဲမှာ ပုလင်းတွေ၊ ဖန်ခွက်တွေ။ သူက ကျုပ်ဘက် သမင်လည်ပြန် ကြည့်ပြီး.....
"ကျုပ် ကတော့ ဒီလိုအချိန်မျိုးမှာ မာတီနီပဲ သောက်တယ်၊ မိုက်လဲ အတူတူပဲ၊ ခင်ဗျားကော မာတီ နီပဲ သောက်မယ် မဟုတ်လား"
"ကျေးဇူးတင်ပါတယ် ခင်ဗျာ"

ကျုပ်က ဘီယာပဲ သောက်ချင်ပါတယ်၊ ဒါပေမယ့် သမ္မတကို ဘယ်ပြောလို့ ကောင်းမလဲ။ သူက မာတီနီကို စိတ်ရှည် လက်ရှည် စပ်တယ်။ ကွမ်လိုစီက ထသွားပြီး သူ့ခွက်ကို သူယူတယ်။ သမ္မတက ကျုပ်ခွက်ကို ယူလာပေး တယ်။ ပြီးတော့ စားပွဲစွန်းမှာ တင်းပါးလွှဲထိုင်ပြီး သူ့ခွက်ကို မြှောက်ရင်းဆုတောင်းတယ်။ ကျုပ် တို့နှစ်ယောက် ဖန်ခွက်ကိုယ်စီမြှောက်ပြီး မော့လိုက်ကြတယ်။ တစ်သက်နဲ့တစ်ကိုယ် ဒါလောက်ကောင်းတဲ့ မာတီနီ မသောက်ဖူးဘူး။
"သိပ်ကောင်းတဲ့ မာတီနီပဲ ခင်ဗျာ"သူကပြုံးပြီး...
"ကျေးဇူးပါပဲဗျာ၊ ကဲ...ပြောပါဦး၊ အတိုချုပ်ပေါ့ဗျာ၊ ဘာလို့ဒီလိုဖြစ်ရတာလဲ၊ ဘာကြောင့် အရှုံးတွေ ဆက်တိုက်ပေါ်ခဲ့ရတာလဲ"
နောက်တစ်ကျိုက်မော့ပြီး ကျုပ်အာရုံတွေကို စုစည်းလိုက်တယ်။
"သမ္မတကြီး...ခင်ဗျား၊ စကားလုံးတစ်လုံးတည်းနဲ့ပြောရရင်တော့ ပညာရပ်ပိုင်းပါပဲ"
စားပွဲ ကို သူငုံ့ကြည့်နေတယ်။ ဖန်ခွက်ကို ဟိုဘက်သည်ဘက် လှည့်ရင်း စဉ်းစားနေတယ် ထင်ပါရဲ့။

"ကျွန်တော်တို့တွေဟာ အဲဒီအပိုင်းကို အားကိုးလွန်းနေတယ်၊ အထက်ပိုင်းကဆိုရင် သူ့ဦးနှောက် မသုံးတော့ဘဲ စက်ဦးနှောက် နဲ့ပဲ အဖြေထုတ်နေကြတယ်၊ ကမ္ဘာပေါ်မှာ အရိုးဆုံးနဲ့ အခြေခံအကျ ဆုံးအချက် ကို မေ့ထားကြတယ်၊ စစ်သားတွေ အောင်ပွဲခံတဲ့ တိုက်ပွဲတိုင်း မြေကြီးပေါ်မှာ ဖြစ်တဲ့ စစ်ပွဲတွေချည်းပါပဲ၊ ကျွန်တော် တို့ ဗီယက်နမ်မှာ စစ်ရှုံးခဲ့ရတယ်၊ တစ်ဖက်ရန်သူမှာ ကြည်းတပ်က လွဲပြီးဘာမှမရှိပါဘူး၊ ကျွန်တော် တို့ဘက်မှာက ကြည်း၊ ရေ၊ လေအပြည့် ကျွန်တော်တို့ဘက်က ကျည်ဆန်ဆယ်သန်းပစ်မှ ဗီယက်ကောင်း တစ်ယောက် ကို တစ်ချက်ပဲ မှန်တယ်၊ ကျွန်ပျူတာ တွေ၊ လျှပ်စစ် အာရုံခံပစ္စည်းတွေကြောင့် ကျွန်တော်တို့ တစ်တွေ မျက်စီကန်းနေကြတယ်၊ ဒုတိယ ကမ္ဘာစစ် နောက်ပိုင်းကတည်းက အဲဒီလို ဖြစ်လာတာပါ၊ ဟိုတုန်းကစစ်ပွဲတွေ ကို သူတို့အားလုံး မေ့ထားကြတယ်၊ တပ်မှုးတစ်ယောက်ရဲ့ ပထမဆုံးတာဝန်က တစ်ဖက်ရန်သူ ရဲ့ သတင်းကို အတတ်နိုင်ဆုံး စုဆောင်းဖို့ပါပဲ၊ နောက်ဆုံးတာဝန်ကလဲ ဒါပါပဲ၊ တစ်ဖက်က အင်အား အခြေအနေ နဲ့စစ်ဆင်မှု အခြေအနေမသိဘဲ ထွက်တိုက်လို့ကတော့ အဏုမြူဗုံးမသုံးရင် ရှုံးမှာချည်းပဲ"
သူ ခေါင်းညိတ်တယ်။

"အဲဒီအတိုင်း ဟုတ်တယ် ထားပါတော့၊ ခုကိစ္စမှာ ဘာအမှားအယွင်းရှိလို့လဲ"
ကျုပ် က လက်ကျန်ကို မော့လိုက်ပြီးတော့...
"ကျွန်တော့်စကားလုံး ရိုင်းသွားရင် ခွင့်လွှတ်ပါ သမ္မတကြီးခင်ဗျား၊ မစ္စတာကွမ်လိုစီကို ပြောခဲ့သလိုပဲ နည်းနည်း မှ သောက်သုံး မကျပါဘူး"

ဆက်ရန်
.
>>>ဆက်ဖတ်ရန်>>> >>